الموقع الرسمي للحملة العالمية " شَهرُ فلسطين - Palestine Month “ على اليوتيوب.
هي حملة ذات طابع خيري، لحث الناس علي تحّمل المسؤولية الإنسانية لمساعدة الشعب الفلسطيني المظلوم، في شهر رمضان المبارک، نظراً لما يعانية الشعب من حصار وحرب إبادة وتجويع أدّت لازدياد حجم المأساة والمعاناة خاصة في قطاع غزة، وللوقوف إلی جانبهم والمساهمة في صمودهم من خلال تسهيل الأمور لمن يرغب في الدعم المادي والمعنوي.
- The official account of the international campaign “ Palestine Month “ 🇵🇸
مستغرب لانو ماحدا مهتم لانو فيديو عن فلسطين مستغرب بس ٢٦ مشاهد انا ادركلي انو موجة اعلام لفلسطين وقتا ستغلوها لشهرة وزياده متابعين مو اكتر وفجاة اذا بتنتبه نطفت حملة وكانو ولا شي صاير بفلسطين بعد ماكل واحد وصل لهدفو وصل لعدد متابعين بدو ياه كلا كذبة بكذبة وبس
اسمحوا لي اتحدث عن تجربتي مع ما يسمى بجمعيات الخير الي بتتعبوا وبتجمعوا تبرعات الها وأقسم بالله العظيم أنه كل حرف سوف اكتبه انا صادقة فيه ..في تاريخ ١/١/ ٢٠٢٤ استشهد أخويا وزوجته وتركوا سبع اطفال أصغرهم تلات شهور وأكبرهم ١٣ سنة والبيت بهدومهم وممتلكاتهم كله تحت الردم والحمد لله أنه الأطفال كانوا نازحين عندى والا كان راحوا الحمد لله بعد ما فقت من الصدمة اكتشفت بانه في حياة بدها تستمر وفي حاجة اسمها اكل وشرب وملابس للأطفال وانا نازحة وماعندى اي اشي عدا عن ذلك عندى عزة نفس بتوزع عالعالم في البداية سكرت بابي عليا وعليهم لكن الجوع والحاجة اخرجتنى من بيتي وصرت أسال عن جمعيات تساعدني وتشيل معي الحمل الثقيل للأمانة لاقيت ابواب اكثير جدا مفتوحة والكل بده يسجل واخدت الاولاد على مضض ومشوار طويل وغلبة وبعد تصوير وتقديم مستندات وعملت اللازم وأخذوا رقم جوالي ورجعت بيتنا في انتظار الاتصال لكن للاسف وأقسم بربي سجلت في أربع جمعيات ماحدا رن الا رسالة من جمعية الصلاح طلبوا منى احضر استلم ملابس وبمبرز وهاتي الاولاد نقيس الملابس عليهم وبعد مواصلات ومعاناة وصلت المكان الموظفة هناك حكت لي للاسف المخازن انقصفت والاغراض راحو لما يصير جديد بنبلغك والله العظيم بعت كل ما يمكن بيعه عندى لحتى اقدر اوفر اكل في ظل غلاء فاحش اسعار عشر أضعاف السعر القديم للاسف ما باعرف الغلط وين انا مش عاطلة عن العمل انا خياطة وقد حالي لكن ظروف الكهربا فشي شغل تمنيت أنه جمعية تساعدني أتجاوز المحنة والله الاولاد ابوهم وأمهم كانوا من حفظة كتاب الله ومن فاعلي الخير والسباقين في مساعدة المحتاج وإغاثة الملهوف الله يرحمهم ويقدرني على حمل الأمانة 😢
