مثابرة وتستحق النجاح الله يوفقها ويبارك في رزقها ويحقق مرادها ، وكل من يتكلم عليها ينظر في نفسه أولاً! واتمنى عدم استخدام الدين حجه ومخرج للتعدي على حدود الغير .
أي تعيق مثلاً إذا في مكاتب عامة مثل الحملات السفريات اهني ما يصير تقعد مُلفتة للنظر لأنها غير عن باقي البنات اللي قاعدين يعني عادي تلبس بالطو عباية كتف واسعة فضفاضة محتشمة و سادة ما فيها لا لون و لا شلش كلش عادي و احسن و اريح ليها في القعدة يعني عشان ما تصير مُلفتة للنظر على الداخل الجاي و الطالع و بين البنات الباقي اللي وياها في المكتب و عباية الكتف احسن مصكوكة احسن من دفة تنزلها على كتفها و تقعد و يمكن تتباعد عن جسمها و تكشف تحت ثيابها أو اقصد جسمها يعني إذا نزلت على كتفها بتكون على صدرها
اولا عباة الرأس مابها شيء عشان تكون مقدسة لان الهدف منها الستر في دين الاسلام.. فهذا ماراح يوقف اي شخص من هدفه سواء من العباة او بدونها! لا تنسبوا العباة لشخص معين لانكم اساسا مارجعتوا للتاريخ ولا شفتوا اي شخصية تاريخية بنفسكم و وشو لابسة بالضبط
مابغا اتابع الحلقة ولا اقرى التعليقات ولا اي شيء بس حابة اقول ان انتي شخصية متسلقة ومادية فالبدايه دخلتي بمدخل تعظيم الرجل وتقديسه وقعدتي تتكلمي على النساء على انهم متسلطات وتصرفاتهم غير منطقية ونسيتي او بالاحرى تناسيتي افعال بعض الرجال بل واغلبهم طبعاً مثلك عارف ، ولما تاكدتي انك صنعتي قاعدة ذهبية قوية من الرجال الي صفقو لك على كلامك لانه يدعم تفكيرهم ويدعم رغباتهم بدأتي تتسلقي مادياً والعباية الزينبية الي اني متاكدة ان عبايات الكتف الي مليانه زخارف أفضل واكثر حياءاً من عباتش الي عليش تحديداً وليس العباءه الزينبية الي ( استخدمتيها لجمع المال ) صعب تتخلي عنها الان لانها هي الي خدمتش في صنع هذه القاعدة من الرجال المغفلين . اعتقد كلهم فاهمينش الان، صدقيني يا اخت موسوي والله نسيت اسمش، انتي لا تمثلي نساء القطيف ولا البحرين ولا اي منطقة ، المرأة الي تجني تعبها من المسخرة والضحك مع الرجال والتمايع عليهم واستعراض اسنانها وضحكتها مافيه احد مايعرفها ، نسميها خفيفة ، والفلوس الي تجي بالخفافه وقلة الرزانة … احنا بغنى عنها ، وبالتوفيق
نسيت اذكر نقطة ، اي شخص فاهم للسوشل ميديا بكل بساطة الاخت جميع تعليقات المديح والثناء والتصفق ( دافعه عليهم فلوس ) ٥٠٠ ريال تشتري جميع هالتعليقات من حسابات وهمية ادخل وامدح واقبض فلوسك لا اكثر ولا اقل لا يغركم..
