أقلـوا عليه لا أبــا لأبيـكـم * من اللوم أو سدوا المكان الذي سد … سبحان الله ما اعدل الحسد بدأ بصاحبه فقتله ، فيصل الغرمول جبل راسي من ينطحه ينكسر قرنه ، وصل عنان السماء بصملته ووقفته وجوده ونسبه وسعيه في نفع الناس ، اما حساده فهم عالة عليه وعلى القبايل ماسروا حتى انفسهم خل عاد البعيد ، مساكين مشتتين كل منهم منضوي على نسوانه لا شيخ يتبعونه ولا وجه يجملهم مع القبايل .. الحسود مقرود وين مايروح .. هذي لك اقرأها زين وتأملها يمكن تلحق بالركب وتنالون بعض ما عند فيصل الغرمول
يا الله يا رافـع سماك أرتفاعي مدك .. ولا مد اليدين البخيله أنــا ليـا ضـاقـت علـي المسـاعي أشكي على راع العطايا الجزيله وأنـا ليا جاني من الربـع داعي يا عنك ما روحي عليهم ثقيله أقلط بجنب الضيف وأقصر ذراعي وأشــره على راع الـذراع الطـويـله اللي يلوف ابها الصحن ما يراعي شـق الصحـن ما يقنـعه عن قبيله عسى تلوفه مطلقات الافاعي لا صـار لا ينقـر ولا فيـه حيله وأنا ليا جاء الضيف مديت باعي رزقـي ورزق الضيف ربـي وكيله يقلط على هبات ريح ومتاعي و مهيـلاتٍ .. مـا بهـن جنزبيـله وأدوّر أغلى ما يسام ويباعي وأشـريه لو أن الدارهم قليله أنا أدري أن المدح كثره ضياعي لكـن حادينـي على المـدح ميـله تحسني هرجة رفيقٍ صناعي وده يشب النــار بيـن القبيـله يقول أنا الشبعان وأنتم جياعي والهـزل ما تصعـب عليه الهزيله عزي لكم ياهل القلوب الوجاعي مـا تخجـلـون مـن العـلـوم الرذيـله ياهل السوالف لبّسوها شراعي مقّعـادها في بيـت أهلها جميله الناس في نعمه وأمان وقناعي حتى الفقير اللي قليلٍ حصيله باساير أصحابي واعيش أجتماعي وأن ضـاق منّا مجـلسٍ ما نجـي له نضرب تهاتيه الدروب الوساعي والبعـد عـن مـن لا يبينـا فضيله من لا يجي سبعٍ .. كلته السباعي ومن لا يشيل الحمل لا يرتكي له الله مــن قلبٍ يــزوع أنزيـاعي زوع الركاب أليا عطن المسيله عصـريةٍ يـوم الرعـايـا ريـاعي قدامهن من زين الآزوال زيله في حايزٍ عشبه جديد المراعي يـومٍ بـعـد يـومٍ يـعـله مـخيــله يا مل طرفٍ يصبح الصبح واعي مـا بـه ولا نـجـمٍ بـدى مـا يخيـله قامن هواجيسي هجوم ودفاعي تصـافقـن القلب .. و أعمـن دليـله الآولات أخذن طواف الوداعي والتاليـات أخـذنّ قلبي وسيـله أليا أرتكز في ثومة القلب شاعي أبطـى علـي الصبـح ليـلي و ليـله قلّوا زحازيح الرجال الشجاعي كثـروا مصـدين القلـوب العليله هدامة المجلس خباث المساعي كلٍ عـلـى جــدلاه يـومي شليـله وأن قالوا الليله وعد وأجتماعي تجمعــوا .. والخاتمه مستحيـله هـذا لكز هـذا .. وهـذاك فاعي أصواتهم صلبه والأرياء هتيله أن كان ما للدار والمال راعي زل السّبل ما باقى آلا قصيله يا دار .. وين مشيـدين الربـاعي وجدي عليهم وجد مجنون ليله أقفت بهم شهب الليال الجياعي اعظــامهم تحـت النثــايل هليـله وجدي عليهم وجد طفلٍ رعاعي المــوت ذب أمـه وأبـوه و خليله أليا عطوه الخلف عاف الرضاعي كنـــه يولـع عـنـد خشـمـه فتيـله وأليا عطوه الزاد جر النواعي لا أُمٍ تروقب له ولا أبّوٍ يشيله صوته تقطع في حشاه أنقطاعي و آعزي لحـالـه .. و يا عـزتي له أشكي على قومٍ تحل النزاعي حكامةٍ بيـن العميـل و عميـله آل السعود مسيرين السـواعي من فوق غبات البحور المهيله نقـالـة البيــرق .. حصـون الدفـاعي سهوم المنايا أهل السيوف الصقيله أنظـارهم منـها يـولّع شعـاعي وسيوفهم منها العوادي ذليله أعيال حرٍ ما أبتدعها أبتداعي قيــدوم ركـبٍ عـقـبـن الثميـله صقـر الحجـاز و نجد حرٍ شجاعي مروي سنان السيف منجي دخيله أشكي عليهم لوعتي وألتياعي وعينٍ يغازلها السهـر وتغزي له الشاعر / مصلح بن عياد الشلوي
