الله يرحم شيخ الشيوخ تسوريا بلعيد طاهر رحمة الله عليه و بشهادة بوتليليس و غيره و اول متخرج علي يد مولاي احمد المغربي الدي ادخل رياضة العصي الي الجزائر بعد نفيه هدا هو تاريخ رياضة العصي الحقيقي بدون ان ننسي ولد قرادة قدور و خوه الشيخ بوتليليس كان له الفضل في ادخالها للرابطة
يا اخي الكريم الشيخ تسوريا الله يرحمه الذي كان أول تلميذ لمولاي احمد الله يرحمه، دار مدرسة تاعه عندها شيوخة الله يبارك لكن المطرق كان في الجزائر قبل ما يدخل مولاي احمد المغربي، المطرق كان و الله أعلم من وقت الأمير عبد القادر أو حتى قبله، و حتى الاسبان في وهران قبل الثورة ضد فرنسا كانوا يلعبوا المطرق قبل ما يجي مولاي أحمد المغربي، لعب المطرق أصله السيف و السيف كاين في كل البلدان و المبتدأ قبل ما يلعب بالسيف يلعب بسيف من خشب ( و كاين حديث نبوي حول السيف من خشب ) ثم يلعب بالسيف الذي ليس له أي جهة حادة قاطعة ( سيف التدريب)، مولاي احمد المغربي جاب الاسلوب تاعه و هو اسلوب أيضا يقترب كثيرا من السيف لكن الجزائريون يلعبون المطرق من 1800 و أنا والدي خبرني هاك و جدي كذلك مع العلم جدي كان صديق الشيخ تسوريا في حي البدر في شارع حمو علي و أرى أنك اسمك تسوريا بلعيد اظن أن الشيخ تسوريا رحمه الله هو جدك ايضا او والدك او عمك. و زيد سقسي خويا الشوابين لي مازالو حيين، الاغلبية تاعهم ماتوا الله يرحمهم، و غادي يقولولك المطرق كان من قبل، من بكري خويا، بالاخص صحاب دواوير على برا و الرعيان قاع كانو يرفدوا المطرق و كل واحد عنده لعب تاعه، و غادي ندير هنا فيديو تع الشيخ بوحجر هو ثاني يقول فيها بلي ملي كان صغير يعقل على المطرق كان هنا في الجزائر قبل مجيء مولاي احمد ... تنجم تقول مثلا ان هذا اللعب او هذ التقنية تع مدرسة مولاي احمد لكن المطرق عموما كان قبلهم قاع، و ربي يرحم المشايخ و موتى المسلمين و يفرقنا بلا ذنوب و السلام عليكم. ru-vid.com/video/%D0%B2%D0%B8%D0%B4%D0%B5%D0%BE-xvh1YVfypq0.html