المراءه مادعت النبوه ولا هي شيخه في الدين مراءه عاديه حاله حال خلق الله اذا عدكم نصيحه او نتقاد بناء اله انصحوها واذا قدمت الكم اذيه شخصيه او مست مقدساتكم نصا ولو اني ماشفت هلشي القانون موجود وتكدرون تتقاضوز معها
المرأء ليست عباءة وستر فقط .. ممكن اقعد مع زوجي في مطعم عام ..وانا بكامل ستري واسولف معاه هو شخصيا واضحك باريحية تامة معاه هو ايضا فقط .. لكن مدام المكان مفتوح 👀 فأنا خرقت قواعد لاحتشامي امام الرجل الأجنبي فما بالك لما تكون الحديث مع غيره وامام أجانب !؟ اتمنى وصلت الفكرة موفقين لكل خير
السيدة لباسها محتشم نعم ومحد بقدر يقول غير هالكلام ولكن تحت الف خط حركاتها لاتتناسب مع فتاة محتشمه حركات حتي السفور مايسوونها عليها الالتفات لانها مسائلة يوم القيامة الاحتشام مو باللباس فقط لاااااااا هذا مفهوم خاطئ عليها الالتفات التركيز عليها لسبب واحد فقط انها ممكن تدخل مفاهيم مغلوطة لبناتنا المحتشمات وتكون قدوة لهم خاصة اذا الكل سكت وشجع
العباءة الزينبية لا تتناسب وجميع الميادين، ميدان السوشل ميديا وظهور المرأة فيه لا يتناسب مع المرأة المسلمة، الموضوع ليس موضوع شيعية أم سنية، الاثنان تحت راية الإسلام والمذهبين يتطلبون نفس الأمور وهو عدم خروج المرأة للإعلانات والترويج والتسويق واستخدامها كأداة للعرض، هذا لا يتناسب وشأن المرأة، وعلى وجه الخصوص لا يتناسب مع مدرسة الزهراء وأهل البيت عليهم السلام
كان ابوها سيد إبراهيم قبل من يشوف اخواتي اعمارهم صغيرة يكلمهم بالغطاء وهذا عيب ولازم يتغطوا بالرغم منهم ماوصلوا سن التكليف واني مره اتصلت على بيت ابوه وكان تلفونهم مشترك بينه وبينهم رفعه وقلت له مرحبا فلانة موجوده ؟ رد عليي بجفاء إعيدي الاتصال وبدون مرحبا طبعاً تضايقت منه واعدت الاتصال له لأسأله ليش قال لي كذا قال المراءة مايجوز لها تخضع بالقول قلت له وين الخضع ؟ طبعاً صار كلام معه وقال المراءة عيب عليها وحرام إخضاعها وووووووالخ هذا ابوها يقول الامر بالمعروف والنهي عن المنكر بالرغم كان نصحه موبمحله بس هذا تكليف كل إنسان الامر بالمعروف والنهي عن المنكر
انا متابعتها من اليمن احب كلامها واحب نصايحها واسلوبها وانا سنيه صح كلامها بالدين سواء شيعة او سنه نتفق انه الحجاب الشرعي الكامل عباية راس الله يهدينا ونتبع ذا طريق
العباءه هي ليست لباس فقط يوضع على الجسد ، العباءه هي تمثيل لقيم ومبادئ وإيصال تصور عن من يرتدي هذه العباءه. هناك كثير من التجاوزات التي لا تليق ممن يرتدي العباءه.
الشيوخ تكلموا عن المرأة الي تلبس العباية وتطلع وتتكلم وتاخدها راحتها كأنها بين اهلها لأن العباية رمز عظيم من رموز الدين .. واي رمز من رموز الدين اذا ما يُستعمل بشكل صحيح لازم بيتكلمون عنه .. وفي الختام نقول الله يهدينا ويهديكم
العمل مو حرام وعبايتها ساتره ومحتشمه ومافيها اي زينه او فتنه ليش حرام ، وهي صادقه بكلامها وجداً واقعي هي تمثل المرأه المسلمه المحتشمه كانت سنيه او شيعيه هالعبايه نلبسها بالسعوديه ونسميها عباية رأس ،وهذا رزقها مافيه قمار ولا ربا عشان يكون حرام حالها حال غيرها تسترزق ، لاتجعلون العباه عائق على المرأه بعني السافره المتبرجه تسترزق والمحتشمه تتقوقع على نفسها بالبيت مو عدل ابداً !
الحمد لله الذي عافانا مما بلاكم به.. نرتدي العباءة الزينبية ونمتلك كل مقومات القوة في الإلقاء والتمثيل والترويج وطرق الجذب.. ولكننا ولله الحمد والشكر نمتلك أيضا حجابا داخليا وعفة وحشمة تجعل لكل أمر يصدر منا حدّا
الشيء المحزن من الردود والانتقادات في السوشل ميديا بشكل عام على السيدة تبين الى اي درجة المجتمع صار ضعيف ويحقد وينتقد اي شخص ناجح في مجاله حتى وهي طالعة محتشمة بلبسها واخلاقها في الكلام ، ما احد ركز على النقاط الموجهه لتوعية المجتمع في كلامها ولا على محتواها القديم الي كانت دائما تتكلم فيه عن امور مهمه في تطوير الذات والمجتمع. بس صارت تسوي اعلانات قالوا ها الحين هذي صار يجيها فلوس وبدأو يكتبوا تعليقات سلبيه هذول يشوفوا السيدة فقط انها جالسة تسوي فلوس اكثر منهم ، وكطريقه للتعبير عن نقصهم ان كيف هذي الانسانه وضعها افضل مني ( خصوصا المادي ) انتقدها واعلق في الشيء الي هي تميزت فيه عن الباقي وهو محافظتها على سترها وحجابها ولباقتها في الكلام.
