Ereintza Elkartearen barruan sortutako taldea dugu Ereintza Dantza Taldea. Bere helburuen artean, gure dantzak kontserbatzea eta generazio berriei transmititzea daude, tradizio zaharrei forma berria emanez.

Azken urteetan, Ereintza Dantza Taldeak aktuazio ugari izan ditu Euskal Herri osoan, eta baita atzerrian ere, Jaialdi Internazional askotan parte hartu baitu, hala nola, Errusia, Turkia, Irlanda, Belgika, Estatu Batuak eta Austrian.

Bestalde, Euskal Herrian izen handia duten ekintzatan ere parte hartu izan du. Besteak beste, Zinemaldian, Musika Hamabostaldian eta Musikasten. Telebista programetan ere dantza taldearen lanak ikusi ahal izan dira, Olentzero Begi gorrin, Funtzioan, Entre amigos programan, Aire Airen,...

Gainera, Ereintza Dantza Taldeak ekintza ugari antolatzen ditu urtean zehar. Azken urteetan, dantza taldeak bere ikuskizunak moldatzen dihardu, eszenografia berritzaile batez, euskal dantzek dituzten berezitasunak ikusleek erakusteko asmotan.