صباح الورد والياسمين عليكي ياقلبي الله علي كلامك الجميل ده كلام بيمس القلب ومن دهب ربنا يكرمك ويوفقك انتي تستحقي كل خير والله يا فوفتي يا قمر وبصراحه صوتك روووووعه ❤❤❤
من زوجة متدلعة جدا 😂 صحي الزوج من النوم دور علي المدام ملقهاش داخل يشرب لقي الورقة دي متعلقة عالتلاجة ومكتوب فيها زوجي العزيز يا مستتني يا مشهيصني بصراحة ياروحي انت مدلعني خالص مالص وموريني الهنا الوان وانا خفت احسن اخلاقي تبوظ قولت اروح عند ماما كام يوم عشان احس بالنعمة اللي انت معيشني فيها ولحد ماجي بقي ياروحي عليك شوية حاجات بسيطة خااالص خالص حتي انت دايما تقولي شغل البيت ده ولا حاجة بص ياقلبي المنبه هيرن الساعة 5 ونص تقوم جري تحط البيض يتسلق عشان فطار الولاد وتروق اوضة القعاد مكان سهرة امبارح وتلم الكوبايات والفناجين وقشر اللب اللي سعادتك مبعزقهم من امبارح وتحطهم في الحوض ولفة كده سريعة عالأوض لم باسكيتات الزبالة وجمعهم في الباسكيت اللي في المطبخ عشان تاخده معاك وانت نازل يلا بقي روح صحي العيال شطف ولبس وفطر ومتنساش تعمل السندوتشات وانزل معاهم اوعي تسيبهم غير لما الباص يا خدهم اطلع بقي بسرعة طلع كيس لحمة من التلاجة حطه عالرخامة وحط الغسيل في الغسالة واظبط علي برنامج ساعة ادخل بقي الأوض روق السراير وطبق بيجامات العيال وافتح الشبابيك عشان تهوي الأوض واكنس الصالة ونضف الحمام ومتنساش ترش ديتول عشان بقرف هه فاكر ياعنيا يلا بقي عالمطبخ تاني شطب مواعين الفطار وانت بتشرب القهوة ومتغنيش عشان صوتك وحش واكويلك قميص ومن غير كروتة عشان مكوتك تقرف فاكر طبعا ودور عالشرااااااااااااااااااااااااااب فين الشراااااااااااااااااااااااااااب هو مافيش حاجة في مكانها ابدا مع انه قدامك بس لازم نسمع صوتك الأوبرالي عالصبح هوبا الساعة بقت 8 ونص يلا جري قفل الشبابيك عشان الدبان وخد لزبالة في ايدك وجري عالشغل هتخلص شغل الساعة 3 عشان لازم تروح بدري للعيال امال ايه وانت طالع بقي شوية خضار طازة في ايدك ملوخية او كوسة بلاش بامية اصلي مبحبهاش مع انك بتمسح الحلة بس وماله يلا بقي ادخل ها اغسل اللحمة وحطها عالنار روح انشر الغسيل اللي حطيته الصبح هوبااااا العيال جم بسرعة بقي دخلهم يغيرو ويغسلو وشهم وانت حط الخضار عالنار واقعد اسمع شكواهم ورغيهم ماما القلم ضاع ماما الميس زعقتلي ماما عاوز مكرونة ماما اخويا ضربني اهو ياحبيبي تتسلي لحد الأكل ما يستوي اه استوي يلا بقي غدي لعيال عشان تلحق نعمل معاهم الواجبات وتذاكرلهم عشان تلحقو ميعاد التمارين خلصتوا مذاكرة طيب دخل العيال يلبسوا وانت لم السفرة حط الأطباق في الحوض يلا مافيش وقت حضرت شنط النادي اه طيب يلا بقي جري عالنادي اقعد استني العيال يخلصوا تمارين اممممم خلصوا تمارين يلا عالبيت وبعدين مالك كده مبهدل في نفسك متدخل تحلق وتحطلك شوية برفيوم اللي يشوف كده يقول تعبان طول النهار آه معلش قبل ما تحلق في شوية مواعين بتوع الغدا ياريت تشطبهم وبالمرة الولد عاوز هوت شوكليت والبنت عاوزة بطاطس محمرة واعمل لنفسك نسكافيه خلصت يا عمري يلا بقي العيال عاوزين حاجة حلوة اعملنا كيك او رز بلبن يعني اتصرف يا اخي تعبت ياقلبي بتنام علي روحك ياعمري الصداع طالع من عنيك يا قمري ياخبر ليه ده كله يعني علي رأيك هو انت كنت عملت ايه يعني مانت قاعد في البيت طول النهار بلاش دلع بقي وصحصح معايا كده عشان عاوزاك في موضوع وختاما عزيزي الزوج انت عمرك قولتلي شكرا او مقدر تعبك او حتي جبتلي حزمة فجل هدية مش بقولك مدلعني اتحسبوش يابنات ان الجواز راحة شابوووووووووه للستات 😃😃💥💥 اعتقد قلت كل الي جواكوا😂😂😂😂
@@ۈتَِۦمّۦضۦیُۦآِࢦِٰآِیُۦآِمّۦ لا والله ماقصرتي 😂🤭 ياالله حقيقي قولتلي كل حاجه ممكن تتقال مافيش كلام تاني بعد كده والله احنا بنتعب جدا جدا ولا حد حاسسس بينا لا زوج ولا حتي اولاد الله يعينك ويعينا كلنا علي اللي احنا فيه يارب 🤲 هنعمل ايه هي دي سنه الحياه الحمد لله على كل حال والله المستعان 🌹 احلي تثبيت لتعليقك الرائع وشكرا لتعبك ومجهودك في الكتابه ياقلبي تسلم ايدك الجميله ويعطيكي الصحه والعافيه يارررررب 🤲❤️
