ಮಾನಿಷಾದ ಪ್ರಸಂಗ ಯಕ್ಷಗಾನ ರಂಗಸ್ಥಳದಲ್ಲಿ ಅದ್ಭುತ ಯಶಸ್ಸು ಕಂಡದ್ದೇ ಕರ್ನಾಟಕ ಮೇಳದಲ್ಲಿ. ಇದೇ ಮೇಳದಲ್ಲಿ ಇದರ ಪ್ರದರ್ಶನ ಆರಂಭವಾದುದು ಕೂಡ. ಬೊಟ್ಟಿಕೆರೆಯವರ ಈ ಪ್ರಸಂಗದ ಮನೋಜ್ಞ ಪದ್ಯಗಳನ್ನು ಹೇಗೆ ಹಾಡಬಹುದೆಂದು ಪರಿಚಯಿಸಿದವರೇ ಶ್ರೀ ದಿನೇಶ ಅಮ್ಮಣ್ಣಾಯರು. ನಿಜವಾದ ಅರ್ಥದ ರಸ+ರಾಗ+ಚಕ್ರವರ್ತಿ ಎಂಬುದನ್ನಿವರು ಕರ್ನಾಟಕ ಮೇಳದ ಸುದೀರ್ಘ ಆವಧಿಯ ತಿರುಗಾಟದಲ್ಲಿ ಪ್ರತ್ಯಕ್ಷ ನಿರೂಪಿಸಿದ್ದಾರೆ. ಸನ್ಮಿತ್ರ ಜನ್ಸಾಲೆಯವರೇ 'ನಾವು ಬೇರೆ ರೂಪು ಕೊಟ್ಟು ಹಾಡಬಹುದು ಮಾರಾಯ್ರೇ. ಆದರೆ ಮಾನಿಷಾದ ಅಮ್ಮಣ್ಣಾಯರಿಗೇ ಪೇಟೆಂಟ್ ಆಗಿಬಿಟ್ಟಿದೆ!' ಎಂದು ಸಜ್ಜನಿಕೆಯಿಂದ ಅಂಗೀಕರಿಸಿದ್ದಾರೆ.ಅಂದ ಹಾಗೆ ತಾವು ಅಮ್ಮಣ್ಣಾಯರ ಭಾಗವತಿಕೆಯನ್ನು ಎಷ್ಟು ವರ್ಷ ಆಲಿಸಿರುವಿರಿ?. ಯಾವ್ಯಾವ ಪ್ರಸಂಗಗಳದ್ದು?. ದಯವಿಟ್ಟು ಹಂಚಿಕೊಳ್ಳಿ. ಓರ್ವ ಹಿರಿಯ ಕಲಾವಿದರ ಸಾಧನೆಗೆ ಪ್ರತ್ಯಕ್ಷ ದೃಷ್ಟಾಂತವಿರುವಾಗ ಸುಳ್ಳುಗಳ ಮೂಲಕ ಪ್ರಸಿದ್ಧೀಕರಿಸುವ ಅಗತ್ಯವೇ ಇಲ್ಲ.