انا كت عايش ف بلدي وقابلت بنت وحبيتها جدا وكت وحش معاها وسبنا بعض اشتغلت ف بلد تانيه وكل مرة ارجع بلدي ال حبيبتي موجودة فيها مببقاش عاوز اسبها احنا ممكن نكون مش معا بعض بس بحس انها قريبة مني وبيبقا اصعب ايام حياتي اليوم ال بسافر فيه تاني واسيب حبيبتي
زمان بس مش زمان ألف ليلة وليلة زمان وقت الطفولة الحلوة وأيامنا الجميلة كان عمري عشرة اثناشر مش أكثر من كده عرفت كريم صديقي اللي من أيام الصبا إخوات مش اصحاب يمكن تقول علينا يفرقنا بس الشكل والإختلاف اللي في أسامينا نفس حب الكورة فينا ولعبها اللي بالساعات هتلم فرقة هلم فرقة ونلعب ع التيشرتات ياما في مدخل العمارة سهرنا عشان الوقت اتأخر والصبح للأتاري اليوم في ثانية كان يتبخر في الشتا كنا نتقابل بعد خروج المدرسة تكمل العصابة بينا وننزل ثاني ع العشا في اللي منا هادي عاقل واللي صوته عالي هيصة واللي ملهش في المشاكل واللي خناقاته عويصة واللي من صحابنا بعدوا عشان سجارة جديدة غير لفوا مهما لفوا تاهوا رجعوا لأن ملكش غير كشك عبده كان مجمع جنبه من الحبايب ألف كنا كثير وما حد غايب واللي يغيب أكيد في ظرف في الفرح دايما جماعة ومينقصش منا واحد في العزا اتلقانا صف كتف في كتف وظهر واحد الزعل ما بينا نادر كلمة آسف كانت تدوب أي خصام ما بينا كان وجنب أخويا إياك تهوب أيوة عيلة بدون روابط الأسر والقرايب أختك أختي وأهلك أهلي في وجودك أو كنت غايب صحاب أصلية فقرية دماغهم مشكلة رجولة ومية مية دول عشرة قديمة مكملة لو فين أراضينا حاسين ببعضينا كبرت وشوش بس القلوب جدعان متغيروش عايز أحكي لكم ع السعادة والأيام الحلوة بينا ألبوم عمرو في المعمورة قبل راس سدر ومارينا العربية حمولة خمسة بس راكب فيها سبعة بنسافر الصبح بدري وبنرجع بالعافية في تسعة الحكاوي قبل نومنا نفضل باليومين صاحيين الشاليه لو أوضة واحدة عادي يكفي أربعين فرقت الجامعة بينا باختلاف مواعيدنا واتخرجنا بسرعة منها بس كنا خلاص بعدنا صوت الجيش عمال ينادي اللي داخل واللي أجل واللي أخذ الإعفا دغري ولمعاد الفيزا سجل كبرت الدنيا علينا والمكالمة بالمعاد أصل فلان هاجر لكندا وفرق التوقيت بالساعات هما اثنين ثلاثة بقيوا في الوصال والاتصال ونقول الدنيا تلاهي وكل واحد حاله حال وفي يوم أبويا تعب كنت حموت من الخوف عليه القدر يعمي البصر طب هتصرف أعمل إيه فكلمت أول نمرة من صحابي كنت فاكرها حس بيّ واللي فيّ من مكالمة وفي أولها ونص ساعة وكان ثلاثة من صحابي قصادي جم زادوا أكثر بعد ساعة أيوة دول صحابي أهم ورجعنا ثاني صف واحد كتف في كتف وظهر واحد كل أخواتي كانوا جنبي ومنقصش منا واحد قام أبويا بعدها كانوا سندي وقتها والحكاية دي حقيقة والله مألفتها صحاب أصلية فقرية دماغهم مشكلة رجولة ومية مية دول عشرة قديمة مكملة لو فين أراضينا حاسين ببعضينا كبرت وشوش بس القلوب جدعان متغيروش
