Kujto.al është Fondacion jofitimprurës, i pavarur, joqeveritar dhe jopolitik krijuar dhe financuar nga sipërmarrësi dhe investitori Agron Shehaj.
Fokusi ynë, që prej themelimit në 2018, është memoria kolektive e Shqipërisë së periudhës komuniste 1945 - 1991; hulumtimi, studimi dhe pasqyrimi i fatit të viktimave që vuajtën dënime, internime apo persekutime përmes një qasje të re dhe gjithëpërfshirëse: bashkëpunimit të ngushtë me qytetarët duke shfrytëzuar teknologjinë dhe mundësitë e reja të komunikimit.
Qëllimi i Fondacionit është dokumentimi sa më i plotë i fakteve që lidhen me viktimat dhe traumat e së shkuarës dhe pasqyrimi i tyre në mënyra interaktive, për të vijuar më tej me publikime, botime dhe nisma edukuese edhe sensibilizuese referuar modelit të ndjekur nga vende me të kaluar të ngjashme.
Vëmendje e veçantë i kushtohet “Arkivës online”, www.kujto.al, e cila do të shërbejë si faqosje e gjithë punës dhe aktivitetit tonë.