الحمد لله 🌹✨ ============= ============ ° رسام 🧑🎨 و كاتب قصص 🧑💼 ° تخصص في تقنيات التخدير 🧑⚕️ Anesthesia Technician ============= ============ احب الرسم و كتابه القصص و التخدير 👨⚕️✨ وبس 🌹
التخدير يا اما كلية أهلية تداوم بيها دوام صباحي او مسائي و نفس الشي ماكو اختلاف او معهد تخدير صباحي او مسائي والفرق بيهنم ب المعدل و وقت الدوام او كلية تخدير حكومي صباحي عادي واكو موازي عل معهد و الكلية الحكومية
بس سؤال صغيرون🗿😅 من تحضر عربه التخدير بس انت لو اكو شخص وياك؟ + عاشت ايدك ع تصوير بس كم نصيحه اول شي صغر اللوكو ع يمين فوك.. صغره شوي تحاول تستخدم خطوط موجودات داخل البرنامج وبس الله يوفقــكَ🙋🤍
إذا جنت جديد اكيد لازم واحد وياك يكون خبره تسمع منه شيريد و انت تسوي لحد ما تتعلم و تصير عندك خبره و تكوم انت لوحدك ( احيانا) تجهز عربة التخدير بس من الي شفته ب الواقع الدكاتره و التقنيين دائما راح تشوفهم يمك فااا احساس الأمان ↗️↗️↗️ ... . و شكرا على النصائح.. احاول اطبقها مع الفديوهات الجاية ان شاء الله👍
تبدي الإمتحانات الوزاريه من المرحله الثانيه والمواد الوزاريه عباره عن مادتين ب السنه مالتنا لان اول مره صار الامتحان وزاري امتحان ماده التخدير و الجراحه المفروض التخدير والاجهزه وممكن تتغير هاي السنه هم بس الي راح يبقه ثابت هو ماده التخدير والماده الثانية راح تتحدد ان شاء الله ويه الدوام
يزيد كل 5 او 4 سنوات خدمه 210 الف تقريبا واعلى راتب مثلا خدمه 23 سنه يصير مليونين و 288 وخلي بالبال هذا راتب بس خريج الكلية مو الي مكمل دراسات مثل ماجستير وغيرها لان هذني ممكن يزيدن من الراتب شكد... ما اعرف الصراحه بس الي اعرفه يزيد الراتب تواجدهم
@@aliartistat زين سؤال ثاني بلا زحمه إذا واحد تعين بمستشفى اهليه وحكوميه بنفس الوقت اشلون يكدر يداوم دوامين بنفس الوقت والراتب أخذ من الحكومي والاهلي كل شهر؟
تتعين ب مستشفى حكومي وتستلمين راتب شهري ثابت اما المستشفيات الأهلية اما تتعين بيها قبل الحكومي اذا عندك واسطه او تشتغل بيها بعد دوام المستشفى الحكومي الي غالبا يكون الصبح والاهلي الظهر والعصر وممكن لليل خليها بالبال الأهلية من تشتغل بيها بعد الحكومي ما بيها نفس راتب الحكومي بيها راتب حسب العملية خصوصا اذا الدكتور جابك للمستشفى لان شافك خوش تشتغل وممكن ينطيك نفس راتب الحكومي محد يعرف بس الي اشتغل هناك وهاي الأشياء الي كلتها هي الي سمعتها من بعض الناس الي اشتغلو حكومي وأهلي وبالتوفيق
