ԵԿ ՀՊԱՐՏ ՄՆԱՆՔ Մեզ վիճակվեց - և մենք հանդիպեցինք կյանքում: Վաղ գարուն էր: Ձնհալ: Կարծես օդն էր գինով: Եվ մենք՝ երկու ցավի, երկու դավի ճանկում՝ Բռնկվեցինք մի նոր, չկրկնվող սիրով: Ու վիճակվեց... ապրել մեկըս մեկից բաժան, Մեկըս մեկի համար, առանց մեկըս մեկի, Քեզ՝ չազատվել երբեք այս կարոտից դաժան, Ինձ՝ չքայլել երբեք ձեռքս տված ձեռքիդ... Կյանքի՜ հետ ենք կարծես տվել մենք ձեռք-ձեռքի: Այդպես ձեռք չեն տալիս, երբ դաշինք են կնքում, Այդպես ձեռք են տալիս, երբ բռնում են գրազ... Արի հպա՛րտ մնանք, դու իմ անա՜նց երազ, Արի չտրտնջանք մեր անուրախ կյանքում Ո՛չ մեզ, ո՛չ մեր բախտի, ո՛չ աշխարհի վրա - Եթե վիճակվել է... չվիճակվել իրար...
Հիանալի բանաստեղծություն և իհարկե հիանալի կատարում: Շնորհակալություն մեծանուն գրող Պարույր Սևակին և իհարկե Իննային այս հիանալի կատարման համար: Նույնիսկ հուզվել կարելի է:🥺
Հոյակապ եր,շնորհակալություն.ճիշտ ն ասած ընդհատեցի նայել, հուզմունքը թույլ չտվեց մինչև վերջ նայել.😧կեցցեք գեղեցկուհիներ ջան,մեր աղջիկների նման չքնաղ ոչ մի ազգություն չունի,ամեն մեկըտ մի ծաղիկ եք դրախտի. Շատ ապրեք.☺