اغنية تراثية حكايتها صارت في صرا ورتان بلكاف كلماتها لصاحبها البوزيدي الي جا لمنطقة الصرا بلغنم متاعو اول الربيع واستقر باعالي الجبال و حب مرا ورتانية كافية طلبها من دارهم رفضو خاطر بنتهم باش تبعد عليهم خطط ٧و وياها باش تهرب معاه لبلادو لكن اثناء الرحلة مرضت وطلبت منو يرجعها لدارهم تحب تموت بين اهلها وبلفعل رجعها وماتت بعد فترة قصيرة ومن شدة لحزن عليها غنى الغناية هاذي الي اسمها وحش السرا وبرودة
غالط في معلوماتك ، و الكلمات غالطة ، السرا ( صراورتان المكتوبة في ماء الصافية ) منطقة جبلية موحشة و باردة عام كامل و قمودة ( سيدي بوزيد ) اسخن بياسر . صاحب الغناية و ملحنها الفاهم ربي يرحمو من الدهماني ، سرقولو الغناية و اللي يحك راسو تولي متاعو
غناية من تراث الشمال الغربي(الكاف) . تحكي على فارس يوصف في تهريب محبوبتو ويقلها كيفاش تجيه وهيا وين وهوا وين في وصف مجازي عميق.. . وحش السرى وبرودا ويا من عزم شرّف على قمودة. (السرى)"منطقة جبلية غرب الكاف" و (قمودة) "منطقة في أخر الكاف بحذى الكريب" *ولا طاح اليل إرحي الرحى وإرتاحي .. مع طلوع الفجر إتخرخطي وأراحي. (إرحي الرحى) يعني إرحي القمح باليل باش أهلها يرقدو على صوت حس وميفيقوش (إتخرخطي بالهجة القبايلية ، " تغطى") *وماصابك عشيرة موالفة.. صدري على صدرك بالحرير مخالفة *وماصابك عشيرة موطنة.. صدري على صدرك بالحرير مبطن *أرحلي بالرنّة (يعني أخرج إمشي عادي مش بالسرقة باش الناس متستغربش).. ولفك عقب اليل قاعد يستنا . * الي يملك الزين يخذيه يعطيه كار السياسة..(يطمن فيها) مالصغرة متولعة بيه ولا غاب تحلف براسة (يفكر فيها بحبها ليه ويشجع) بري بري إمشيلو أه يا مشكاية ولا ضاق الحال إشكيلو غزرت العين تزييه.
غناية مزيانة من التراث تحكي على قصة حب رائعة من الزمن الجميل بكلمات معبرة ومؤثرة حب القديم العذري موش حب المصلحة والاستغلال والانتهازية حب المشماش سبعة ايام ولوووووووووح متاع توة
وحش السرا و بروده وحش السرا و بروده، يا من عزم شرَّف على قمُّودة * لوكان جاء الغريب يوطـّن يا ولفتي لوكان جاء الغريب يوطـّن لوكان جاء الغريب يوطـّن صدري عل صدرك بالحرير مبطـّن * لوكان جاء الغريب موالف يا ولفتي لوكان جاء الغريب موالف لوكان جاء الغريب موالف صدري عل صدرك كي الحرير مخالف * وارحي الرحى وارتاحي يا ولفتي وارحي الرحى وارتاحي عقب الليل اسلهبي وارَّاحي وارحي الرحى بالرنَّة يا ولفتي ارحي الرحى بالرنَّة وعقب الليل نحِّي حرامك والخلة.