باش تسجلي ببكالوريا لقديم ، اما تروحي للجامعة لي باغية تسجلي فيها ديري طلب خطي . واحيانا يفتحو سيت خاص بيهم ( خاص بجامعة معينة ) لازم تسقسي لي يقراو في الجامعة ذيك او التخصص ذاك.
السلام عليكم …استاذ انا قريت سنة 2022/2023مدرسة عليا عادي بصح هذا لعام مرحتش وفوتت لباك بلا ما نبلوكي فهاذي لمدرسة العليا وباغية نسجل بلباك الجديد نقدر نسجل ومنبعد نسحب لباك لقديم ولا لازم نسحب لولة باش نسجل بلباك الجديد لانو التسجيل عندو مدة واكتروني وبالنسبة للسحب الادارات راهم مبلعين معرفتش شا ندير ان شاء الله تكون فهمت مشكلتي
استاذ انا عندي باك 2023 قريت بيه وعاودت البكالوريا في نفس الوقت دوكا راني حابة نقرا بباك 2024 ونسحب الباك القديم ،هل لازم نسجل سنة ثانية هاد اليامات قبل مانسحب في سبتمبر ولا عادي نسحب بلا ما نسجل؟
السلام عليكم. لا نتي ماعندك مديري بالمراسلة ( لي ماعندهمش شهادة مدرسية يسجلو بالمراسلة باش يقدرو يسجلو باك ) . اما نتي عندك شهادة مدرسية ، تحبي تعاودي العام نظامي ، تحبي تبطلي وتسجلي احرار .
المراسلة : لي ماوصلش باك ولا حبس ثالثة ثانوي فالفصر الاول ولا الثاني مايقدرش يفوت باك، يسجل بالمراسلة باش يعطوه شهادة التسجيل، لي يقدر يسجل بيها باك مع الأحرار . يفوت نفس المواد فالباك كيما النظاميين وكيما الأحرار مينقصو والو.
تسجل في اي جامعة او مدرسة عليا تحب .. يعطوهملك في بطاقة الرغبات . المشكل في الإيواء مايخرجلكش في السيت إذا نتا اكبر من 27 سنة .. صافي تولي دير طلب خطي لمصلحة الإيواء إذا باغي تريزيدي.
السلام عليكم استاذ انا سجلت العام لي فات في الجامعة بصح ماقريتش وبلوكيت العام وعاودت الباك 2024 وراني باغي نسجل بيه بصح قالولي ليق تسحب الباك القديم تاعك وينتا نروح نسحبه في سبتمبر ولا وينتا مانيش فاهم وراني خايف يدلي مشاكل في التسجيل بالباك الجديد ارجو الاجابة
السلام عليكم . تقدر تسحب في أي وقت تحب، سقسي إذا الإدارة مزالو يخدمو تقدر تروح تسحب ، سينو اذا ملقيتهمش يخدمو اسحب لي سبتمبر . المهم انت سجل بالباك لجديد عادي وكمل التسجيلات . نورمالمون مزالو مخرجوش عطلة، حتى يكملو تسجيلات البكالوريا لجدد .
السلام عليكم اخي لي عندو باك جديد يسجل به، هل يجب دفع حقوق التسجيل في التخصص الاول (بالباك القديم) حتى يتمكن من السحب لاحقا لانه هذي فترة دفع الحقوق للطلبة القدامى
السلام عليكم. لازم تسجل مراسلة ثالثة ثانوي وتكملي التسجيلات حتى يعطوك شهادة التسجيل المؤكد. كي يفتحو تسجيلات البكالوريا احرار سجل معاهم . خير اسم المؤسسة مركز التعليم عن بعد. رقم التعريف المدرسي: دير رقم التسجيل المؤكد. وكمل عمر المعلومات نتاعك ( في استمارة المعلومان ).
