اشوف ان 20 قرام مقابل 300مل ماء +ثلج قليلة بسبب ان قوة طعم القهوة تنقص بسبب البرودة (ايه اي تنقص حدة طعمه عند البرودة) اشوف ان 27 غرام الى 30 مناسبة اكثر
والله الوزنيه مضبوطه بالنسبه لي .. يمكن القهوة قوامها ثقيل .. احتمال تتغير مع نوع البن والتحميص .. بس باذن الله اجرب ال٢٧ واخذ بالنصيحه باذن الله وشكراً جزيلاً 🤚🏼
اتوقع مكينة الثلج ضعيفه عندك .. ممكن تبدل المكينه او اذا تقدر تنزل الحراره اكثر او حاول تشتري قوالب ثلج وتكون كبيره (القوالب السيليكون) .. لأن المشكله بصلابة وبرودة الثلج 👍🏼
في مكينه اسمها (أيدين) يديده اعتقد هذا رابطها 👍🏼 coffeetoolskw.com/products/aiden-precision-coffee-maker وفي ثانيه اسمها (اكس بلوم) وهذا رابطها coffeetoolskw.com/products/xbloom-galaxy-black في كذا وحده بالسوق ولكن هذول اللي اذكرهم 👍🏼 واتوقع انت تقصد أداة اسمها (سيفون) في منها كذا شكل بس شوف هالرابط coffeetoolskw.com/products/coffee-syphon-technica-3-cup?_pos=1&_sid=cc2e749af&_ss=r
تقريباً أسهل صبات ٥٠ - ٥٠ - ٥٠ و ١٥٠ جرام ثلج بس مرات استخدم ترطيب ٤٠ - بعدها ٦٠ بعدها ٥٠ وكل مره اجرب ولكن في الغالب ٥٠ لكل صبه وماكو شي ثابت طبعاً 👍🏼 هذه على ريشو (١:٧،٥) يعني انا مستخدم لكل جرام قهوة .. ٧.٥ جرام ماء اذا تبيها اخف زيد الريشو خله مثلاً لكا جرام بن ١٠ جرام ماء المجال واسع 👍🏼
اعتقد تقدر تطلبها من موقعهم الرئيسي أو من الموزعين هذا لنك specialtydose.com/?s=1zpresso&post_type=product وفي ابلكيشن اسمه (كيف) هم يبيعها وتقريباً الاسعار مقاربه بين المواقع كلها اللي عندي موديل قديم من الشركه 1zpresso اصدار Q اعتقد مو متوفر .. واصلاً الموديلات الحديده افضل من اللي عندي 👍🏼
الغلاية من وين ياغالي؟ الوصفة جميلة ومعتمدها من اسبوع واسويها يوميًا لكن باستخدام الغلاية التقليدية ودرجة الحرارة فيها مرتفعه وبحثت عن هذي الغلاية في كل مكان ومالقيتها
هذه من موقع اسمه كوفي تولز بالكويت .. مادري اذا يوصل لخارج الكويت او لا .. اسمها FISH Smart Electric Pour-over Kettle 600ml (Timemore) واذا ما حصلتها ترا في انواع وايد نفس الاداء 👍🏼 وانصحك فيها الصراحه فادتني وايد وبتفرق معاك ان شاء الله 🌹 هذا الرابط coffeetoolskw.com/products/fish-smart-electric-pour-over-kettle?variant=37505040220318¤cy=KWD&gad_source=1&gbraid=0AAAAACnVbQayYVWu3zpruTXSqiK-HcTB8&gclid=Cj0KCQjw2ou2BhCCARIsANAwM2HPAEsHC1b7Wkf4l3Qu_ekwapWdOcVeRVW5Uhc1Rwc6OWic8LGaSCsaApAkEALw_wcB
يذوب طبعاً ويبقى شوي 👍🏼 الوزنيه مضبوطه مع ذوبان الثلج .. يعني طعم القهوة مايصير خفيف جداً 👍🏼👍🏼👍🏼 على هالأساس لازم نقيس وزن الثلج وما نزيد بشكل مبالغ بالسيرفر 👍🏼
وعليكم السلام ورحمة الله وبركاته .. والله يالغالي كل مطحنة يجي معاها جدول يكون فيه عدد الطقات اللي تفتحها لكل نوع 👍🏼 يعني مثال تقفلها عالآخر وبعدها تفتحها مثلاً ٢٠ طقه للڤي ٦٠ أو مثلا ١٢ طقه للموكا بوت فكل مطحنة يجي معاها جدول واذا ما حصلته ابحث عنه بالنت بتحصله 👍🏼 واذا ما حصلته جرب لما تضبط معاك 👍🏼
لا مو شرط .. طبعاً في مذا طريقه بس الاسهل من يبين سطح البن تقدر تصب .. او اذا تبيها بالوقت خل بينهم من نص دقيقه الى دقيقه .. وجرب لأن بكل طريقه بيفرق شي بسيط بالطعم ومنها تكسب خبره وتعرف ذوقك 👍🏼
لا .. تضرب وزن البن ب ٧،٥ وتحط نفس الناتج ثلج بعد 👍🏼 ١٠x٧،٥ الناتج ٧٥ غرام ٧٥ غرام ماي ٧٥ غرام ثلج 👍🏼 وطبعاً تقدر تغير (الوزنيه) الريشو .. على حسب ذوقك بس تقريباً هاذي الوزنيه ممتازه ٧،٥ .. نص ماي ونص ثلج 👍🏼
من شركة 1zpresso ودرجة الطحن تقريباً ٢٠ طقه بعد ما تسكرها عالآخر تفتح دورتين كاملين .. على حسب جدول درجة الطحن المرفق مع المطحنه .. للعلم مطحنتي يدوية اللي استخدمها للv60 👍🏼 اذا المطحنه مافيها جدول حاول تطحن بحجم حبات السكر تقريباً 👍🏼
@ghadad.55 مطحنتي اسمها 1zpresso فئة الQ اعتقد قديم هالاصدار في اصدارات وانواع كثيرة من هالشركة وممتازين كلهم 👍🏼 شركة تايمور جربتها عند صديق لي والصراحه ممتازه بس كانت شوي ابطأ من اللي عندي لأنها الفئه اللي جربتها كان ترسها صغير اعتقد .. وما يضر طبعاً بس على حسب الميزانية اللي عندك .. وشفت لها مراجعات تايمور والناس تقول ان تجربتهم ممتازه معاها 👍🏼👍🏼👍🏼
الv60 تكون تقريباً مثل حبات السكر .. الكيمكس والكاليتا اخشن شوي من ال v60 طبعاً ماقدر اشرح كل مطحنه غير .. انا عندي شركة 1zpresso يجي معاه جدول لكل نوع بعدد طقات المطحنه سوي بحث عن (coffee grinder guide sample) اكتب هالجمله او شي مقارب بقوقل ويطلعلك صور فيها توضيح اكثر 👍🏼 وطبعاً التجربة مطلوبه لما تبدأ تعرف حق مطحنتك وتعرف مستوى الطحنه اللي تناسب ذوقك 👍🏼 آسف عالاطاله 🤚🏼
حرارة الماي عندي ٩٢ ويظل شوي شوي ثلج .. اتوقع على حسب الثلج اللي عندك اذا ماسك عدل تمام .. اذا القهوة تصير خفيفه وايد تقدر تستخدم ثلج الستيل او الحجر يفيدك .. بس بالطبيعي عادي يذوب الثلج نصه تقريباً ويبقى ثلج وتكون بارده القهوه 👍🏼