Sāmoa e, ua fa’anunununu le malaga ua fa’asa’asa’alutu Sa tunu i le ma’atui ma le ma’atala o tāgutugutu Auē uā pēia nei o tumutumu, lo ta fale lenei uā tutulu Na o le pe’a ma ona apa’au na fāoa e lē isumu Sāmoa e, o lē muā’olo le Tulafono fa’avae ua toso O ai se toe fa’aalualu ō pe fa’atupu lōto E afe i le sīfo i fuiono pe a vaetasi le mauga i ‘olo Lau o le fiso lau o le sole e mafiafia lo’u toto Pe ‘ā luluina o ta papa fa’avae Na mamulu ai sua ma saili malae Pe ‘ā laga le ma’a e tasi pe solofua lē paepae Ua toe peritome ma peli mana’oga oi mavae Laaulialemalietoa, le miti ua fa’aali mai i le lagi Pei o Iakopo na iloa mea i tua le apefa’i Vala’au Olo ma Leatinu’u na fea’i ae le’i ui le ma’i Tula’i Fa’atuatua i le Atua Samoa Ua Tasi Le Aiga e, Salevalasi, na mua i paia i Samoā Molimoli mai Fiame na te osi le taulagā Na fefevale lava Esetā e fa’atoga i le Tupu mo sa Iutā O ai na manatu mua masiofo oi aso faigatā Pe ‘ā luluina o ta papa fa’avae Na mamulu ai sua ma saili malae Pe ‘ā laga le ma’a e tasi pe solofua lē paepae Ua toe peritome ma peli mana’oga oi mavae Po’o ai ea na Tafā’ifa, o le tama’ita’i o Salamasinā Atoa li’o o le masina na i ai uma pāpā Afā o le Tuiatuā fa’apea ma le Tuia’anā Le Gatoaitele Vaetama Soaali’i mai Safatā Le mavaega sa ī Apitā Matāniufeagaimaleatā Na to e le Malietoa le igaga o le Feagaigā Ou te alu ifo i lē tuugamau, ma mamalu uma o Tafa’i e fā Ae fa’avae ia Iesu le malo o Samoā Pe ‘ā luluina o ta papa fa’avae Na mamulu ai sua ma saili malae Pe ‘ā laga le ma’a e tasi pe solofua lē paepae Ua toe peritome ma peli mana‘oga oi mavae Samoa talofa e i le malaga e nofo ae ‘olo i lē tāfeaga So’o se tulu’iga ua anapogi ma susu’e le fa’amalama Lupele Lafo a Lualemana le fa’ata’ape tupe ua i le fala Tuala Tevaga ua tali mai le Atua i talosaga Sagisagi ua e lona lolo, ua e fa’amaifi i le sa’olotoga Ua fa’afili le namu ma le kamela ua folo ola Pei ona perofeta a’i Amosa, ia tafe ifo le fa’amasinoga Le amiotonu ia tafe tetele pei o ni lologa Pe ‘ā luluina o ta papa fa’avae Na mamulu ai sua ma saili mavae Pe ‘ā laga le ma’a e tasi pe solofua le paepae Ua toe peritome ma peli mana’oga oi mavae Pe ‘ā luluina o ta papa fa’avae Na mamulu ai sua ma saili mavae Pe ‘ā laga le ma’a e tasi pe solofua le paepae Ua toe peritome ma peli mana’oga oi Mavae Pe ‘ā laga le ma’a e tasi pe solofua le paepae Ua toe peritome ma peli mana’oga oi Mavae
As Indonesian I don't understand a single word, but the vibe brings some emotional connection, a familiarity. Shout-out to pacific islander brother and sisters!