خويا انا باك 2023 سجلت بيه بيولوجي و قريت عام هذا من بعد عاودت و ضرك راح نحبس يعني هذا العام منوليش نقرى حبيت نسحب الباك باه نسجل في منحة البطالة كفاه ندير ماني فاهمة والو و وينتا نسحب الباك منين يبدى دخول المدرسي هذا ولا كفاه والله مني فاهمة و كي نسحب الباك و نسجل فالبطالة نطول باه نولي نخلص ولا نخلص ثم ثم و اسكو سحب الباك امر صعب نشاله تجاوبني
السلام عليكم. السحب يكون في وقت عمل الإدارة ، معلاباليش اذا مزالو يخدمو ولا خرجو كونجي .. اذا سجلت الكترونيا برك ( صفر ورقة) ، تدي بطاقة الطالب نتاعك ودير طلب خطي ( اكتب سحب لاسباب شخصية ) ، وتروح تسحب . كي تسحب البكالوريا نتاعك قلهم يعطوك " شهادة الإنقطاع عن الدراسة "، زيد روح للسكريتير نتاع الدوايان قولو ينحيك من بروغراس . وفوت على نتاع لاسيرونس قلهم ينحوك من لاسيرونس ( وريلهم شهادة الانقطاع ) . هكا تفريها على جيها ..
كاين اثبات المستوى تفوتو في ماي يعطوك شهادة مدرسية ثالثة ثانوي. اما بكالوريا راك تعتبر مع الاحرار ( مكانش هاذي بكالوريا بالمراسلة فقط سماوها بالمراسلة خاطر ماعندهمش شهادة مدرسية ) .
سلام أستاذ الله يفرحك جاوبني أنا هذا العام قريت فالجامعة و عاودت لباك في نفس الوقت و سجلت بباكي جديد و التسجيلات تع الجامعة لي نقرا فيها بداو معرفتش لا نسجل فالسنة الثانية و لا لا، لأن التوجيه حتى 6 أوت إن شاء الله و أنا راني باغيا حتى نشوف إن شاء الله شاعطاولي تخصص باش نشوف لنقرا فتخصص الجديد ولا نكمل فلقراية تاعي ، و est ce que كون نسجل فلجامعة دروك قبل التوجيه نورمال ، الله يفرحك جاوبني ولا لي شاف تعليقي و يعرف الإجراءات
استاذ انا تحصلت على شهادة ليسانس او مانكملش ماستر وحابة نعاود باك ونسجل به عام جديد هل نقدر وال لا ولا لازم نستنى مرور خمس سنين على ليسانس تاعي باه نقدر نسجل بباك جديد ماشي القديم
@@MostafaDibes اذا راكي حابة تسجل في نفس الجامعة ، تدير طلب الحصول على شهادة عليا ثانية . اذا جامعة اخرى ، تسحب وتدير طلب التسجيل على مستوى الكلية لي باغي تسجل فيها ( مثال انجليزية ).
@@MostafaDibes الطلب على مسنوى البيداغوجيا .. يفتحوه سمانة فقط وميديىوش اعلان .. عموما في بداية سبتمبر ، الأصح في سبتمبر تضرب ليهم دورة تسقسي سينو يقولولك غلقنا المناصب البيداغوجية.
@@MarwaBaghdir كانت من قبل عادي في 2010 حتى لالفين و 18 . من بعد بعد فاقولهم ، رجعو يمدولهم ورقة يسينيوها فالليسي بلي خرجو من الدراسة . وزاد عادو يطلبو معدل 10 فما فوق . يعني تكون نجحت للثالثة ثانوي ولظروف معينة مقدرتش تكمل القرايا .
