السلام عليكم. اقدم في قناتي محتوى متنوع : طرق عصرية لتنظيم البيت، نصائح تسهل عليك الأشغال المنزلية،فيديوهات محفزة على التنظيف وتجارب حقيقية ترفع ايجابيتك . مساعدة الناس المسنين والمرضى على تنظيف بيوتهم بالمجان أيضا عمل يفرحني ويمتعني بقدر مايفرحهم. حسابي على انستغرام للتواصل معي: instagram.com/tidy.lifestyle2022/
تبارك الله عليك كيعجبوني روتيناتك . كنتفرج و انا كنقضي المهام المسائية غسلت الاواني و سيقت المطبخ و عجنت المسمن نخليه يرتاح لغدا إن شاء الله. و كذلك وجدت النوݣيت .وغدا صباحا إن شاء الله ونكمل . مهم تهم حاجة تصبح الكوزيتو نقية باش تصبح النفسية مرتاحة 😊
اختي الحمد لله ديما كانقضيه فالليل وماعنناش البديل. لي مامزيانش هوا نخليو الكوزينة مقلوبة وموسخة اما النقا سوا بالنهار ولا بالليل راه مزيان . الا ناكاتبغيش تشطبي ولا تجففي بالليل خلي تالصباح ولكن الماعن يتغسلو والروينة تجمع
اه اختي ماساهلاش. كاتاخدي pause مع الغدا ولا والو ؟ حيت 6 ساعات متتالية صعيبة. حتا انا عندي 6 ساعات ولكن مفرقة 3 صباح و3 عشية لمدة يومين ولكن غي حيت مضطرة نخوي السبت اما مانديرش هاد التوقيت متعب. حاولي تنعسي مزياان فالليل وماتفوتيش 23 وفالصباح فطري وشربي شي فيتامين باش تقدري تعاوني راسك. ملي ترجعي زيدي عي فالصبر وديري واحد الساعة ونص تقريبا ديال الميناج والطياب وعاد رتاحي فخطرة ولا رتاحي شوية وعاد نوضي طيبي و ديري شغلك
تبارك الله عليك اختي من القنوات المفضلة عندي عفاك ممكن تعطيني فكرة علی االفوطر د التوب وخا بالتصيين ما كيمشيش لون انا مازال فنصف الفيديو الی كنت تكلمتي عليهم فاخر الفيديو ما عرفت
قناتك ملهمة حقا وشكرا على مجهوداتك القيمة انا ايضا أستاذة و كنت في بداية أمري مبعثرة بالدارجة مرونة وديما كانضل نجري نجري ووالو ..الى أن انضممت لقناتك فاستطعت ان اجد الروتينات المناسبة لطبيعة عملي ولاسرتي وبيتي ككل..شكررراااا❤❤❤❤ موفقة
عفويتك وتواضعك وبساطتك فعلا انتي مازلتي طفلة بهذه الخصال الحميدة حتى أنا بحالك ولو كبرت مازلت اعشق كل ما هو للأطفال ربما لانني لم انجب😢 إلى شفتي داري غادي ضحكي عليا 😂وكانّه عندي أطفال اي حاجة كتعجبني كنشريها وخاصة مع أكسيون مكنقدرش نقاوم الله افرح الجميع ويسهل اموركن حبيباتي دعيو معايا بالتوفيق وربي يسر ليا في ماهو قادم 🤲 يا رب
حبيبتي الغالية والله انت لي طيبة و محبوبة ولو انني عرفتك غي من خلال التعاليق ديالك ولكن ماشاء الله كادخلي للخاطر. فعلا سعداتكم ب action حمقني انا ماكرهتش نجيبو معايا هههه على الله يديروه عندنا سمعت واقيلا غايديروه فكازا. بالنسبة للوليدات الله يسهل عليك ويسر امورك ويرزقك الذرية الصالحة ياارب. فخبارك انا بغيت نخاوي بنتي ولكن كاطيح ليا فكرة ان كاين أطفال محتاجين عائلة.كاين أطفال فالخيرية متخلى عنهم كانكول علاش مانتبناش عوض مانولد ولكن مسطرة التبني فالمغرب صعييبة ومعقدة . الله يصاوب ويدير لي فيها الخير للجميع يارب
اختي على حسب انا أصلا قديمة شوية فالتعليم را 12 عام وانا استاذة يعني المقررحافظاه والجذاذات واجدين. غي الا بغيت نبدل مع التلاميذ شوية ولا ندير ي نشاط مختلف شي مرات كانفيق بكري شوية ولا فالليل قبل مانعس. وكاتكون عندي شي ايام فيهم عشية خاويا لا كان خاصني نصحح شي حاجة ولا نوجد الفروض
