DêrsimInfo keyepelê kirmanckî yo. Xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.
Keremê xo ra bibê aboneyê kanalê ma yê RU-vid. Vîdeoyan biecibnê û vila bikerê. Weş û war bê!
Serdar Roşan - Seyîd Riza - bi koyanê berzan gelîyanê xorînan dereyanê dûran çemê sey munzirî dêrsim xemlê to sey dotmîran sereyê to berz o sey pismîran zozananê to de xezalî çerenê merg û palanê to de verekî kalenê serê zinaranê to de zerecê marî wanenê wisarê to yo, gul û vilî sey heme serran ê lo dêrsimo ti yî warê bazan ti yî hozanan rê mekan ti bi name û veng î ti sey xortêk çeleng î ti tersê zerrîya romîyan î ti serran ra, yê serra hîris û hewt û heştan î erê dêrsim ti zî birîndar î ti zî xeşîm û bêyar î sey pî û kalan zerrîpak û hejar î seba şerefê xo sereyê xo berz kenê, neçar î rayîr û neqebî pêro girewte yê şervanê seyîdî tede nimite yê rayîr nêdanê romîyan vîyare çinê yo mîyanê newal û gelîyan romî zexel ê wazenê ronê dehfikan seyîdî rê xebere şawenê vanê, bêre, ma adir tefênenê meşo seyîd meşo bextê romî çinê yo meşo wa elîşêr û zarîfa bêrê vîrê to meşo bewnî tarîxî ra meşo rom xayîn o gidî meşo seyîdê mi werişt şefeqê sibayî hêvîya ey bî, walîyê erzinganî wa bêro, vatibi alpdoganî seba seyîdî faqe ronaybî seyîd ard kerd zindan de înan veng da ey meydan de heme cayan de kerd halan va, ma girewto bazê kalan bizanê ma do tim vergê harî bê şima zî do hergu hewe şamîya maran bê saete duwesê şewe seyîd berd dadgehe qerar da înan a game do îdam bikerê, a sehere înan ard rasteyê sêdare seyîdê min reşik huseyîn uca bi, lacê seyîdê min reşik xortêko ciwan û çeleng o porê ey bereqêno hewtreng o reşik xortêko delal û ciwan o temenê ey, yê hewtês serran o pay de puncê dergê nexşînî manenê nexşeyê kurdîstanî înan reşik berd verê çimanê babî de xeleka sêdare kerde milê ê lacî de reşikî verê xo da bawoyî va: bawo, wa miletê kurdan weş bo! seyîd leze şi verê sêpike sereyê xo kerd xeleke darê binê lingan ro, paskilêke da o wext ruhê xo verada seyîdê min dorê xo geyra awire ey ewnîyayne reşikî ra çimê ey akerde mendîbî ewnîyayne hetê dêrsimî ra romîyan va, halan û talan o bigîrê, bikişê, biveşnê nê belayan û eşt serê dew û banan ne va kal, ne pîr, ne ciwan dayî xo ver sey revdê vergan kênayê xamayî, vêkê destbiheneyan zinar û devîyan ra xo eşt înan semedo ke nêkewê destê romîyan awa munzirî bibî sûre hene nêbi, gonîya xortanê derûdore dêrsimicî remayî bi koyan da înan dima verganê haran şikeftî pirr bî, bi doman û kal û pîran romîyan ê girewtî sey êsîran fekê şikeftan girewtî zere de, ê bi adir sotî zere ra ameyne vengê hawar û fîxanan kal û pîrî, torinî veşayne sey dar û maxan no bi medenîyetê romîyan nê bî tedîb û tenkîlê înan na bî komara vergan na bî serre hezar û new sey hîris û hewt û heştan * Swêd, hamnan 2005 ________________ (*) Na şîîre seba vîrardişê Seyîd Rizayî û hevalanê ey ê kurdperweran nusîyaya ke dewleta tirkan roja 18 teşrîne 1937 de ê îdam kerdî.
Masalın arka fonunda ki bağlama sesinden masal anlaşılamıyor. Umarım farklı bir şekilde paylaşma sansiniz olur veya sozlerini yazarsanız çok daha iyi olur emeginize saglik
