يا اخي الله يعفو عنا وعنك لاتنكب خلق الله انت سيارتك مستورده اوربي ماهي خليجي ودرجة لزوجة زيتها خفيفة لأن الاجواء هناك باردة اما هنا فيحتاج لزوجة إذا لم تكن مرتفعة على الاقل متوسطة خصوصاً ايام الصيف لان الاجواء عندنا في الصيف مضبي ، بعدين اللزوجة المناسبة موجودة في كتلوج السيارة حسب الأجواء وهذا كلام الشركات المصنعة ماهو كلام فاضي الله يهديك .
اخي الغالي بالمختصر اولا اشكرك على التعليق وثانيا ارجع لكلامي واسمع كويس من جديد بتعرف اني اتكلم عن اجواء الرياض والمملكة وبالاخير ارجع للوكاله وبتعرف ان كلامي عن زيت الوكاله بنفس معيار الوكاله ومقايسسها وما اتكلم من فراغ واخيراً جزاك الله خير لاتِدخل الدين في اي شيء وانا وانت كلنا خلق الله او انت عندك شك في ذلك؟
صايرة عندي المشكلة من شهر. رحت الميكانيكي غيرت البطارية وراحت. ورجعت بعد اسبوع. واختفت. رجعت مرة ثاني بعد شهر وسوا تصفية. عبيت بنزين فل. مشيت ٤٦٠ كيلو رجعت المشكلة. مازدا ٦. تمشي طبيعي جدا. ممكن في صوت 'هسة' بسيط بعض الاحيان يبين اول ما تصغط بنزين.
على ٣ شغلات لاتتعداها ان شاء الله تنحل مشكلتك -اذا المكينه والقير عندك سليمه ماتشكي من شيء . شيك على ١-حساسات الاوكسجين . ٢-حساس قربة الهواء الي فيها الفلتر حق المكينه. ٣-شيك على غطاء تانكي البنزين . وافحص كمبيوتر بيطلع لك الاكواد الي فيها عطل للعلم المازدا نظامها شوي معقد .
دامك مغير خساسات الاوكسجين شيك على غطاء تانكي البنزين وبعدها حساس الهواء الي في قربة الهواء حق المكينه ثم بعدها الكويلات والبواجي وتاكد من تنظيف بوابة الدعسه حق البنزين هذه الاساسيات الي تولع المبه اذا مافي اعطال في المكينه عندك
الله يستر عليك ياتسمع الكلام كامل وتعرف وش قايل انا بالشرح عن اسباب الاعطال والطريقه الاخير هي حل مؤقت فقط وسلامتك فماعندك شيء يفيد شفلك مكان ثاني تتفلسف فيه بارك الله فيك
هلابك يالغالي البلوتوث فقط مكالمات جوال مايشغل اي صوت ثاني في قكعه تركب له وصله ويصير يشغل عن طريق بلوتوث وانصحك لاتلعب بشاشة الوكالة بوسط التكاية AUXتلاقي منفذه بالدرج وعن طريقه تشبك سلك وتوصله بالجوال للاسف نظام قديم شوي بس يمشي الحال😅
هلا بالغالي نصيحتي لك مر ورشة متخصصه لانه بيكون عندك سحب وراح تحتاج كبس وقد يمكن تغير ذراع ومسمار توازن فلسلامتك ولضمان سلامة السيارة وديها لورشة مختصه دامك صادم رصيف والحمدلله على سلامتك .
وعليكم السلام ورحمة الله ادخل طال عمرك على الاعدادات الخاصه بالصوت وعدل توزيع الصوت على السمعات حطه وسط بين اليمين واليسار وكذا يصير الصوت موزع بالتساوي بين السماعات
هلابك يالغالي تاكد اول شيء من هواء الكفرات ثاني شيء افتح غطاء علبة الدركسون وشغل السيارة ولف يمن للاخيؤ ويسار للاخير كذا مره لين مايبدء يطشر الزست خارج العلبة لانه في احتمال يصير ان الطرميه ساحبه هواء فبهالطريقة بتفرغ الهواء ثم عقبها قفل العلبه وةمشي طبيعي وان شاء الله تظبط امورها
هلا فيك يالغالي فك صدر المكينه او تغير اي قطعه في المكينه لا يؤثر على قيمة السيارة بيع وشراء اما في حال وجود خلل في المكينه ك تبويش او ضعف او اصوات تكيات وجنزير .....هنا يؤثر فيها العامل المؤثر الاساسي في القيمه البودي واي حوادث تعرض له. وتقبل تحياتي .
