လွယ်လွယ်ကူကူနဲ့ ဘဝကို နေထိုင် ဖြတ်သန်းကြရအောင်။

ထိုင်းနိုင်ငံ၊ ချင်းမိုင်မြို့မှာ နေထိုင်တဲ့ ဂျွန်ဂျန်ဒိုင်ရဲ့ ရုပ်သံတွေကို သူ့ရဲ့ခွင့်ပြုချက်နဲ့ ဘာသာပြန် တင်ဆက်နေတာ ဖြစ်ပါတယ်။

ဂျွန်ဂျန်ဒိုင်ရဲ့ ထင်ရှားတဲ့ အလုပ်တွေထဲမှာ မြေသားအိမ်တွေ တည်ဆောက်တဲ့အလုပ်လည်း ပါပါတယ်။ နိုင်ငံအနှံ့မှာ မြေသားအိမ် တည်ဆောက်နည်းသင်တန်း အများအပြား ပေးခဲ့သူပါ။ မြေသားအိမ်ဆောက်တဲ့နည်းပညာကို သိနားလည်သူ များပြားသွားပြီဖြစ်တဲ့အတွက် အခုတော့ သူက ဒေသရင်းမျိုးစေ့စုဆောင်းတဲ့အလုပ်ကို ပိုပြီး အချိန်ပေး လုပ်ကိုင်နေပါတယ်။

၂၀၂၃ နှစ်ကုန်ပိုင်းမှာတော့ သူနဲ့ ဇနီးဖြစ်သူ အမေရိကန်အမျိုးသမီးက ချင်းမိုင်မြို့ပြင်က လယ်တောအိမ်မှာ မြေပြုပြင်ပြီး သီးပင်စားပင်တွေ စတင် စိုက်ပျိုးနေပါပြီ။ သူတို့ရဲ့သားဖြစ်သူကတော့ တက္ကသိုလ်တက်နေပါပြီ။

ဟိုတုန်းကတော့ သားဖြစ်သူကို သူတို့က အိမ်သင်ပညာရေး home school နဲ့ပဲ ကြီးပြင်းစေခဲ့ပါတယ်။ အိမ်သင်ပညာရေးအကြောင်းလည်း သူက အများကြီး ပြောပြထားပါတယ်၊ ဒီချယ်နယ်မှာ ဘာသာပြန် တင်ဆက်ပေးဖို့ အစီအစဉ် ရှိပါတယ်။

လယ်တောအိမ်ကို ပြောင်းမလာခင်တုန်းကတော့ သူက Pun Pun Organic Farm လို့ ခေါ်တဲ့ စိုက်ပျိုးရေးခြံမှာ နေပါတယ်။