Daadaa Nyame a Ɛfiri akyirikyiri woyɛ Onyame W’anim ne w’akyi Onyame biara nni hɔ Odomankoma wofata ayɛyie oo Papa ee mefrɛfrɛ wo a bra oo Okatakyie ee bɛgye wo ayeyie ɛɛ Odomankoma bɛgye wonkamfoɔ nnwom Agyei… agyei… agyei… Tumi nyinaa wura Onyankopɔn e Wone nea wone na wote ase ampa Odomankoma Onyame bi nka wo ho oo Ye ye ye yeya ye yaye Ɛnti ɛnnɛ mebɔ wo mmrane Mɛbɔ wo mmrane agye e Na mefrɛfrɛ wo a, ampa ara ɛfata wo ampa Odomankoma bɛgye w’ayeyi nnwom M’awurade ee aseda sɛ woo o Agya mɛbɔ wo mmrane eee, ɛmmrane sɛ wo Agya mɛbe wo dinn, aseda sɛ wo Agya mɛbɔ wo mmrane eee, ɛmmrane sɛ wo Agya mɛbe wo dinn, aseda sɛ wo Sɛ mehwɛ deɛ w’ayɛ a, Na menhu deɛ menka Sɛ mehwɛ osoro nsonoma nɛ ɔbosome a Na mehwɛ awia ne n’animuoyam a Ɛpo kɛseɛ a ɛda hɔ yi ɛne mu neɛma a Asaase ne mu nneɛma nyinaa Mmepɔ akɛsea ne ɛso nneɛma nyinaa Ɛne ɛwiem moadoma nyinaa Asaase ase ne ɛmu neɛma nyinaa Sikakɔkɔɔ ne deɛ ɛkeka ho nyinaa Na mese wo ndwuma yɛ nwanwa dodo, agya ee M’awurade e ɛyɛ me nwanwa dodo oo Na ɛsɛ me ayɛyie ne naaseɛ ne ntontom Na sɛ nka me kukuru wo na ɛbɛ yɛ yie a Agya, mese anka mɛkukuru wo ayi akɔnkɔn Ɛno nti mese: mekotokoto woo Mema wo so oo, mepagya wo ara Odomankoma, wo nkoa ne Awurade Wo nkoa ne Awurade na Onyame bi nka wo ho koraa Na mese sɛ Onyame bi ka wo ho a Awurade ee kakyerɛ me oo M’ahwehwɛ mu ahwehwɛ mu ahwehwɛ mu ara M’atoto m’ani atoto mese m’atoto ampa Na m’ahu sɛ w’akyi no Onyame biara nni h ɔoo M’agye Onyame eee ka wo ho ooo Odomankoma, ayɛyi ne naase sɛ wo ara oo M’awurade ee aseda sɛ woo o Ɛnti sɛ nnɛ mefrɛfrɛ wo na sɛ me tontom wo a Na ɛsɛ wo o, na ɛfata wo ara Mefrɛfrɛ wo o, mefrɛfrɛ wo ara Mefrɛfrɛ wo sɛ deɛ onyankontɔn frɛfrɛ nsuo anɔpahema Odomankoma bɛgye wo ayɛyie ne naase ne ntontom Odombarima Nyame e wofata nkamfoɔ ne aye ayɛyie Odomankoma mefrɛfrɛ wo ara oo, Aeeeeee Ohene bi bɛtena asaase yi so Ode ne nsa bɛkyerɛ bɛnkum akyerɛ nifa Na ɔde ne nsa abɛsi ne bo aka sɛ: Asaase a ɛda m’anim yi nyinaa yɛ me dea Nanso anni nnanu, anni nnansa Yɛhwehwɛ ohene yi a na yɛnhu no Nso nana te aseɛ no yɛfrɛ no oseadeɛyɔ Ɔteaseɛ no yɛfrɛ no ɔkɔtwareasuo Katanka, kutunkurunku, kukurantumi ee otumfoɔ Nanso anni nnansa yɛhwehwɛ no a yɛnhu no Na wo Awurade deɛ wote ase daadaadaa Na wonni aseɛ na w’anya awieɛ Nanso wona wohyɛɛ neɛma nyinaa ase, Awurade Odomankoma, bɛgye w’ayeyi nnwom ooo M’awurade e aseda sɛ woo o, Agyeeee Agya mɛbɔ wo mmrane eee, ɛmmrane sɛ wo Agya mɛbe wo dinn, aseda sɛ wo Agya mɛbɔ wo mrmane eee, ɛmmrane sɛ wo Agya mɛbe wo dinn, aseda sɛ wo Abraham Nyame eee, Isaac Nyame ooo Jakob Nyame eee, Awurade owuo mpo suro wo Ɛnyɛ wo na wɔsie wo a nansa soɔ no Wosɔre firii owuo me aa Wodin mu na owuo adwane Wodin mu na asaman dwane ooo Nsamanfoɔ antumi ne wo antenna Ɛnti wɛsrɛɛ wo sɛ fi wɔnkyen na kɔ Efisɛ w’anim hyerɛn dodo Dada ee, aseda sɛ wo oo Ebinom de nsa frɛfrɛ abosom Ebinom nso frɛfrɛ nsuom Ebinom nso frɛfrɛ nsamanfoɔ Yɛdeɛ yɛnyɛ ebi da oo Wonko ara na yɛbɛ frɛfrɛ woo o Sɛdeɛ nyankontɔn frɛfrɛ nso anopahema Osabarima Nyame ee, aseda sɛ wo oo Agya mɛbɔ wo mmrane eee, ɛmmrane sɛ wo Agya mɛbe wo dinn, aseda sɛ wo Agya mɛbɔ wo mmrane eee, ɛmmrane sɛ wo Agya mɛbe wo dinn, aseda sɛ wo
Oh the depths of the richness of this song of praise and worship! I can only say wow, wow, wow! Bless you for using your talent for Almighty God!!!! 👏🙌🙏