سلام عليكم انا طلعت لثالثة ثانوية تسير و اقتصاد لكن حاب نبدل شعبة الي علوم اسكو نقدر نبدلها فالاثبات المستوي عند تسجيلات و نبدلها ثاني كي نسجل الباك ندير علوم بسك عندي خويا يقرا مليح المعدلات تعو بين15 و 17 العام هدا هو ثاني عندو الباك حاب نقرا معه ولا منقدرش نبدلها
الله يعيشكم اذا ممكن واحد يجاوبني، في الشعب المتوفرة الي مدوهالي كاين اعلام آلي في USTHB عن بعد مع اني جايب 11.65 بينما معدل القبول في الدراسة العادية قريب 17!! هل هذا معناه انو معدل القبول في الدراسة عن بعد اقل من الحضوري ولا كيفاه؟ و هل يتطلب معدل موزون؟؟
أستاذ انا جبت باك هذا العام لوكان زعما منسجلش بيه هذا العام نهائيا نقدر نسجل بيه العام الجاي أو لي بعدو ماهي مدة الصلاحية تاعو إن شاء الله يكون خبر مؤكد لانو راح يأثر على مسار دراستي انا أبوندونيت العام الماضي فالشبه طبي معناها أعتبر معيدة هل هذه الإعادة تؤثر على مسار دراستي أو تخرجي أم لا وشكرا جزيلا
هو صالح مدى الحياة ، لكن احيانا بعض الجامعات يشتارطو اقل من خمس سنوات . التسجيل يكون بطلب خطي اولا ليتم قبولك ثم تسجل في التخصص لي خيرتو ( يعني كي متسجلش بيه العام الاول نتاعو .. ) .
@@normiga4672 وانا كي محضرتش كامل العام نعتبر معيدة برك صحيح ميطلبو مني والو ميقولوليش علاه مجيتيش ولازملك إجراءات ؟ وتاني هل عندك علم كيفاه نغير تخصص لداخل شبه طبي راني حابة نبدل من محضر صيدلاني ل مخبري لأنو هذا التخصص موجود لداخل الولاية لي نسكن فيها ،قالولي لازم تكتبي طلب لوزارة الصحة هل هذا صحيح ؟ونفترضو أني كتبت الطلب هل راح يبعثوني التخصص لي بغيت ولي هو مخبري مع العلم معدلي يفوق معدل القبول أو يبعثوني اي تخصص فيه مقاعد بيداغوجية شاغرة ؟ وكذالك هل الإدارة تع الجامعات والمعاهد تكون مفتوحة هاذو الأيام باه نروح نسقسيهم ؟ وعذرا
@@user-ro8ll1mo2x نعم تعتابري معيدة، بصح ممكن يحاسبوك على الغياب احتمال ضئيل . روحي لمعهد لي يقرو فيه الصيدلة لي في ولايتك وديري طلب خطي للمدير قبل ، اذا قبلوك يوجهوك للتخصص لي طلبتيه ميغيرولكش التخصص ، سينو راهم يوجهوك
خويا انا كنت نقرا في ثانوية قريت الثالث ثانوي فصل الاول و الثاني ومنبعد حبست مكملتش الفصل الثالث ومجوزتش الباك ضرك حابة نجوز الباك نسجل احرار ولا مراسلة
لازم تسجلي مراسلة اولا، وتكملي الإجراءات ومن بعد تسحلي أحرار بشهادة التسجيل المؤكد( المؤسسة مركز التعليم عن بعد، رقم التعريف المدرسي: رقم التسجيل المؤكد ).
انا مازال ما نجحتش في الدكتوراة... لكن راح نشارك في المسابقة. قلت نسجل في تخصص ثاني ونشارك في المسابقة اذا نجحت نسحب في مسابقة الدكتوراة نتنازل على التخصص الثاني. هكا تصلح؟
استاذ العام لي فات جبت الباك وسجلت بيه مدرسة عليا للبيطرة وماقريتهاش ومابلوكيتش وحابة السنة بنفس البكالوريا نتاع العام لي فات ندير تخصص اخر مثلا مدرسة عليا للاستاذة خاطر البيطرة ماعجبتنيش اسكو نقدر ولالا وكيفاه
المدرسة العليا للأساتذة عكم سيت وحدكم . في سبتمبر ديري طلب خطي على مستوى الديبارتومون لي باغية تبدلي ليها . مي لازم نفس الجامعة ( او نفس الولاية لي مسجلة فيها ). سينو اذا باغية مدرسة في ولاية اخرى، لازم تكون عندك شهادة اقامة في الولاية لي باغية تبدلي ليها . ديري طلب اعادة توجيه .
لاداعي للتسجيل بالمراسلة ( مادام عندك شهادة مدرسية ثالثة ثانوي تاريخ الخروج في جوان ) . تسجلي مباشرة مع الأحرار .. اذا ماعندكش شهادة مدرسية ثالثة ثانوي تاريخ الخروج في جوان. هنا تضطري باش تسجلي بالمراسلة .
