அன்பு போதகரே இயேசுவின் நாமத்தில் நான் உங்களை வாழ்த்துகிறேன்! தழும்புகள் மற்றும் சுகத்தைப் பற்றியதான தங்களுடைய ஆழமான தியானம் மிக அருமை! வாழ்த்துக்கள்! ஆனாலும், மருத்துவத்தை குறித்து தங்களுடைய கருத்துக்களை நீங்கள் பகிராதது வருத்தம் அளிக்கிறது. அதாவது, 100% தழும்புகளால் சுகமா? அல்லது மருத்துவமும் அவசியமா? நீங்கள் பேசியதை பார்க்கும் பொழுது 100% தழும்புகளால் மாத்திரமே சுகம் என்றுதான் பேசி இருக்கிறீர்கள். ஆகையால் உங்கள் வாழ்க்கையில் நீங்கள் தழும்புகளை மாத்திரமே விசுவாசிக்கிறேன் என்பதையும் தியானத்தில் பகிர்ந்து இருக்கலாம் என்பது என்னுடைய கருத்து. உங்கள் வாழ்க்கையில் மருத்துவத்தையும் நீங்கள் சார்ந்து வாழ்வீர்கள் என்றால் நீங்கள் பேசின இந்த தியானம் பிரயோஜனம் அற்றது, தேவன் இதனை அங்கீகரிக்க மாட்டார்! ஏனெனில் ஒரு காரியத்தை நாம் கடைப்பிடிக்காமல் அல்லது விசுவாசிக்காமல் அதை பிரசங்கம் செய்வது விருதா!
அன்பு போதகரே இயேசுவின் நாமத்தில் நான் உங்களை வாழ்த்துகிறேன்! நீங்கள் விளக்கம் வசனம் தமிழில் எளிமையாக "ஒப்புரவாகுதல்" என்று எழுதப்பட்டுள்ளது. தமிழில் எல்லோருக்கும் இதனுடைய அர்த்தம் வாசிக்கும் போது விளங்கும். இதற்கு மூல பாஷையின் விளக்கம் தேவையில்லை. ஏற்கனவே ஆங்கில சபைகள் இப்படித்தான் அறிவுக்கு முக்கியத்துவம் கொடுத்து சீர்கெட்டு போய்க்கொண்டிருக்கிறது. நீங்களும் தமிழ் சபைகளை தயவு செய்து கெடுக்காதீர்கள். அறிவு இறுமாப்பை உண்டாக்கும் என்று உங்களுக்கு தெரியாதா? மேலும் யோவான் 15:15 படி விசுவாசிகள் சினேகிதர்களாக மாறிவிட்டார்களேயானால்? இயேசுவும் பிதாவும் இராஜ்யத்தின் இரகசியங்களை அவர்களோடு பகிர்ந்து கொள்கிறார்களா? தேவனுடைய ரகசியத்தை தேவனிடமே கேட்டு அறிவது ஆசீர்வாதமா அல்லது மனித அறிவின் மூலமாக கிரேக்க வார்த்தையை அறிந்து கொள்வது ஆசீர்வாதமா? இறுதியாக, விசுவாசிகள் தேவனுடைய சத்தத்தையே கேட்கிறது கிடையாது, அதற்கு ஏதாவது பக்தி விருத்தியான வார்த்தையை பகிர்ந்து கொள்ளுங்கள். நன்றி!
