كل ما يرد في هذه القناه هي صيانات بسيطه اقوم بها بنفسي في سيارتنا صدقه جاريه للمنفعة العامه لينك كتالوج السياره بصيغة pdf . www.mediafire.com/file/a6qkdnk7p62iimy/Lancer_2008_2-transfer_ro-07may-8f10f6.zip/file?dkey=mcw4m5mc0oq&r=213
الخل حامض والحامض يؤدي الي تهالك الصدأ ولكن هو حمض مخفف جدا وذلك للاستخدام الادمي النصيحه من الفيديو هي التوعيه من خطر اهمال تغيير الثرموستات في عطلين للثرموستات اما مفتوح وبكده امبير الحراره مش هيرفع وهيفضل علطول لتحت ولو عمل كده دي نعمه من ربنا واما انه يقفش ويفضل قافل ودي لا قدر الله لو متلحقش بدري ممكن يؤدي الي جوان وش سلندر لكن علي تجربة حضرتك ربنا يباركلك ويبعد عنك كل مكروه
اتجاه راس البوجيه يكون لداخل غرفة الاحتراق فوق البستم وذلك علشان البوجيه يؤدي الوظيفه بتاعته وهي الشراره المتسببه في احتراق خليط الهواء مع البنزين الخارج من الرشاشات
@@Mahmoud92255 لا البوجيه غير مرتبط باتجاه معين لكن اذا تحذثنا بشكل مهني فمن المفترض عند ربط البوجيه او اي مسمار او صاموله فإن الفيصل في مقدار قوة الربط هو مفتاح العزم لكن احنا بما انه غير متاح فبنرط لحد ما يجيب اخره من غير قوة زايده لان السن بيربط في المونيوم وتخاف من حاجتين اما السن اللي في الالمنيوم يتاكل او ان البوجيه يتكسر ملخص الكلام واسف للاطاله اهم شئ ووظيفة البوجيه هي إطلاق شرارة الاشتعال والموضوع ده غير مرتبط باتجاه وكل عام وحضرتك بخير
نصيحه لوجه الله تعالى الثرموستات مهم جداً وعن تجربه من الغاءه ورجعت ركبته تاني اينعم لو قفش مقفول بيدخل الموتور في مشاكل زي جوان وش سلندر ولكنه مفيد اعراضه وهو متشال امبير او مؤشر الحراره منخفض لو دخلت في زحمه مؤشر الحراره يرفع مع تشغيل المكيف العربيه بتبقي بطه عزمها يعتبر ضغيف تيجي تشد او تقرص علي العربيه ممكن تسمع تسكيع او كركره وتلاقي استهلاك البنزين عالي شويه عن المعتاد كل ده لان دورة المياه مفتوحه وبتتبرد باستمرار ودرجة حرارة الموتور مش واصله لدرجة الحراره المثاليه فايدته ببساطه الميه بتدخل علي بلوكة الموتور اول ما تسخن مع التشغيل تبتدي ترفع حرارة المياه فالثرموستات يشتغل فيبدأ عملية تغيير المياه البارده من الردياتير ويدخلها علي الموتور واول ما يبرد يرجع يقفل الدوره دي تاني وهكذا يسخن يفتح يبرد يقفل دي كده الدورة الطبيعيه للتبريد انما بالغاءه تعتبر دورة التبريد مفتوحه والموتور داخله مياه بارده علطول وده غلط لو هتشتريه هتجيب الثرموستات ابو درجة حرارة ٨٦ سلزيوس علي ما اتذكر مش ال ٧٥ لان التاني بتاع مواتير اللانسر الكرستاله وحاجه اخيره لو كان بدون فائدة مكانش اتصنع واتركب في العربيه مع تحياتي لشخصك الكريم ♥️
عند تركيب المسامير يراعي ان كل المسامير تدخل الاول وبعد كده تبدأ عملية الربط والتأكد من ان فتحات المسامير متطابقه مع بعض ممكن تستخدم مفك وشه رفيع وتتأكد ان كل فتحه قدام مدخل السن بتاع المسمار واتأكد ان المسمار اللي مش راضي يركب يكون سليم وداخل عدل مش معووج او مكسور او داخل بزاوية
أسعدني مرور حضرتك الكريم وشكراً علي النصيحه وهحاول ان شاء الله بعد كده احسن موضوع التصوير ولكن التصوير بيكون كده لاني بعمل الحاجه لوحدي والتصوير غير احترافي لان هدف القناة غير ربحي المهم عندي اني اوصل الطريقه للي هيشوف الفيديو علشان يعرف يعملها كويس بالنسبه للفيديو ده انا كنت مسافر واشتريت الشريط و اشتريت العده دي كمان علشان حاسس نفسي بدون كلاكس مش سايق وكنت هركبه وخلاص بس قولت اصور الفيديو . اسعدني مرور حضرتك الكريم وكل عام وانتم بخير
الله ينور عليك انا بس عندي سؤال الفانوس الخلفي عندي فيه فرق بينه و بين جسم العربية و مش عارف حله ايه هو المفروض فيه مسمارين بس بيثبتوه بس من الناحية اللي جوة الناحية التانية بقا بارزة عن العربية و مش عارف اعمل اي
صلي على النبي وكل عام وحضرتك بخير هقولك علي اللي حصل معايا وليك مطلق الحريه تعمل بيه او لا بس ده اللي حصل معايا كنت بضبط فروقات الاكصدام عند سمكري فقولتله يعدلي الفوانيس لانها كان في ترييحه عليها فالفانوس بيكون بارز عن بودي العربيه هو الصح انه بيرد المكان اللي بيركب فيه الفانوس لو كلبساته كلها سليمه وبتدخل في مكانها كويس انما اللي حصل من ورايا عمل طرف الفانوس بمسمار شك فالشكل العام الفانوس مضبوط في مكانه ومفيش اي حاجه بس انا مكنتش حابب الحل ده بس ده اللي حصل فالمفروض السمكري بيرد ويضبط الفانوس ويدخل ويبات في مكانه كويس وكل عام وحضرتك بخير
في عدة اسباب انه يكون ناشف ممكن عيب بالاسكترا او انخفاض ضغط الكاوتش او ضعف الطلمبة ... في المجمل لا توجد مقارنه بين الباور الزيت والباور الكهرباء فالكهرباء اخف بكثير من الزيت