السلام عليكم ورحمة الله تعالى وبركاته فيديو مفيد 🎉🎉 تبارك الله عليك أختي🎉🎉 مشتركة جديدة 😊😊 يدوم التواصل و التعاون والود والإحترام بيننا 🎉🎉 مرحبا بك في قناتي ❤❤❤
كتهضري اختي على المدرسة العمومية فالزمن الجميل كانو الاساتدة ديال المعقول وكان الضمير المهني دابا اختي والاو الأغلبية ديال الأساتذة همهم غير الفلوس اما الوليدات وقرايتهم اخر همهم عاد زيدي المعلمين و الاساتدة ولاو غير البراهش..كاين فرق كبير بين الخصوصي و العمومي.
لا اختي حتى انا ولادي قراو في الخاص وبحكم العمل ديال زوجي اضطرينا نتحول لواحد الفيلاج صغير في منطقة جبلية ما فيها مدارس خاصة ودخلوا ولادي العمومي ولقوا تلاميذ كيتنافسوا معاهم في النقط مع العلم هدوك التلاميذ قراو غير تما وعرفت أن لقارئ رآه قاري فيما كان
انا اختي ضد العمومي كيمصو الدم ديال بنادم زائد اساتذة عندهم الاجازة وكاين اللي عندو غير البكالوريا مكاين لا تكوين لا والو على عكس اساتذة العمومي خريجي المدرسة العليا للاساتذة عندهم ثلاث سنوات ديال القراية والاساتذة القدام راه كان عندهم تكوين سنتين كيدرسو فيها علم التربية وعلم النفس والبيداغوجيا وديداكتيك ماشي غير اجي وقري ولاد الناس وكنهضر عن تجربة هاد العام بنتي تبارك الله حصلات على بكالوريا في التعليم العمومي وتقبلات تبارك الله فجميع المدارس العليا على عكس تلاميذ كنعرفهم من التمهيدي الى البكالوريا وهما في الخصوصي متقبلوش في حتى فشي مدرسة عليا خسرو عليهم والديهم ملايين صحاح وهذا دليل على النفيخ في النقط ولكن المدارس العليا كتاخد النقاط ديال الوطني والجهوي من الاحسن الوالدين يواكبو وليداتهم ويخدمو معاهم في الدار وداك الفلوس يديرو بها استثمارات
انا كانت تجربة بنتي من الخصوصي للعمومي كانت تجربة ناجحة بنتي قرات ليسي فالعمومي ورتاحت من كترة الحفاظة وهداك الهم لكتير كيكترو على دراري فالخصوصي وخدات لباك بنقطة زوينة واستنتجت ان لكيقرا فينما ديتيه والخصوصي اغلبية غير كيدفعو دراري العمومي لجبتيه كيحطوه ليك صراحة
بغيت غير نقول الناس لتيقولو بلي بريفي غير تخربيق ماشي تخربيق إلا جينا نقانو وليدات كيقراو مقرر بالفرنسية ماشي هي العمومي ومني يطلعو الإعدادي يقراه كلشي المقرر بالفرنسية إيوا فهم تسطا واحد قاري نشاط علمي بابعربية ويطلع إعدادي يقراه بالفرنسية إذن هنا كلقاو لوليدات بريفي قاريين على العمومي وكنقول انا لفالإستطاعة ديالو يقريو ولادهم والله يسهل على أي واحد
سبحان الله فحال الى كتعاودي ليا على ولدي والمشكل عندو الأولى باك و ماجابش الجيهاوي مزيان ودابا بغيت نرودو لخصوصي حتى واحد ما قبلو ب 9.85 😢 و خليتو في المخزن و كنترجى الله يرجع يخدم مزيان
لا اختي فكرة غالطة بنتي قريتها غير في العمومي هاد العام تبارك الله تقبلات في جميع المدارس اللي دفعات ليهم على عكس تلاميذ كتعرفهم من الروض حتى بكالوريا وهما في البريفي متقبلوش حتى فشي مدرسة عليا لان الجهوي والوطني كيفرش مدارس الخصوصي وكيفرش مستوى التلاميذ😂😂😂
حتى انا كانت تجربة خايبة بزاف مع العمومي .انا بحالك كنت ديما مصدعة راجلي العمومي احسن واللي تيقرا تيقرا وغيرو وفكورونا سمع ليا مع كان كلشي متيقراش وديناهم للعمومي واحد فالثالث والاخر فالاول وعاد التمهيدي كله فنفس المدرسة الخاصة وكان مستواهم مزيان ملي رجعتهم للدولة اخلاقهم فسدات تلاقاو مع دراري علموهم كلام معمري سمعتو ،طاحو فاستاذات متيدخلوش للقسم تيبقاو غي مجمعات وهادشي ماشي ولادي اللي قالوه ليا بل ناس اخرين المهم صبرت العام الاول والعام الثاني بغيت نرجعهم مبغاش راجلي زادو عام صافي مبقاوش تيعرفوا والو .ملي بغيت نبدلهم للخصوصي بعد عامين اي مؤسسة كدير لهم التيست كترفضهم وكتقوليا خاصهم يعاودوا العام الا بغيتي نقبلوهم .درت الدعم ،فاللغات ومخليت ماطلبت عاد قبلتهم واحد المدرسة ولكن مستواهم لدابا الاول راه فالسابعة والثاني فالخامس دابا ومازال غي تيتقاتلوا وحتى انا معاهم .خصوصا انني حتى. فالمراجعات ملقيتش شي استاذ اللي مزيان .
