Жыццё, словы і ўчынкі Хрыста, Яго стаўленне да Бога і да чалавека - вось гэта эталон і веры, і жыцця, і любові для хрысціяніна. Таму Касцёл быццам да гукаў камертона, прыслухоўваецца да голасу Евангелля. Гэта дазваляе зноў і зноў суадносіць усе сферы жыцця чалавека з жыццём Хрыста. Св. Павел выразіў гэтую думку ў другім раздзеле Паслання да Філіпянаў “Няхай вашыя думкі будуць такімі, як у Хрысце Езусе” (Філ 2,5). У гэтым і заключаецца задумка, ці можа нават місія нашага канала - “Камертон. Рэзананс Евангелля”. Мая мара, разам з вамі, дарагія сябры, прыглядацца да Хрыста і ўслухоўвацца ў Яго слова, быццам да камертона. Я перакананы, што рэгулярна суадносячы наша жыццё са словамі Езуса Хрыста, мы штораз больш становімся падобнымі да Яго.
Дзякуй вялікі а. Андрэй! Было б цудоўна пачуць Вашыя разважанні і каментары таксама і на Евангеллі кожнага дня ( хоць кароткія ), не толькі нядзельнага. ❤
Брат Андрэй!Дзякуем за словы,якія адорваюць надзеяй.Але чаму так адбываецца ў нашым жыцці,што прыпадаем да Крыжа Хрыста ,па- сапраўднаму шчыра і з глыбокай верай,толькі тады,калі наступаюць найцяжэйшыя і страшныя жыццёвыя выпрабаванні ?!
Дарагі ойча Андрэй! Дзякуй за такі патрэбны канал на нашай сапрауднай сучаснай беларускай мове! На мове Барадуліна, Быкава, Караткевіча... У вашых вуснах яна гучыць асабліва дакладна і прыгожа, скажу больш - узорна.А што датычыць дакладнасці моуных нормау - усё бездакорна. Неяк давялося аднойчы пачуць Вас у Барысаве. Вы калісьці наведвалі нашых сясцёр трэцяга закону. Заслухалася міжволі яшчэ тады...На жаль, у нашым каталіцкім асяроддзі, так мне падаецца, з мовай яшчэ шмат розных недарэчнасцяу. Дзякуй Вам за такое мілагучнае Божае Слова!
