نصيحة ذهبيه هذا الكلام يشمل الكل وخصوصآ الينشرن صوتهن لأن الخدمة الحسينيه تبني مستقبل ويتربي اجيال فحافظو عليها الملايه التنشر صوتها باليوتيوب شنو تريد من نشرها ؟؟ تريد أجر وثواب لو شهره وصيت !! اذا تريد أجر وثواب فالأجر يكون بالأخلاص بالعمل الصحيح والسير على طريق الحبيب الحسين لأن الامام ميقبل بهذا النشر ابد هسه تكولن ليش ميقبل ؟؟ اجاوبج ليش لإن يريدچ تطبقين الدين الذي ضحى لأجله اولاده وروحه حتى تبقين انتي شيعيه محتشمه وتعرفين الله لأن لولا الحسين لكان الدين رسم ولا ذكر له الحسين يريدنا نسير على نهج امه فاطمه واخته زينب المخدره التي لم يراها شخص ولا يسمع لها صوت هسه تكولين اجت السيدة ودخلت مجلس يزيد وحجت وسمعوها وشافوها اني اكلج السيدة اجت ويه الأمام الحسين لأكمال الدين والعقيدة لأن الحسين يوم عاشر استشهد وبقية العقيله هيه التي اكملت الرساله ورغم وجودها محد سمع صوتها لايزيد ولا جلاوزته ابد الى ان وصلت للشام ودخلت الدواووين وكان يزيد يتمنى يسمع صوتها واحتار شيسوي حتى يسمعها فقام احد جلاوزته فقال له اضرب شفتي الحسين وهيه تحجي 💔 وفعلآ ضربه وهيه ردت عليه بكلام من القرآن الكريم ماكعدت تسولف وياه بكلام مايع وبي انغام تجمل صوتها هذا الجواب للي تكول السيدة شافوها وحجت محد شاف وجهه شافوها مخدره عمت عيني عليها وبقت شامخه ومادنكت راسها وكملت رسالة الدين اخواتي اقتدن بيها وسيرن على طريقها ترى الدنيا زايله ايام ونرحل لازم منترك ورانه سلبيات وانتقادات واليموت ينقطع عمله وهذه الأمور النعمل بيها بالدنيا نتحاسب عليها اذا كانت بالباطل اني خادمتكم اقدم لكم نصيحتي واتمنى تاخذون بيها ترى الشهره مو باليوتيوب والتيك توك الشهره والصيت العالي يجي بأخلاصكم وعملكم الصحيح لله ولأهل البيت ع اني ام علي الإماره مارفعتني ملاية من اليوتيوب ولا اي شخص رفعني غير عملي وخدمتي النضيفه حالي حالكم اقره مجالس واكتب شعر وكنت محد يعرفني والزهراء رفعتني وهسه العالم كله يعرفني صاحبة دواووين سلسلة المواجع ولله الحمد والشكر ياريت واتمنى وادعي ربي ان يهديهن ويتراجعن ويوصلي خبر منهن اعتزلن عن نشر اصواتهن ومقاطعهن من المواقع هذا الأتمناه والذي يسر قلب الزهراء والحجه المنتظر عج خادمتكم الشاعره والمله ام علي الإماره
السلام عليكم ملا بداعت الحسين جاوبيني سوال أنه صوتي ثخين وانتي كلتي تكنوسات الخط الاحمر يناسب الصوت الثخين زين اشلون اعرفه اصلي وشي ثاني سالت كالو ماكو بعد خط احمر بس خط ازرك بس احاول اروح أكثر من مكان بلي الكه اريد نصيحتج افضل جهاز يناسبني ويبيض وجهي بالمجلس ربي يوفقج❤