اختي لطيفة العمومي احسن من الخاص عن تجربة .ولعلمك اختي هناك اساتذة واستاذات في الخصوصي وكيقريو ولادهم في العمومي وفي الاخير هدا خيارك الشخصي ولك كل الاحترام والله يعاونكم على تربية اولادكم.
انا بنتي قراتها 4سنين في الخصوصي وفكرونا رديتها لعمومي كان عندها الخامس ومن داك ساعة وهي ماشاء الله كتجي هي الأولى على صعيد المؤسسة مكطيحش على 19 ودبا في التاسع والابن ديالي دخلتو لعمومي وانا مواكبة معه لانه مكيخرج مكيدخل قلت يتحك مع الوليدات ويقصاح ولكن والو الأساتذة كيقولو لي هدا ماشي ديال الدولة بالرغم من انه كيجي الحمد الله من الاوائل .الصراحة كن كانت الامكانيات كن ديته لبريفي لانه مقصاح ما والو وكيعز عليا فاش يكون داخل في داك الزحام وهو غير دريوش ونقي وحشومي الله يصوب وصافي .صراحة لعندو يدي وليداتو لبريفي .
الخاص فالمغرب راه غير لعبة لعبو بيكم باش بنادم يخفف على المدرسة العمومية اما لقراية و الله مكاينة فالخاص كيف العمومي واش الاستاذ الي معندو تكوين و لا يحزنونو و كيتخلص ثلثالاف درهم نقارنوه مع استاذ مكون و كيشد عشرالاف درهم راه لا علاقة و الدليل نتائج الباكالوريا الاوائل اغلبهم من المدرسة العمومية شفت واحد التلميذ من المدرسة الخاصة هاد السنة فالامتحان الموحد جاب خمسة و فالقسم عندو 19 وقراااايا هادي هههههه
انا العكس ديالك نجح ولدي في سادس وخليناه يكمل الاعدادي في خصوصي انا عندي الحمد لله ثلاثة الوليدات كلهم في الخصوصي قلت نعمل سطاج ونخدم نعاون شوية في نفس المؤسسة لفيها ولادي وشفت شي حويج مكيعجبوش وعرفت بحق اساتذة الدولة كانو معلمات الابتدائي كيقرو الاعدادي سيبة في كلشي العام الماضي ديتهم العمومي عندي اولى اعدادي وتانية .
انا كنقري ولادي فالخصوصي والحمد الله كاينين اساسدة زوينين و كيراجعو معاهم اما العمومي زوين غير إضرابات هوما لي سبب اما لي كيقرا كيقرا حنى قرينا فالعمومي والحمد الله قراية بصح
عادي الاضراب على الناس كلشي ماشي اغار على بنتك والى كان فمقدورك تقريها فبريفي كاين للا ممتحيزة والو كتفكري اغار فبنتك لسمع تجربتك كلنا واش شيحاجة كبيرة هدا سبب تافه
والى كانو عندك وليدات وجا غير مادة من المواد الأساسية دورة كلهة وهوة ملادي ومعوضوهش مني تبقى 20يوم يجي وصيفط دروس الواتساب و الاسبوع لاخر فروض لتدير دروس الإضافية راه فاهم ولي مفحلوش يكب على كرشو الما بالله عليكم ماشي كلشي تيتقى الله فلدليدات
صراحة حتى انا تنقري ولادي فالخصوصي غير الابتدائي وتنديهم العمومي واحسن تجربة مع بناتي بزوج ولكن كانت مع الدري قاصحة وبزاف بحكم المراهقة والصحاب ولكن تنزير من عندي والمراقبة فالمدرسة هد العام عندو التاسعة أول سنة تتجي صعيبة شوية وهد السنة ديال الاضراب ساعدنا وليداتنا بالدعم وكانت سنة صعيبة عليناوالحمد لله أول تجربة مع بنتي هي لي زعماتني على المدارس العمومية حالية عندها أول سنة فمدرسة الهندسة ولله الحمد الصراحة التعاقد هو لي خصر التعليم
الله يهدي الجميع خصوص القرايه احنا ما لقينا لهذا العام باش نشريوا لهم الكتوبه للتلاميذ كايقراو في العمومي الكتوبه هذا العام ما عطاهمش الدوله خصنا نشريوهم والزين الهم باش نشريهم عاد نخلص عليهم المدرسه حيت ماشي بزاف عليهم راه يستاهلوا ولكن غلب الله
