ولله ثلاثا غير كي نسمع انسان يقول كلمة اما غير نسخف ونموت على العجايز ونديرلهم رأيهم ونحنن عليهم عندي انسانة عجوز كبيرة جيني ضيفة وديما تشكيلي من دار ولدها وتقولي يحقروني ويخبيو عليا الماكلة العزيزة وما يشيخوش معايا ولله غير نكون مطيبة غدايا حاجة وكي جيني نوض نزيد نطيبلها حاجة لي تحبها ساعة دشيشة ساعة بورزام ساعة بربوشة ونبعث ولدي يشريلها الياوورت لي تحب وكي تخلص نطيبلها قهوتها ونعطيلها حبة دوا تاع السطر ونفرشلها ترقد فالقيلولة وشحال من مرة تعجبها ااكوفبرطة لي نغطيها بيها ولله غير نعطيهالها ومرة جابتلي الحنة وقاتلي حنيلي شعري وحنيتلها ودوشتها ولبستلها ملابس تاعي ولله وحده يعلم اني درتلها كلش عن طيب خاطر وضركا للأسف عندها حوالي عامين ما جاتنيش ولاة مريضة بزاف وما عادتش تقدر تمشي ولله غير صدقوني خلاتلي فراغ كبير ربي يشفيها ويعافيها يارب
شوفي والله والله والله غير الراجل لكان جات مرتو بنت اصل وبنت فميليا والله غير تقولو جيب مك تقد معانا والله ميقول حاجة نسا ليميحبوش لعجوز تعيش معاهم راهي عندها ولادها كما دنت تدان الام هي صح
و عليكم السلام ام ريان😊كيف الاحوال ان شاء الله بخير😊عيش فالقصعه يهبل يعطيك الصحه يشهي خاصتا مع الحار😅تاكلوا بالصحه و الهناء😊ام انور و خلود تحياتي الخالصه
الأم مستحيل تكون قاسية في كل الاحوال. كاين ام ما عندهاش الزهر في بناتها . ماينفعوها حتى في حاجة يجيو يڨلبو الدنيا يخليو لولاد يفسدو ويوسخو وهوما ڨاعدين. كاينين بنات ماهمش ملاح مع الأم. يكونو عايبوها في كش حاجة والاسباب عديدة. وكاين امهات واعرين بدون سبب خاصة مع البنت الكبرى.