لو ماشى على جدول درجة الحرارة الاسبوعية من بداية الدورة وهى انك بتبدأ على ٣٤ وتنزل درجة كل ٣ ايام يعنى درجتين اسبوعيا كده مفيش مشكلة ولكن فى حالة الاشتباه فى وجود اصابة او تأكيدها لازم ترفع الحرارة درجتين عن المعدل الطبيعى لحرارة المكان علشان تدى الفرخ طاقة يقدر يقاوم معاها المرض
بارك الله فيكم التحصينات على عمر يوم رش اى بى على عمر ٧ ايام هتشنر اى بى رش او شرب او تقطير على عمر ١٧ يوم لاسوتا اى بى او كلون اى بى اى اى بى لوحده شرب
دى اصابة فيروسية تصيب الفراخ البياضة هياخدو جرعة مضاد حيوى من نوعين تايلوزين مع اريثرومايسين ١٢ ساعة وجرعة موسع شعب مع رافع مناعة مع غسيل كلوى ١٢ ساعة الجرعتين يستمرو لمده ٥ ايام والاصناف دى عند اى صيدلية بيطرية
من خلال التجربه .. الهبرد مناعته اقل من الروص كتكوت الهبرد اكبر بكتير من الروص جسم الفرخ لما بيكبر في الهبرد بيكون اكبر و اعرض انما الروص كنز الهبرد في الديوك اعلي و رجلها طويله جدا و جسمها اعرض و لحمها يرتكز في الورك و برابر الهبرد اقصر جدا و جسمها اطول من الديوك و لحمها مرتكز في الصدر بنسبه كبيره جدا و الاواك اقل انما الروص جسمها متناسق سواء في الصدر او الورك انا فضلت الهبرد لضخامه جسم الفرخ ما عجبني ان الروص برغم وزنه لكنه كنز جدا!!
السلام عليكم ورحمة الله وبركاته من فضل حضرتك انا لسه طالع معاش وبحثت كتير ومن فترة وانا بتابع كل الفيديوهات فى مجالات مختلفة واخيرا اقتنعت بمشروع تريية الدواجن. كل اللى اعرفة من خلال فيديوهات فقط لكن دى اول مرة هبدأ. انا الان لقيت مزرعة واحد قاللى عليها فى الفيوم مركز طاميه هى المزرعة معروضه ٦٠٠٠ كتكوت ٢٠ الف ايجار سنوى . وانا عايز ابدا ٢٠٠٠ كتكوت فقللى هشوف مزرعة ٣٠٠متر ٣٠٠٠ كتكوت. تريية ارضى طبعا وقالى انه موجود كتكوت تبع عبدالسلام سعره أليوم ٢٩ جنيه واتفق معايا انه فى ناس هتبقى شغاله معايا . المهم قالى حسابيا كده الكتكوت تكلفته ١١٠ جنيه ٣٧ يوم بيطلع ٢.٤٠٠ كيلو وهياكل ٣.٥ كيلو علف وسعر ال ١١٠ شامل كل حاجة . بس قالى انه نسبة النافق ٢٥٠ فى ال ٢٠٠٠ كتكوت ودى كده نسبة كبيرة لانى من خلال متابعتى اعرف ان النسبة 5% يعنى حوالى ١٠٠ فمش عارف النسبة دى كبيرة وانا فى كل الأحوال هبقى قاعد فىةالمزرعة لكذا سبب منها اتابع مالى واكل عيشي ومنها اتغلم واكتسب خبرة واعرف الدنيا ماشيه ازاى. محتاج من حضرتك اى توجيهات او توصيات لانى هبقى لوحدى ومعنديش حد جاهز اصلا يقف معايا ويساعدنى وانا ليا اخ متوفى وترك ثلاثة بنات وولد أيتام محتاجين مصاريف ولابد من انى ارعاهم لعل وعسي ربنا يتقبل منى ويساعدنى. محتاج من حضرتك تساعدني وتقف معايا والله المستعان والوكيل
وعليكم السلام ورحمة الله وبركاته فايدة تربية دجاج اللحم فى البطاريات كالتالى: ابعاد الكتاكيت عن السبلة وبالتالى حمايتها من الامراض سهولة تنظيف السبلة باستمرار وبالتالى حماية الدجاج من الامونيا وما ينتج عنها من اعراض تنفسية سهولة التدفئة خصوصا فى الشتاء خفض هدر العلف وتلوثه اجمالا البطاريات افضل من نظام التربية الارضى
ازي حضرتك يا دكتور انا بقالي سنتين بعاني من الجمبورو وبطهر بالفرمالين وبحط هسلينيوم واتعقت والله ومش عارفه اعمل ايه 😔 مع العلم انا بربي تربيه بيتي 20 كتكوت فقط
د محمود لو اكلت الكتاكيت عمر أسبوع بيض مسلوق كمصدر البروتين الحيواني مثل أجدادنا وأمهاتنا عليهم رحمة الله. ونوع الكتكوت Cobb كدة فيه ضرر الرجاء الرد علما أن هذا بجانب العلف تحياتي من الاسكندريه وجزاكم الله خير الجزاء على مجهوداتك
خيرا جزاكم وشكرا على زوقكم . البيض مصدر للبروتين الحيوانى وغير مستحب استخدام اى نوع بروتين من مصدر حيوانى بالإضافه ان الاعلاف حاليا بها النسبة المطلوبه من البروتين تبعا لعمر الطائر من بادى ونامى وناهى وكان اجدادنا بيستخدمو البيض لتغذيه كتاكيت الرومى لانه يحتاج نسبة ٢٧% بروتين وحاليا فى علف مخصص للرومى بيغطى احتياجاته الاساسيه الخلاصه لا داعى لإستخدام البيض فى تغذية الكتاكيت
@@MahmoudAwadVetclinic اشكرك شكرا جزيلا علي الاهتمام والرد ومعلش ليا سؤال تاني هو أن العلف ساعات يسبب سموم فطرية للطيور ومش عارفه انا ليه مش بحب اعطي الطيور العلف فقط انا بحس أن الاكل الطازج افضل وبحس أن كمان العلف دا شغل تجارة من شركات الأعلاف رأى حضرتك طبعا يهمني وجزاكم الله خيرا 🌹🌹🌹
@@ankadaher1233 السموم الفطرية سببها اصابة الذرة اللى داخل فى العلف او التخزين السئ للعلف علشان كدة مهم استخدام مضاد سموم من عمر ١٠ ايام كل اسبوع ٣ ايام وده بالنسبة للدجاج الابيض لانه حساس اكتر للسموم الفطريه وكنت عملت فيديو عن الموضوع ده اسمه القاتل الصامت فى الدواجن الاكل الطازج ينفع مع الفراخ البلدى انما الفراخ البيضاء على عمر ٢٥ يوم ممكن اكل بيتى عادى مع العلف النامى للحصول على وزن مناسب للذبح على عمر ٣٥ يوم
@@ankadaher1233 الابحاث الخاصة بتغذية الطيور كلها بتؤكد ان المصدر الحيوانى للبروتين زى مسحوق السمك او العظم او الدم او حتى البيض بيعمل مشاكل للانسان اللى هياكل الطيور دى وحصلت مشكلة جنون البقر بسبب تغذية الابقار على اعلاف داخل فى تكوينها بروتين حيوانى وحاليا الاتجاه الحديث هو الاعتماد على الاعلاف النباتيه فقط
