اذكرونــا یا آل وادي عمــــر و اعذرونا كان شي قد قصر الزمن شیب برأسي والكوارث والمآسي والفتن لي مالها حد ليش يوعد من وعد يوفي وعوده ليش يوعد ******* يا رعـى الله زام عــدى و مــر في الغريفة في خليف الصفر فيه كم خطمت داسي بَيِّت طول الليل حاسي والمقد والحسر يشهد ليش يوعد من وعد يوفي وعوده ليش يوعد ؟ ****** انا قوي بالله وعندي حذر إنما انا في الحقيقة بشر من غثاء وقتي نقـــاسي مامعي شي قلب قاسي يحتمل ذا الهجر و الصد ليش يوعد من وعـد يوفي وعــوده ليش يوعد ******* العواذل جروا الحبل جر وقفونا في مكان الخطـر كلما شـــديت بأسي يوم أو قویت ساسي غصب يبغونا مهــدد ليش يوعد من وعد يوفي وعوده ليش يوعد ******* عا الحواســد الف الله اكبر يبسوا الضرع الذي هو يدر عاد هو ذا اللي يواسي والبقيـــة إلا عـا راسي ما يجين في قبضة اليد ليش يوعد من وعد يوفي وعــوده ليش يوعد ******* ايه نعمـل ايه قـلي البصـــر الحبايب وضعهم ما استقر بينهم ضاعت حواسي كلهــم اهـلي و ناسـي کن بس ما حد كما حد و ليش يوعد من وعد يوفي بوعده و ليش يوعد ______________________________________________ كلمات الحبيب حسين ابوبكر المحضار -يرحمه الله
جد بوصلك علي واليوم ياخل وينك في غفالاتك شفنا ما ندور لشينك و المحبة شديدة أتعبت كل أنسان يشهد الله .. إني عادنا فيك حبان ******* من نهار كـم سهـرت الليل في ذكر زينك و الـلي شـاهــدونا قالـــوا الله يعـيــنك صرت حيران نفحس عا يساري و الايمان يشهد الله .. إني عادنا فيك حبان ******* يومنا لك محب مخلص ولا حب أخينك ألقــنا في حيــا قلبــك و إلا قريــنك و ان تناسيتـنا ما زلـت أنا فيــك ولهان يشهد الله .. إني عادنا فيك حبان ***** لا متى با تقاطعــنا ؟ و إنا إلا ظنيـنك ! بس كفى الهجـر و التعذيب لي مايزينك ذاب قلبي و قلبـك يا محب عـاد ما لان يشهد الله .. إني عادنا فيك حبان ***** ما ينفعوك لي هم عالغلـط جابرينك لا تمـل من رفع شانك و إلا بايهيـنك رد بردة علي و تذكر الوقــت لي كان يشهد الله .. إني عادنا فيك حبان ***** عد لشـاريك لا تنشـد على بايعيـنك وا جعل القنـع رمزك يامحبي جبيـنك لا تكن ع الذي يرضى ويهواك - زعلان يشهد الله .. إني عادنا فيك حبان ____________________________________________ كلمات الشاعر : أحمد عمر الحامدي ألحـان الفنــان : كرامه سعيد مرسال
ٰ مالك ومال الناس یا عامر الكـون مهــما تدعي معمور شف عـاد ما انت النـاهي الآمـر شـف عادهــا تغبــاك بعـض أمـور شف عادها الغلطات عندك في الدفـاتر راجع حسـابك و افتـح الدفـتر يللي بعثرات العرب مسرور مالك عذر .. با تعثر ******* لا تقول قدنا في الهوى شاطر مني صبـح حيـد الرضم مشـطور إسـأل عـلى ماضــيك و الحاضـــــر و النـاس الـلي كانـوا معــاك حضــــور لكـــننـا عــارف كـلام النـــاس جـــــاير كل من عصب رجله استحق الجر ياللي بعثرات العرب مسرور مالك عذر .. با تعثر ******* سر و اطرح الحافر على الحافر حتی تری صـم الحجـــر محفــور النـطـنـطــة مــا ودت الســــــايــر خلتــه واقـــف تحـــت بـاب الســــور و لعــاد يــرد العـزم شـي ، لا قـده قاصر ما هـو أنا .. صـاحبي اللي قصر ياللي بعثرات العرب مسرور مالك عذر .. با تعثر ******* لا تكشف الاسرار ياساتر ما دام حالي في الهوی مستور كـأس المــوده لـم يــزل دایــر ما حـد يلـف مـن حـولنـا و يـدور و ان حد ظهر من خلفـنا انســان غادر قل له عليـك الليـل قـد غــدر ياللي بعثرات العرب مسرور مالك عذر .. با تعثر ******* دعني لشاني في الهوى صابر لو تمـتلي نفســي الى الصـابور مـا با اشــكي حــالي و لا خــــابر لإنسان ما هـو في الهــوى مخــــبور با اشــكي الى الرحمـٰــن عـــلام السـراير اذا شـكـيت له - سـر حـالي سر ياللي بعثرات العرب مسرور مالك عذر .. با تعثر __________________________________________ كلمات والحان : الحبيب حسين أبوبكر المحضار - يرحمه الله
تحفة فنية متشبعة بعبق الأرض الحضرمية، تسر القلب وتنعش الروح. إنها انعكاس رائع لتراثنا العريق وجماله الساحر وانموذج لابداع الراحل بو صبري كرامة مرسال. التوزيع الجديد باللمسات الموسيقية الساحرة للمايسترو العازف صبري باعنتر، أخذنا في رحلة إلى الارض الحضرمية واليمنية بانغام مملوءة بالعذوبة والشجن. نشكر الفنان الرائع محمد الناخبي على هذا الإبداع الاصيل. والشكر موصول لكل فريق العمل
