खरं तर कोंकण प्रांत हा खूप मोठा प्रदेश आहे, हा कोंकणी प्रांत महाराष्ट्रापुरता मर्यादित नसून, कोकण हा प्रदेश दक्षिण गुजरात मध्ये वलसाड जिल्ह्यातून सुरू होऊन, वापी, आपल्या महाराष्ट्रातील पालघर जिल्हा, ठाणे जिल्हा, मुंबई, रायगड जिल्हा, रत्नागिरी जिल्हा, सिंधुदुर्ग जिल्हा, संपूर्ण गोवा, कर्नाटकातील कारवार, गोकर्ण, मुरुडेश्वर, भटकळ, कुंदापुर, उडुपी, मंगळूरू हे जिल्हे व प्रांत करून, उत्तर केरळमधील कासारगोड या जिल्ह्यापर्यंत वसलेला आहे, तुम्ही या संपूर्ण प्रदेशाचा नीट अनुभव घ्याल तर संपूर्ण कोंकणी माणसांची (गुजरात ते केरळ पर्यंतच्या) भाषा, बोली, शैली, राहणीमान, आहार, विचार, विहार , संस्कृती, संगीत, वातावरण, हवामान, शेती, पिके, सण, उत्सव, भौगलिक रचना या इत्यादी गोष्टी काय फार काही वेगळ्या नाहीत, फक्त ज्या त्या प्रदेशातील कोंकणी भाषेवर त्या त्या राज्यातील भाषेचा प्रभाव आढळतो, जसे की महाराष्ट्रातील कोकणी भाषेवर मराठी चा प्रभाव, कर्नाटकातील कोंकणी भाषेवर कानडीचा पगडा आपल्याला आढळून येतो, हा संपूर्ण कोंकण प्रदेश, कोंकण म्हणजे एकंदरीत सागरी किनारा व सह्याद्री पर्वतरांगांच्या मधला प्रदेश, कोकणाला अद्भुत निसर्गाचे वरदान लाभलेले आहे, इथे वेगवेगळ्या खळाळनाऱ्या नद्या, झरे, ओढे, झाडी, डोंगर, धबधबे, किल्ले, किनारे, उद्याने, मंदिरे, तीर्थक्षेत्रे, जंगले , घाट, राजवाडे, इत्यादी ठिकाणे येथे तुम्हाला पहावयास मिळतील. शिवाय, तांदूळ (भात), आंबा, केळी, फणसं, नारळ, सुपारी, काजू, करवंद, चिक्कू, नाचणी हे इत्यादी येथील प्रमुख पिके व बागा, व काजूची भाजी, फणसाची भाजी, घावणे, आंबोली, सोलकढी, उकडीचे मोदक, तांदळाच्या भाकऱ्या, आमरस, नारळाच्या वड्या, गोड नारळी भात, हे इत्यादी येथील प्रसिध्द खाद्यपदार्थ, येथील खाद्यपदार्थांतील एक वैशिष्ट्य म्हणजे असे की इथल्या बहुतेक सर्वच पदार्थांमध्ये नारळाचा व नारळाच्या दुधाचा वापर केला जातो, लाल माती (लाल मृदा) ही सुद्धा बहुधा कोकणातच आढळते. येथील अजून एक वैशिष्ट्य म्हणजे, इथली बहुतेक सर्वच घरे कौलारू पद्धतीची आहेत, "'खेड्या मधले घर कौलारू'" ही कविता हमखास तुम्हाला इथे आल्यावर आठवेल, पावसाळ्यामध्ये कोकण म्हणजे जणू स्वर्गच, सगळीकडे हिरवीगार वनराई, डोंगरांवर ढग खाली आलेले, आल्हाददायक वातावरण व जिथे पहावे तेथे हिरवाई, आमराई व धबधबे दिसतील, याचा तुम्ही अनुभव जीवनात घेतलाच पाहिजे. या कोंकण भूमीला साक्षात श्री भगवान परशुरामांनी निर्माण केलेलं आहे असे म्हटले जाते, शेवटी, एवढंच म्हणील, येवा कोंकण आपलाच असा…🏞️🛖🏡🏠🏝️🌴🌳🌿🍀☘️🛤️🛣️🏕️🛖⛱️🥭🥥🥗🍲🥘✨🌟🙌🚩🕉️🛕