أهلا بيكم أنا عبدالحميد طبيب وهاوى أعمال فنية يدوية. هنتعلم مع بعض هنا نعمل أعمال يدوية مختلفة ومتنوعة، هنعمل مجسمات من أفلام الكارتون اللى كونت جزء كبير من ذكرياتنا ومجسمات من الأفلام والمسلسلات المشهورة ومجسمات لمعالمنا الأثرية والحضارية ومناسباتنا الدينية والتاريخية فى وطننا العربى. هنتعلم نشتغل بخامات متاحة عشان نعمل مجسمات طبيعية زى الحقيقة بالظبط. كمان هيكون فى مشاريع بسيطة تقدرو تشاركو أولادكم فى صنعها وتقضو وقت كويس معاهم. إن شاء الله تكون القناة دى مكان تقضو فيه وقت ممتع ومفيد. تحياتى.
هتلاقيه فى المكتبات اللى بتبيع مستلزمات الرسم والأعمال الفنية وبرضو هتلاقيه أونلاين وفى فيديو على القناة شرحت فيه طريقة عجينة الورق.. تنفع بديل للصلصال وأحسن وأقوى منه كمان.
العصيان دى أسهل طريقة تجيب فروع شجر ناشفة وتقطعها عالمقاس المظبوط. وممكن تتعمل من أى سلك كهربا على الشكل المناسب وتغطيها بصلصال او عجينة ورق أو مناديل وغرا أبيض
وعليكم السلام أخى محمد أشكرك على رأيك وسعيد إن الأعمال عجبتك🤝 ملاحظتك فى محلها.. والسبب إن فى بعض المجسمات بعملها بالنظر كده.. لكن الأعمال اللى بحتاج شكلها يكون واقعى براعى فيها النسب المتعارف عليها فى فن الديوراما.