是健康寶app：www.cadenza.hk/e-tools/zh/ihealthscreen/

我唔係代表任何機構或者院舍，純粹分享自己的工作經驗同觀察，唔需要亦都無必要打官腔。我亦都過咗初出茅廬的階段，唔會係度發放正能量。按章工作呢，其實無問題架喎。做多咗，無事好地地，出事人頭落地，邊個敢做出頭鳥。係呀，人手比例只係數字遊戲，但啲人只會覺得個場靚時(即整體住客狀態較理想，照顧需求較少)，護理人員就偷懶；當個場爛時(整體住客狀態惡劣，照顧需求多)，誰又會理解護理人員的辛勞？常說照顧者需要喘息空間，那護理人員呢？院舍安排的探訪時間，正是護理人員完成一系列護理工作後的空檔時間。探訪者見到護理人員稍事休息，就覺得係有空檔時間唔想幫忙。難道就係因為受薪，而唔值得有喘息空間嗎？我同意行業的潛規則窒礙改善服務，但"巧婦難為無米炊"亦係現實。我投身行業初期都好有"彈性"，結果換來的只係"無償加班"以及工作評核時"欠缺效率"的評語。如果拿捏得宜，我還在學習當中。