شغف التجربة والتعلم يقودك إلى تجارب جديدة كل يوم وحُب الإنجاز يسيطر غالباً ... فأنا شاب هاوي للتجارب وفضولي لمعرفة تفاصيل عمل الأشياء، مُحب للسيارات الرياضية والميكانيك وها أنا ذا أشارككم جزء من تجاربي في محاولة صنع كل شيء بيدي وفي ورشتي البسيطة وأتمنى بأن تنال أعجابكم وأتمنى منكم الدعم بالإشتراك في قناتي ووقتاً ممتعاً للجميع مع تحياتي لكم، أخوكم في الله عبدالله ❤
اذا كان لديك اي سؤال حول الأعلان او التعاون: blackzghost@live.com
لمتابعتي في مواقع التواصل الاجتماعي: Instagram & Snapchat: @BlackzGhost
يا هلا بيك ... انا خذيتها من سلماباد الفلكس كور تنباع روله كيلو ماحصلت حجم غير والسولد واير ماحصلت غير ال١٥ كيلو ... الفلكس كور تحصله عند المحلات الي تبيع الحديد واتوقع محلات معدات البناء ومحلات معدات اللحام
بالنسبه للألتصاق اذا كان الجهاز الي عندك قديم اول شي تتأكد منه نظافه حامل السلك والتأريض وتتأكد انهم متوصلين بشكل جيد في المعدن الي تلحمه واذا كان عليهم اي وصخ او اكسده او صدأ تنظفهم وفي حال كان عندك الحامل والتأريض توصيلهم ممتاز ارفع الامبير بشكل بسيط هذا بيكون الاحتمال الثاني وطبعا في اللحام المفترض انك ماتلامس سلك اللحام بالحديد مباشره الا في البدايه عشان تبدي اللحام وبعدها يكون مبتعد بشكل خفيف جدا (الموضوع شوي يحتاج تدريب لين تعود ايدك على المسافه المطلوبه) وفي حال ان كل هالاشياء ما نفعت وياك احتمال تكون المكينه الي تستعملها متضرره
بالنسبه لتورج التيق تحتاج يكون فيه فالف لفتح وغلق الغاز والنقطه الثانيه وهي الكونكتر يجي رقمه على الكونكترات الي جايه مع المكينه وفي حالتي قياسها DKJ 10-25
ماعندي نوع معين انصح فيه بس ركز على انها تكون معاها كل الاكسسوارات بقدر الامكان لأنها مكلفه لو بتشتريها بعد ما تشتري المكينه ... اغلب المكاين يجي معاها هولدر للحام الstick بس تأكد انه يكون طوله مناسب لأستخدامك (ممكن يتغير طول الكيبل) بالنسبه للميق تأكد ان التورج يكون طويل كفايه لأنه عكس الstick تغيير طوله مكلف واجد بالنسبه للتيق واجد انواع مايجي وياهم التورج ولكن حاول تاخذ شي يكون معاه التورج والافضل تركز يكون فيها كنترول للغاز من المكينه نفسها عشان ما تخسر الغاز وبنفس الوقت طول التورج مهم جدا عشان تقدر تلحم وانت مرتاح وبالنسبه للمكينه كل ما كان الديوتي سايكل مالها اكبر كل ما كان افضل اذا كان شغلك متواصل فيها بس اذا كان شغلك خفيف ما راح يأثر عليك بشكل كبير
العيوب في كل مكاين ال ٣ في ١ انك تكون مقيد في امكانيات كل نوع لحام وفي العاده ماتتحمل ضغط كبير ولهالسبب الافضل انك تاخذ مكينه مختصه لكل نوع لحام منفصل والنقطه الثانيه بسبب انها تلحم بأكثر من نظام تصير القطع الالكترونيه كثيره فيها وهالشي يسبب اعطال احيانا بسبب الزحمه والسبب الاخير انك لو خربت عندك بيوقف شغلك على كل انواع اللحام عكس اذا كنت عندك اكثر من مكينه تقدر تستخدم الثانيه في حال تلف الاولى واتمنى اني جاوبتك على سؤالك بشكل واضح وتحياتي لك 🌹
الغاز المستخدم هو غاز غير قابل للأشتعال وتستخدم ثاني اكسيد الكربون او الارجون مخلوط مع ثاني اكسيد الكربون في حال انك بتلحم ميق ولو بتلحم تيق تستعمل ارجون صافي
@@BlackzGhost ايضا البكرة الصغيرة (شكلها شبيه بالرمان بلي او البيرنج) التي يمر فيها السلك حسب مافهمت من الفيديو ان هناك فرق فهناك بكرة للفلكس كور و بكرة اخرى للسوليد واير ، هل ممكن تعطينا الفرق بين البكرتين
@@BlackzGhost ايضا البكرة الصغيرة (شكلها شبيه بالرمان بلي او البيرنج) التي يمر فيها السلك حسب مافهمت من الفيديو ان هناك فرق فهناك بكرة للفلكس كور و بكرة اخرى للسوليد واير ، هل ممكن تعطينا الفرق بين البكرتين