عليكم السلام اولا ما بيج غير العافية يارب 🌹 ثانيا ما اتفق ويه الي يكولون مو مناسب الج لان التخدير أكثر تخصص يفيد الي ما يريد يتحرك هواي اذا يكلولج مو زين بسبب الإشاعات المنتشره مال جرعه زايده ويموت المريض هاي كلها أشياء جانت ممكن تصير قبل هسه مستحيل تصير و مستحيل احد يموت ب جرعه زايده و مستحيل نسوي عمليه بدون موافقة المريض وأهل المريض على مخاطرها والمضاعفات مالتها المهم اشوف التخدير يناسبج لان حركه قليلة صح ممكن تحسين بتوتر بالبداية و خوف بس تروح ما تبقه عندج من تروحين تدريب ان شاء الله وتشوفين شلون يشتغل تقني التخدير بالاخير اتمنى الج الموفقية ويارب تحصلين على المعدل العالي 🔥 واختاري التخصص الي تحبين مو غيرك يحب لان انتي الي راح تقرين وانتي الي راح تبقين بهذا التخصص بالمستقبل فااا كلام الناس شي والواقع شي اختاري الي تريدين تكونين بي نصيحه مهمه شوفي التخصصات وطبيعه عملهم واختاري أكثر تخصص يناسبج و تشوفين نفسج بيها تشتغلين وبالتوفيق 🔥🔥
الجواب بسيط المتدربين الجدد لأول مره يوكفون بعيد عن الدكاتره الي يسوون العملية فااا بس يتفرجون المتدربين الي أكثر من مره يتدربون ممكن يشاركون و يساعدون حته الدكاتره ب شوي شغلات الدكتور يكولها عادي وماكو خطر على حياة المريض لان هو احنه ندرب حته نساعد المريض ونتعلم اشياء عملية من الدكاتره لان اول وتالي نصير احنه ب مكانهم .. فااا حياة تصير بخطر ليش 🫠 ماكو خطر بس نقطه مهمه ما يصير يتواجد عدد مدربين هواي ب الصالة مال العمليات اذا بيها عملية و دكاتره يشتغلون فااا نتوزع على الصالات و ندرب براحتنه 👍
مكانها ب بغداد قرب مركز الوليد و التدريس مالتهم بالنسبة الي كلش زين و الدكاتره ما مقصرين كلش طبيعي راح تسمعين كلام سلبي عليها حالها حال اي كليه ناس تمدح بيها وناس تذم بالاخير... بالنسبة الي انصح بيها خصوصا اذا قريبه عليج و بالتوفيق
ما اعرف هواي بخصوص هذا الشي بس من الي شفته ب المستشفى ماكو شي اسمه عباية بس سكراب طبي يلبسونه الدكاتره و الموظفين و الطلاب الي يتدربون واكو اللابكوت يلبسونه فوك السكراب أكثر تخصصات يستخدمونه هم التحليلات و الاشعه و التمريض اما الي ب صالة العمليات بس سكراب
يارب الله يوفقني وادخل هلتخصص والله بنفسي حتلو اهليه قابله +يكولون انو صاير فائص بهذا القسم وماكو تعيين صدك او لا اذا تعرف بهالموضوع ياريت تجاوبني❤ + طالبه دور ثاني ٢٠٢٤💔
اولا كل التوفيق ويارب تحصلين على التخصص الي تحبين ✨ ثانيا معليج بسوالف الفائض.. لان تخصص التخدير دائما مطلوب لان هو بي نقص اساسا عكس بعض التخصصات مثلا التحليلات صار بيها فائض كلش هواي فااا اي بالنسبة للتعيين موجود وماكو خوف + هو رزق ب يد رب العالمين فاا ليش نخاف طالما رزقنا مكتوب و منتهين منه و بالاخير بالتوفيق يارب 🔥🌹
اول ثلاث طلاب اوائل يحصلون امتيازات اكيد الأول يحق له يحول حكومي. و يمكن يمكن (ما يدفع قسط السنة الي طلع بيها الأول اذا بقى بنفس الكلية الأهلية ما متأكد من هاي المعلومة) اما الثاني والثالث يحصلون على تخفيض من القسط الكلية للسنه الي طلعو بيها من الأوائل ( نفس السنة)
التدريب الصيفي مو لازم بالكلية تكدر ب المستشفيات الحكومية او الأهلية فاااا اي مو لازم بالكلية بالكلية لازم تاخذ بس كتاب تدريب وتعنونه للمستشفى الي تريد تدرب بيها وبس ✨
