اني بديت اقره ثالث متوسط قبل 9 أشهر يعني لشهر 10/2023 وانوب قدمت خارجي لشهر 11/2023وانوب امتحنت تمهيدي لشهر 2/2024 وجنت تاركه مادتين لاجتماعيات ولنكليزي وتأهلة لحمد لله ونجحت بكلهن وانوب بالشت اقره انكليزي بس جنت اسحت وخصه شهر رمضان كله مقريت بي 😢بس تندمت لان توازيت وحصرت روحي كلش بس رجعت اقره انكليزي لحد مقربت لامتحانات باوعت لنفسي اني ممراجعه ولا أي ماده 😢وخصه لاجتماعيات لسه مفاتحتها اني هنا انهاريت ورجعت توكلت على الله بس اني جنت يعني ندمانه طبعا لان ضيعت وقت هواي راجعت رياضيات لان جانت درجتي خمسين بالتمهيدي ركزت عليها واجتي لامتحانات طبعا أول امتحان عربي لعربي عفت لقواعد بس قريت محفوضات واطلعت على حيات بعض لشعراء وركزت بالاسلامية على لصور ولمعاني ولاحاديث ولمعاني جانت محذوفه احكام لتلاوه للملاحضه مسوين دمج اسلاميه وعربي امتحنت وانوب كملت بس بالانكليزي غلطت غلط كلش جبير هوه أنو اني حفضت 5 انشائات 😢 ودرختهن درخ كلت ممعقوله ميجي واحد منهن وحددت لكل انشاء كلمه علمود أعرفه من يجي بالسؤال صدك اجيت بالامتحان لكيت كلمت life واني محددتها لانشاء لحيات لبريه وكتبتها وجنت فرحانه لان اجه إنشاء اعرفه بس من طلعت من لامتحان وجانن لبنات يضحكن من اكلهم إنشاء لحيات لبريه جانوا يكولن اكتب عن نفسك وطلع صح كلامهم اني انهاريت يعني 15 درجه هيج راحن مني واني جنت دارخته اكتب عن نفسك وصدك خلصت امتحانات وانوب بده هم لانتضار مرت لأيام وصادف عيد هم بس ماجان مثل باقي لاعياد لان جنت متوتره كلش واجه ليوم يلي طلعت لنتيجه ولحمد لله ناجحه كلش كلش فرحت بس جانت درجاتي مو كلش زينة وخصه بالفيزياء جانت 50 بس فرحت لان نجحت بس هم ندمت لان سختت هواي وجنت اكدر اقره وابذل جهد أكبر وهسه اجيت اريد ابدي اقره للسادس بعد 3 سنوات وامتحن اريد اضبطه علمود اطلع معدل عالي أن شاء لله ادعولي اتوفق ويلي يعرف خوش مدرسين خلي يكلي عليهم وللملاحضه اني بالثالث مادخلت لا معهد ولا خصوصي ولا أي شي اعتمدت على ليوتيوب ❤❤هاي جانت قصتي ويه لثالث خليتها هنا للذكره جانت ايام صعبه بس لنجاح جان احله بهواي وروح كل لتعب اصلن تندمت كلت لو قاريه اكثر ❤❤
