Ia gitko anga knakujachim, indiba dingtangmancha ia gitko knana gita Nokgipa Isol angna cholko on.aha ine anga beberaa, Chasingre Matkol gittimo 26/8/2024 tariko mande siani salo nangni sambao asongpae romitingosa Silesapagipasa ia bini garo gospel git ' Tangkuna ske skimbeoba ' ingipa gitko knae nibo ine bini mobileoniko mesoke on. aha, one million batpilengaha viewsrangan inenba, un attamon anga ua gitko search ka.e nienba knatimaha unon kattarang namen su.ubea maina Bible ni gita ong ani gimin aro sulrangba knatobeaha. Uni gimin ringgiparangko gisik ka.tong gimikchi mittela aro angna , agane, mesoke ong.gipa Silesapagipakoba mittelbejok, Isol na.simangna , pattiskachina. Ia gitko knatime chanchiengon unsalo sigipa panteko angni gisiko rangsan naataha.
