انا راني مخلوعة يا ربي سمحلي وليت نعيف الناس كامل انا تاني رحلت بزاف كنت ندهش في الوسخ لي نلقاه صحتي طاحت غير فالحك و الغسيل و الشقاء.... و قبل ما نخرج من اي دار نديرلها نيطواياج جينيرال، مافهمتش كيفاش عايشة الناس في الوسخ
عندي خالي العزيز ربي يحفظو سباغ كي نقلك كي يصبغ شوفي يسبغ ينقي ليبلانت و يزيد يسيق الارض هذيك الغرفة لي يسبغهالك يردهالك تشعل كي نقولو بزاف عليك بعدا حتى الارضية تمسحها يقولي هذه هي الخدمة الحلايلية و نحب خدمتي تبان لي نخدملو لازم يخرج فرحان و يدعيلي، كي كاش واحد يحوس على سباغ و نورولو هذا خالي يقعدوا غير يشكروا فيه و اي حاجة يقدر اديرها ميبخلش ماشي غير السبيغة اي حاجة يديرها. واشن الحق الحق يدي حقو حلال عليه خدمتو ذهب، ربي يحفظو احسن و احن خال.
