नांदेड शहरात अखंड चालू असलेली नरहर कुरुंदकर व्याख्यानमाला ही नांदेडच्या सांस्कृतिक जीवनाचा एक अविभाज्य भाग बनून गेली आहे. दुर्गाबाई भागवत, गंगाधर गाडगीळ, य. दि. फडके, पुष्प भावे, विजय तेंडुलकर, गुलजार, जयंत नारळीकर आणि इतर अनेक विचारवंतांनी या व्याख्यानमालेत आपले विचार मांडले. गेल्या ३५ वर्षातील या विचारवंतांची व्याख्यान सर्व अभ्यासकांसाठी उपलब्ध करून द्यावीत अशी मागणी अनेक लोकांनी केली होती. त्याप्रमाणे उपलब्ध असलेली व्याख्यान टप्प्या टप्प्याने अपलोड करावीत असा आमचा मानस आहे. या चॅनलवर आदरणीय नरहर कुरुंदकरांची व्याख्यान उपलब्ध होतील तशी अपलोड करत राहू. आपल्या काही सूचना असतील तर जरूर कळवा.
काळे गोरे या पद्धतीने झापडबंद विचार करणाऱ्यांनी वास्तव कसे समजून घ्यायचे असते हे सांगणारे हे भाषण आहे. विपुल संदर्भ, तर्काधिष्ठित विवेचन आणि सुस्पष्ट प्रतिपादन अशी ही मांडणी अद्भुत मांडणी आहे. हा ठेवा उपलब्ध करून दिला, खूपच आभार 🙏🙏🙏
कै .नरहर कुरुंदकर यांनी श्रीमान योगी या कादंबरीला दिलेली प्रस्तावना खूपच सुंदर आहे ,ती कितीतरी वेळा वाचली ना तरी पोट भरत नाही ,वाईट एका गोष्टीचं वाटत की कुरुंदकर सर , कै द वा पोतदार , तसेच प्रसिद्ध इतिहास अभ्यासक कै निनादजी बेडेकर हे अल्पा युषी ठरले हे महाराष्ट्राचे दुर्भाग्य .
भगवान श्रीकृष्णाना प्रत्येक व्यक्ती वेगवेगळया दृष्टी कोनातून पाहत असतो... सरांनी राजकीय दृष्टीतुन पाहिला असं वाटतंय... पण माझ्या साठी तो सर्वश्रेष्ठ, परम परमात्माच आहे...कारण आमच्या सर्व संतांनी हेचं सांगितलं आहे आणि त्याची अनुभूती सुद्धा आम्हाला आली आहे...
प्रज्ञावंत कुरुंदकरांची व्याख्याने ऐकणे म्हणजे ज्ञानाच्या रसवंतीचा लाभ घेण्यासारखे आहे! समाजरचनेविषयी आणि परकीयांच्या राज्यविस्ताराच्या मनसुब्यांविषयी अनेक भारतीयांमध्ये गैरसमज आहेत. कुरुंदकरांच्या या व्याख्यानांमुळे जनतेत जागृती होवो, ही प्रार्थना आहे. 🙏🙏🙏
अत्यंत अभ्यासपूर्ण विवेचन. सगळा गोषवारा किती सुंदर समजावून सांगितला. एक वेगळा विषय मांडतो. आदरणीय उमा ताईंच स्वतःच आत्मचरित्र अत्यंत वाचनीय आहे.सुसंस्कृत व त्यांची निरीक्षण खूपच महत्वाची आहेत.
प्रणाम उमा ताई. तुमच्यामुळेच आम्हांला आदरणीय भैरप्पा समजले. तुम्हीं अनुवादित केलेली पुस्तकं आम्हीं वाचली आहेत. ती आमच्या संग्रही आहेत. विशेष म्हणजे वंशवृक्ष हे पुस्तक आम्हाला नांदेड येथेच मिळाले.
उमाताईंनी अगदी अप्रतिम मांडणी केली . भैरप्पा सारखा बहुआयामी कादंबरीकार , पौराणिक , ऐतिहासीक आणि आधुनिक कालखंडाचा विस्तीर्ण पट उलगडणारा लेखक आम्हा वाचकांपर्यंत पोहचविण्यासाठी उमाताईंचे खूप खूप आभार ☺️🙏🏻🙏🏻🙏🏻
खूपच छान आणि अभ्यासपूर्ण मांडणी प्रा. डॉ. अरविंद सोनटक्के सर. आपल्या सहवासात, आपला सहकारी म्हणून काम करण्याचं भाग्य मला लाभलं... प्रा. राधेश्याम लक्ष्मीबाई गंगाधर (वाणिज्य विभाग) दिगंबरराव बिंदू महाविद्यालय, भोकर जि. नांदेड.