نتا سجل مباشرة ثالثة ثانوي في السيبار ، وكمل الاجراءات، وبعد مايدرسو ملفك الادارة نتاع المراسلة، ثم يبان اذا قبلوك ولا لا .. تخرجلك في شهادة التسجيل المؤكد. من بعد تقدر تسجل بكالوريا احرار. . بالنسبة لمعدلك نورمالمون يقبلوك.
السلام عليكم استاذ سؤالي في موضوع مختلف... باش نسجل في تخصص ثاني نسحب البكالوريا القديمة لي جبت بيها ماستر وناوي نشارك بيه في مسابقة الدكتوراة... هل هذا السحب يأثر على الدكتوراة لو ننجح في المسابقة.
@@normiga4672 استاذ انا سجلت العام ليفات في جامعة و بلوكيت العام و ظك عاودت الباك و ديتو و راح نسجل في جامعة اخرى ظك اسك مزالت كيما من قبل لازم نروح للجامعة و ندير تبرئة الذمة و هاذوك ولا كاينة طريقة إلكترونيا و اذا مزالت كيما بكري واش ندي معايا علاجال الجامعة بعيدة شوي عليا مع العلم اني مبلوكي فيها العام من قبل صافي بطاقة الطالب راهي عندهم
استاذ انايا كنت نقرا بيولوجي فباب الزوار bac 2023 و عاودت العام وجبت باك 2024 نسجل بيه تخصص اخر باذن الله ...هل لازم ندير سحب بعد التسجيل او يتم الامر بالرقمنة مع العلم مكنتش داير اقامة ولا كارت شفاء ❤❤
@@MazariAhmedzakaria بصح كي تحب تسجل بيها تخصص آخر، بعض التخصصات يطلبلك بكالوريا جديدة، وكاين تخصصات اخرى تدير طلب على مستوى الكلية ( طلب التسجيل ببكالوريا مسحوبة / قديمة ).
@@MazariAhmedzakaria نعطيك مثال فالسحب : زعمة كملت لاليسانس فرنسية وسحبت البكالوريا نتاعك ( مع الشهادة النهائية ) هنا ماعندكش الحق تكمل ماستر فرنسية ، انتهت صلاحيتها بالنسبة لهذا التخصص . مي تقدر تسجل بيها تخصص آخر طبعا اذا قبلولك الجامعة لي باغي تسجل فيها.
سلام استاذ عندي استفسار نتمنى جاوبني عليه انا كملت 3 سنين في معهد شبه طبي وباغي نسحب باك نتاعي نسجل بيه من جديد اسكو نقدر وكيفاه ندير علما انه خرجونا شهادة النجاح المؤقتة وهل سحبي للباك يؤثر على حصولي على ديبلوم الاصلي
السلام عليكم .. اولا نورمالمون يعطوكم شهة نجاح ديراكت نحاو شهادة النجاح المؤقتة .. اذا سحبت الباك معناها ماكش راح تزيد تكمل ماستر في التخصص نتاعك . كي تسحب البكالوريا بعد ما تكمل قرايتك يعطوك شهادة النجاح .
تقدر تسجل بيه بطلب خطي على مستوى الجامعات وتخير التخصص لي باغي فيه .. التسجيلات عموما يفتحوهم في سبتمبر لمدة اسبوع ( تقديم الطلبات ) ، ومن بعد يعلقو لي قبلوهم.
@@user-hr5cb6fs1j لا مايعودوش يطلبولكم والو .. الشهادة النهائية تطلبها نتا مايمدوهالكش ، كي تشوف روحك ماكش رايح تزيد تكمل ، مثال ديت لاليسونس وماكش رايح تكمل ماستر تدومونديها كي شغل انقطاع على هذاك التخصص .
تسجل مباشرة مع الاحرار ، لا تحتاج للتسجيل في المراسلة. يعني يفتحو بكالوريا احرار روح سجل ( المهم تكون عندك شهادة مدرسية ثالثة ثانوي تاريخ الخروج في جوان ).
