Муассисаи давлатии «Телевизиони кӯдакону наврасон Баҳористон» бо ташаббус ва дастгирии Президенти Ҷумҳурии Тоҷикистон Эмомалӣ Раҳмон таъсис ёфтааст.

Шабакаи мо 4 сентябри соли 2006 ба пахши барномаҳои худ оғоз кардааст. Имрӯз кӯдакону наврасон ва падару модарон дар беш аз ҳафтод кишвари ҷаҳон, аз ҷумла кишварҳои аъзои ИДМ, барномаҳои «Баҳористон» - ро дар қатори шабакаҳои сершумори ҷаҳон тамошо мекунанд.

Дар Тоҷикистон 3,5 миллион ҷавонон, кӯдакону наврасони то синни 18 сола зиндагӣ мекунанд, ки тамошобини бевоситаи мо ҳастанд. Аз ин рӯ, мо бо назардошти андешаву руҳияи кӯдакону наврасон, намоишҳои гуногуни омӯзишӣ, фарҳангиву маърифатӣ ва низ барномаҳои шавқовари фароғатӣ таҳия намуда, пешкаши бинандагон ва ҳаводоронамон мекунем. «Баҳористон» ҳар рӯз аз соати 7 то соати 22 меҳмони хонадони ҳар яки шумо аст.