ولو المنشور قديم بس مو مهم الي يگول نوع تضمين تخميس بالشعر يصير.. ولو حمزة ميدبرهن.. ويبقى الاديب قطب رحا الشعراء كل شي يتناثر من رحى ابياته هو ذرات للمعرفه. وعلى طاري الاديب مو على اساس صار شعر الاديب شي قديم وحمزة هو ابو الحداثة ومن جماعة الجاذبية أين ما تريحون وتسرحون الشعر الاصيل ظلكم شئتم ام أبيتم.. مترهم ابد
السلام عليك يا سيدتي ومولاتي يازينب الكبرى سلمت وبوركتم استاذنا الكبير وأديبنا الحسيني المبدع تبقى اديب الطف الأول رغما عنهم بالتوفيق والنجاح الدائم ماااجوووررين موفقين
مااجوررين وموفقين استاذنا وأديبنا الحسيني المبدع الكبير جابر الكاظمي رتل الشعر قرآنا أنه شعر العشق الحسيني حياك الله وبياك في ميزان حسناتكم بالتوفيق والنجاح الدائم ❤
كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك يا هالعايش على رموشي حلم كل لحظة يتجسم سحر شوقك يبو الأكبر يسايرني بخلايا الدم جسد وأتمثله كوكب أصد لجروحك أتوهم أشوفن كل جرح منك ثغر للدنيا يتبسم عجيبة تنذبح ظامي يلن كل عين إلك زمزم والأعجب تنزف جروحك وأنت لكل جرح بلسم دنيانا المشغوفة بحبك بيك تغنت يا حسين مو بس العابس جنيته كلها انجنت يا حسين كلها تلهج غدت باسمك .. دمي مو أغلى دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك لون عابس وقف بالطف يصيح الشوق جنني ملايين أصبحت مثله لونّك عنها تسألني عشاقى وكل فرد منهم غدا بعابس يذكرني وكل من أنشده يجاوب يقول حسين هيمني وأنا بعالم لهيب الطف سيوف الهم يباريني عجيبة يوذرن جسمك ولا مثلك يوذرني شبهت جروحك بعيوني والدم يجري يا حسين والحافر ما هشم صدرك هشم صدري يا حسين وآنا ريت أنصرع يمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك حليف الهم كلف يقدر ودليله بصبره يتورع على مصابك يبو اليمة وراعة قلبي ما تنفع تريد أصبر بعد شصبر وأشوفك دامي بالمصرع اشتظن جفن المحب يغفى وحبيبه على الثرى مقطع يبو الأكبر لون يذبل نخبره بحالك ويسمع يفتت كل صخر غيظه ويجود عليك بالمدمع لو يسمع بمصابك يذبل جان تفطر يا حسين واشلون آنا العاشق وأصبر بيش أتصبر يا حسين وآنا همي بكثر همك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك الحديد تلين لداوود عجيبة عليك يتصلب ويصير سيوف ويقطع جسد فوق الثرى مخضب الشمس لو مر عليها الغيم بثياب الخجل تتحجب اشعجب ما غابت وجسمك تشوفه بكربلا مترب عجيبة الماي يظل يجري ولا عن خجل يتنضب ويشوفك ظامي وبكتره دليلك بالعطش يلهب بهذا الماي اشلون أتهنى وقلبك ظامي يا حسين اشلون تنام الليلة عيوني وجسمك دامي يا حسين بروحي وبدمي أخدمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك لون خيم علي ليلي بسواد العاشر أتذكر صور عن ليلة العاشر أعيش وياها وأتحسر أعانق لجمة جروحي بفضاوة قلبي وأتصبر ولا صحوة سما بعيني تريضني يبو الأكبر سوادة ليلي ترسم لي وداعك ويه هالخدر وأشد على الحزن حيلي لون خيط أسفر كل مصباح أتذكر يومك يوم العاشر يا حسين بس موجات المدمع ترحم قلب الشاجر يا حسين دمعي دم يجري ويكلمك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك صرت كل ما أصد للنار أذكر جمرة خيامك لون أسمع طفل يبجي أنوحن وأذكر أيتامك إذا مني عضو تألم أهيم بسجة آلامك إذا يومي يخالفني أون لمخالف أيامك أنا وكل أهلي وأصحابي نذر لتراب أجدامك يا غالي وأغلى من عمري رخيصة عيوني جدامك روحي وجسمي وكل ما أملك باسمك صاحن يا حسين كل ذرات العالم مثلي لجلك ناحن يا حسين دمي لو تطلب أسلك .. دمي مو أغلى من دمك كل قطرة دم بشرياني تهتف باسمك يا حسين روحي شلون تظل بجسمي من أذكر جسمك يا حسين جسمي مو أغلى من جسمك .. دمي مو أغلى من دمك
