انا بنت اسمي مليكة عمري حاليا ١٦ سنة خليني احكيلكم قصتي وبتمنى تساعدوني وتنصحوني بعد مرور شهرين من العام الدراسي صارت عندي ظروف وقررنا انا واهلي ننقل عالمدينة بعد ما كنا نسكن بالقرية ونقلت على مدرسة جديدة واول حصة كانت باليوم الاول بدوامي بالمدرسة الجديدة كانت حصة الرياضيات وكان الاستاذ لسا الو اسبوع بالمدرسة الجديدة يعني هوي جديد عالمدرسة مثلي بسبب استقالة الاستاذ الرئيسي فجاة المهم استاذ الرياضيات اسمو امير واول ما شفتو حسيت برتياح الو رغم كنت كتير اتنمر عليه بس كنت احكي انو شرحوا منيح وانا متفوقة بدراستي وكنت اتفاعل بالحصة وهوي بس شافني عم اتفاعل معو صار يميزني ويحفزني بس بعد ما قطع نص العام الدراسي تقريبا صار في طلاب متفوقين عليي ويتفاعلو مع استاذ الرياضيات اكتر مني لهيك من المتوقع انو الاستاذ يصير كمان يميزهن ويحفزهن متل ما عمل معي بس المفاجئة انو ما صار هيك وملاحظة هوي من الاشخاص يلي مو اجتماعي نهائيا وحتى كتير يتجنب الاخد والعطا مع الطلاب كتير كتير وما يحب الاحاديث معهن اذا كان برات موضوع الدرس وحتى خلال الحصة مثلا كان في كتير بنات يسالونه عن اشياء خصها بالدرس ويتجاهلهم الا انا كان دغري يساعدني ويجاوبني بس ما كنت مهتمة للموضوع كثير صراحة احد ما يوم كان عندي كتير ضغوطات نفسية وكنت كتير متدايقة فما ركزت بحصتو ولا سمعت لشرحو واخر الحصة قال حطو وراق قدامكن في امتحان مفاجئ وكتب المسالة عاللوح قمت انا كتبت اسمي عالورقة وحطيتها عطاولة الاستاذ فاضية فكرني بالاول حليت المسالة بسرعة لكن لما شافها فاضية انصدم وضل مصر عليي حل المسالة لحتى خلاني حلها بالقوة وساعدني لحلها صح واخر شي بس خلصت دمعو عيوني وهيك حسيت حالي حابكي ورن الجرس وكان عنا بعد حصتو فسحة فانا دغري ركت عالحمام الله يكرمكم لغسل وجي وما ابكي وهيك بس بكيت وبعد شي عشر دقايق اجيت عالصف كرمال كنت حابة اقعد لحالي لقيتو مستنيني وانا نصدمت وقرب مني وقعد يهديني ويقلي اني شاطرة وما اتوتر وهيك واساسا حليت المسالة صح ووصلت عالبيت لقيتو باعتلي على رقمي فويسات عم يحكيني بلطف ومتل يهديني وهيك رغم اني كنت شوي متدايقة ومشي حالي يعني كلنا منمرق بفترة ضغوطات يمكن بتخلينا ننفجر ونبكي وبعدين بتعدي يعني المهم صار كتير يهتم ويساعدني بكتير اشياء حول الدرس وصار يتحدث معي اوقات وتطورت القصة وصرنا نتحدث بالساعات اغلب الوقت هوي يبادر وانا للصراحة حسيت بمشاعر تجاهو وصرت احكي معو وبادلو الاحاديث وكتير حسيت انو بتفق معو وهوي صار يعتمد عليي ويطلب مساعدتي ببعض الامور يعني ولا مرة خلال حديثنا حسيت انو الحديث هوي حديث بين طالبة واستاذ دايما كنت احس انو نحنا كرفقة مقربين او هيك اشي وخلصت المدرسة وصرنا بالصيفية وضل يحكيني ويتواصل معي لحد ما حسيت انو هالشي ما بيرضي ربنا وصرت احاول اتعامل ورد عليه برسمية وبطلت انا افتح مجال والنا هلق شهرين تقريبا ما نتواصل انا كنت حاسة اني حبيتو او حسيت بمشاعر تجاهو بس لانو هوي اهتم فيني باوقات كنت بحاجة لحدا يهتم فيني وكنت قول لحالي اوقات انو هيدا مش حب هيدا اعجاب ممكن او يمكن جفاف عاطفي😂 بس بهالشهرين يلي ما عاد تواصلت معو دايما هويي ببالي وما عارفة اشيلو من بالي وهوي السنة الجاية في احتمال يعلمني كمان صراحة كل ما فكر بالموضوع برتبك ما بعرف هوي شو مشاعرو تجاهي ولا بعرف انا شو بالنسبة الو واوقات بقول لحالي انو يمكن شافني مهتمة بالمادة يلي بعلمها وحب يهتم فيني كطالبة بس كمان هوي باحاديثو خارج الدرس كان يحكيلي عن حالو وحتى كذا مرة قلي اسرارو وقلي ما قول لحدا ومرة قلي قصة عنو وقلي انو حتى اهلو ما بيعرفو بالقصة انا محتارة ومرتبكة وما عارفة شو اعمل وما عارفة بس قابلو السنة الجاية كيف اتصرف ولا عارفة اتصرف بمشاعري ما بعرف اذا يلي حاسيتو هوي حب بس انا عم فكر فيه طول الوقت لا اراديا رغم اني جربت شيلو من بالي