السلبيات هي المخاطر الصحيه واغلبها تتجنبها بأدوات السلامه الصحيحه والمناسبه مثل خوذه اللحام والقفازات والبدلات المخصصه للحام واقنعه الوجه ذات الفلاتر التعرض لأشعاع اللحام يسبب حروق في الجلد وسرطان الجلد لا قدر الله احتمال كبير للتعرض للحروق اثناء العمل مشاكل التنفس بالاخص للمصابين بالامراض في الجهاز التنفسي في حال عدم استخدام خوذه اللحام وحمايه العيون ممكن يسبب مشاكل في النظر وتوصل لفقدانه في بعض الحالات
احلى تحيه لأخواني من المغرب بالنسبه لسعرها بالدولار تقريبا وقت شريتها كان حوالي ٤٠٠ دولار وبالنسبه للمحلات الي تبيعها حاولت ابحث عن وكيل الشركه في المغرب والشي الي حصلت عليه هو صفحه على الفيس بوك بأسم "TOTAL Morocco" اتمنى اني افدتك بهالمعلومه واشكرك على مرورك 🌹
وعليكم السلام ورحمه الله وبركاته في هاذي المكينه نظامها هو lift tig وطريقته انك لازم تلمس المعدن اول وترفع التورج ويبدي اللحام ولازم يكون التورج من النوع الي فيه الفالف لأنها مافيها تحكم بالغاز ... بالنسبه لتوصيله التورج توصله في القطب السالب وطبعا تختار مود التيج
الصراحه كنت ملخبط بين هذي الانواع وانت الوحيد اللي شرحتهم بالتفصيل اشكرك كثير وسهل الله امورك عندي استفسارين الان لحام الماق والميق والفلوكس كور هل نستخدم نفس السلك ام لا بالنسبه للتق تستخدم الاسياخ الطويله صحيح ولا كيف
اللهم امين يارب الميق والماق يستعملون نفس نوع الواير والفلكس كور واير مختلف الميق يستعمل غاز مخلوط ارجون وثاني اكسيد الكربون والماق يستعمل ثاني اكسيد كربون نقي بالنسبه للتيق تستعمل الاسلاك الطويله ويجي منها انواع لكل معدن شي خاص فيه
بالنسبه للألمنيوم يحتاج مكينه تدعم نظام ac وتحتاج تعدل القن وتبدل اللاينر الي داخله يكون بلاستك تقريبا بدل الموجود حاليا وهو الحديد وبالنسبه للحام الاستانلس تقدر تلحمه بسلك الحديد لكن ما راح يكون اللحام نظيف وما راح يكون مقاوم للصدأ ولكن تقدر تاخذ سلك خاص للستانلس ستيل وتلحم فيه
الي عندي ما راح تلحم الالمنيوم وبنفس الوقت الي تلحم المنيوم تحتاج تعديلات خاصه + غاز ارجون نقي ولكن انا ما انصح في لحام الالمنيوم الميج النتيجه مو نظيفه وفيه دخان كثير الافضل تلحم الالمنيوم بالتيج
سبب ميلان القاعده بهالطريقه عشان توزيع الوزن بالذات ان البكره بيكون وزنها ١٥ كيلو او ٢٠ كيلو ف لو سويت القاعده بزاويه ٩٠ راح يكون كل الوزن على القاعده وممكن انها تنكسر او تخترب في وقت قصير لكن بهالطريقه يكون الوزن متوزع على القاعده البلاستك والقاعده الحديد الي فصلتها لها
الله يعافيك عزيزي .. انا عن نفسي استخدم ٦٠١٣ سمك ٢.٤ ملي بس اهم شي تخلي الالكترود في القطب السالب والتأريض في الموجب تقدر تشوف هذا الفيديو ru-vid.com/video/%D0%B2%D0%B8%D0%B4%D0%B5%D0%BE-mq7Yw-RRQCE.html فيه الطريقه الي استخدمها في لحام الحديد الخفيف وتحياتي لك 🌹
بالنسبه للميج تستخدم سلك ٠.٦ ملي او ٠.٨ والافضل ٠.٦ وتستخدم غاز خليط بين ارجون وثاني اكسيد الكربون بالنسبه للتيج تستخدم tungsten مقاس ١.٦ ملي بس في البدايه بيكون شوي صعب والافضل تستعمل ٢.٤ ملي لين تتعود على اللحام طبعا الفلر يكون بحسب نوع المعدن وانا غالبا استخدم ١.٦ ملي وبالنسبه للفرق بين انواع اللحام موجود فيديو يتكلم عن الفرق بين انواع اللحام الكهربائي ru-vid.com/video/%D0%B2%D0%B8%D0%B4%D0%B5%D0%BE-q33I-UGguVg.html
بحثت عن وكيل الشركه في السعوديه وبصعوبه حصلت رقم وكيل في جده ممكن تتواصل معاه وتتأكد منه +966 50 033 5455 ولو كنت قريب من البحرين موجوده في البحرين في اكثر من محل
