السلام عليكم استاذنا الفاضل بعد النظر لنموذج إجابة امتحان الفزياء ٢٠٢٤ اتضح ان يوجد خطأ في إجابة السؤال رقم ٣٧ في نموذج ب وهو سؤال بدرجتين نرجو من سيادتكم النظر في هذا السؤال واتخاذ الاجراء المناسب
طيب والطلبه الى تعبت فى الاسئله الى فيها غلطات قعدت تحاول فى السوال اكتر من مرة واثر على باقى الاسئله والله والله احنا تعبنا بجدد من الكلام محدش فاهم قصدنا ممكن واحد يكون ميعرفش يحل الاسئله الى فيها غلطات او حتى مفكرش فيها اساسا وفى واحد تانى حاول مرة واتنين وابتدى يستبعد حجات ويغير فى السوال بحيث انه يوصل السوال لحاجه هو يعرف يتعامل معاها وحل كله بس مثلا غلط غلطه واحده فى الاسئله المحسوبه فينقص والى مجربش اصلا ياخد الدرجه كاملة ليه كدا والله دا ظلم ادو كل واحد حقه يا ما متزودوش حد لان احنا تعبنا تعبنا والله مش عارفين نجيبها من فين ولا من فين تسريبات وعش واسئله غلط ايه دى يا جدعان تعبى كله بيروح والله الواحد من الابتداءى عمال يذاكر لحد الان علشان الامتحانات دى ويحقق حلمه ولكن الظاهر ان الاحلام هتبقى احلام يقظه 😢ربنا يسترها معانا
أنا واحدة اتوترت بسبب الأسئلة الغلط دى وبطلع إجابة مش موجودة فى الاختيارات فاتوترت وخربطت فى الأسئلة الباقية ولقيت الوقت بيجرى بيا لدرجة ان ١٢ سؤال ملحقتش أحلهم وكان فيه أسئلة منهم ممكن أحلها بس معرفتش بسبب الوقت وأنا واحدة قولت ان شاء الله هقفل الفيزياء بس مكنتش متوقعة اللى حصل ذنبى ايه أنا وهتعوض ازاى ياريت حضرتك ترد عليا يعنى ايه امتحان متراجع مليون مرة يبقى فيه غلطات منا وأنا بمتحن مش هغلط اللى حاطط الامتحان أنا هشك فى نفسى ساعتها ياريت بجد أشوف رد حضرتك؟؟
والله ربنا وحده يعلم ايه اللي حصل معايا في لجنه الفيزياء فيارب عوضني خير يارررب معجزات اجعلها معجزه من عندك وأكرم نعمه طارق طب بشري ووفقها هيا وكل طالب ثانويه عامه دعواتكم ليا نفسي افرح بابا وماما لأنهم تعبوا معايا جدا دعوه ٤٠ غريب مستجابه
المفرووض الكل ياخد الدرجات لان كده ظلم يعني الطالب اللي حلل الاساله وضيع وقته وقعد يدور علي الاجابه ذي الطلب اللي ما حل خالص الطالب اللي حل الاساله اخد وقت اثر علي باقي الاساله ما لحق لان الامتحان طويل ويحتاج وقت للحل يعني الطالب يبقي مذاكر وتعبان طول السنه ولا كن ما يحلق يحل بسبب الاساله الغلط اللي ضيعت وقت في الامتحان يا ريت حضرتك تساعدنا ان الدرجات ياخدها كل الطلب عشان ما يكون في ظلم اخد جزاك الله كل خير
طالما ظللت الصح وعملت x على الغلط عادى هيحسبوا الصح أنا جيت أعدل إجابة سؤال روحت معدلة اللى بعده بالغلط يعنى عدلته من الصح للغلط فمش هعرف كده أعمل أى حاجة منا عاملة x على الصح روحت عاملة علامة صح تحت الاختيار الصح وكده هيعلموها ورقى تقريبا والله أعلم بس متقلقش أكيد خير
يا مستر. بنطالب بعد الانتهاء من التصحيح يتم اضافه درجات الاساله الخطا للكل اللى هما ٥ درجات مش للى عاملهم خطا بس. ذنب اي الطلبه اللى قعدت تحل فيهم وضيعت الوقت وجت على مسائل تانيه. حرام. ارفعو التعليق عشان المستر يشوفو
يسط مش هنعيش علي بعض انتو المفروض والطبيعي اول م تشوف حاجه غلط بتسيبها دا سوء اداره وقت منك و بعدين متتعبش نفسك الوزاره خلاص قفلت باب الفيزيا ومحدش تاني هيطلع يتكلم ف ريح دماغك
انا مع حضرتك في كل كلمه قولتها إلا جزئيه ان الطلبه ترجع تروح المدرسه ... احنا كطلبه شوفنا مدرسين المدارس حقيقي فيهم اللي احسن من السناتر ولكن مش بيعرف ياخد راحته في المدرسه زي السنتر واحنا بنروح ناخد معاهم سنتر علشان النظام اللي بيبقى ماشي بيه ولكن للآسف مش كلهم كدا وانا بتكلم هنا علي المدارس الحكومية فا حقيقي احنا لو سبنا مدرسين السناتر او الاونلاين المتميزين في مجالهم ورحنا المدرسه مع مدرسين مش بناخد منهم نفس الجودة يبقى بنظلم نفسنا حقيقي هو للآسف حاليا بقى موجود مدرسين غير متخصصين وبيدرسوا دا عند حضرتك حق فيه ولكن فيه كتير جدا مدرسين أونلاين وسنتر شاطرين جدا مع انهم ممكن مش هم اللي مشهورين اوي زي مستر احمد بركه مثلا
بعد اذنك يادكتور اقف بجانب اولادك وارفع عنهم الظلم .في طلبه هيتظلموا لانهم حلوا معظم الاسئله صح اللي اتلغت والوقت ضاع وكفايه رهبه الاسئله الغلط .انا بنتي بتتعالج من كهرباء علي المخ وتعبت اوي طول السنه في المذاكره ونفسها تطلع دكتوره بس من الضغط النفسي في الامتحان وضغط الاسئله الغلط وتضيع الوقت فيها اثرت علي الاسئله التانيه .ارجوك يادكتور اتمني تقف بجانب اولادك ويتم تصحيح الامتحان وبعد انتهاء التصحيح يتم اضافه الدرجات لجميع الطلبه لعدم حدوث ظلم
المساواه في الظلم عدل لازم ينضاف ال٦ درجات للجميع لان اللي حل وضيع وقته ما له ذنب ما لحق يحل باقي الاساله يبقي هو كمان يضاف له ٦ درجات ساعدنا يا دكتور جزاك الله كل خير
طيب انا دلوقتي كنت داخل الامتحان علشان اقيم الامتحان واشوف الافكار الجديده الي فيه الي المفروض انا مشوفتاش وسبحان الله الاسئله الغلط في كذا واحد لفت انتباهي جدا والحمدلله طبعا بس الورقه اتشدت مني قبل ما اخلص بسبب الاسئله دي وملحتش اخلص الامتحان مع العلم اني طلبت مدرس فيزياء في اللجنه علشان قولت ان الاسئله خطأ❤ والحمد لله برضو واحد محلش اصلا الأسئله خد ال5 درجات
