Bekende radioman, akteur, regisseur en teatervervaardiger Frans Swart,, hou deesdae sy lyf ook kok en saai reeds sy baie gewilde reeks, Frans Kook, op meer as 30 verskillende radiostasies in Suid-Afrika en in die buiteland uit, met digby ‘n halfmiljoen luisteraars! Frans maak nou ook kos op RU-vid en maandeliks sal daar nuwe geregte en resepte op die Frans Kook RU-vid-kanaal gelaai word. Die weeklikse spyskaart lyk so: op Maandae skop ons die week af met ‘n vinnige kitskosresep. Op Dinsdae nooi Frans een van sy kunstenaarsvriende om ‘n resep met die uisteraars te deel, en op Woensdae maak Frans sy eie gunstelingresep van die week. Wynmeester Bennie Howard kuier elke Donderdag saam, en op Vrydae is dit die beurt van een van ons luisteraars om ‘kos te maak. En op Saterdae? Wel, dan braai Frans, hoe dan anders? Luisteaars kies elke maand hulle gunstelingresep op sosiale media, wat Frans dan hier op RU-vid voorberei.