@@AYMENAhmed-n2vاولا بالتوفيق ان شاء الله هاي السنه ب تطلع معدل قوي 👏 و صحيح معدل المعهد الصباحي 97 والمسائي 92 هذولي باب المعظم بغداد بما انو راح تعيد سنه لا تركز على المعدل بقدر انو تجيب درجه عاليه ب كل المواد لان هو المعدل راح يجيك اذا حصلت درجات عالية بالامتحانات الوزارية فااا شد حيلك وركز عل مواد و اخير شي فكر بي هو المعدل... وبالتوفيق
... ما اعرف شكلج الصراحة بس.... إذا تشوفين نفسج تكدرين تجيبين معدل عالي وهاي السنه راحت منج.. عيدي و شدي حيلج وجيبي معدل قوي اما اذا ما تريدين تعيدين و رضيتي بالموجود فااا نكول الحمد لله و قدمي على كلية أهلية ممكن تشدين حيلج ب اول سنه و تطلعين الأولى على الدفعة بعدين تروحين حكومي او تحصلين تخفيض على القسط يمكن . . بالاخير ما اكول غير الله يسهل أمرك و يسعدك ويرضيكي بالقادم واكيد القادم أفضل 🙏
@@aliartistat الصراحه انا هاي ثاني سنه الي وأول سنه 81 وماجله 4 وسنه كلش درجاتي ومعدل 67 وماجله 2 كالو أهلي ارفعي وادخلي للقسم الي يعجبج وانا من العام بالي تخدير بس عدت علمود اجيب معدل أعلى واروح صيدله واحقق حلم ابوي نوبه جبت أقل وكلش ضايجه +اي فكرت اجيب اول واحول أو بس تخفيظ وبعدين ارجع اغير قسمي ماعرف هيج فكرت بس بكل الاحوال اهليه وسنه ثالثه صعبه
عليكم السلام اقترح انو تروحين تقدمين حضوري افضل اني هيج سويت من قدمت. بالنسبة اذا دفعتي قسط كامل اذا يسوون تخفيض او لا ما اعرف الصراحة هذا الشي يبقه عند قسم التسجيل والدفع لازم تسئليهم وبالتوفيق 👍
مشكله ما اعرف هواي عنها بس اعتقد انحلت والله اعلم.... بالنسبة الي ما مواجه مشكله إلى الآن ويه الكلية و اسمي موجود ب الوزاره التعليم اعتقد مشكلة الي طلعو بسبب اداره القسم ما رفعت اساميهم ل وزارة الصحة او هيج شي ما اعرف هواي عن مشكلتهم فاا اي اطمئنك انو ما بيها شي الكلية وعادي قدم لان شفت ناس متعينة و متخرجه منها فااا بالتوفيق يارب 🌹
السلام عليكم الحمدلله خلصت سادس ومعدلي ٨١ وحاير بين تخصصين التحليلات والتخدير اني بالنسبه اليه احب تخدير لكن خايف من شغله وحده بهل قسم انو والدي يكول ذا يموت الشخص المخدر سامح الله ف انت تنسجن يعنيي قسم تخدير احبه لكن خايف من هاي شغله انو شخص يموت ومحتاج رائيك بين التخدير والتحليلات يا قسم يفيدني لين الاثنين راغبهن بس ما اعرف ياهوه احسن اليه لين بعدني بالبدايه واتمنى تفيدني بشيء ولو قليل واعتذر على طول الرساله 🤍🤍
وعليكم السلام اولا عاشت الأيادي على هذا المعدل كفيت و وفيت👏 بالنسبة ل اول شي حته أوضح انو - نسبه كلش صغيره شبه مستحيل يموت مريض بسبب التخدير الا اذا هو عنده أمراض و ما كال للدكتور او صارت مضاعفات أثناء العملية لان العملية خطيره و الأهم احنه مستحيل نسوي تخدير الا ب موافقة الاهل و الدليل انو أثناء التدريب الصيفي اجه مريض عنده عمليه ب ايده ✊ بس لان هو يدخن هوااااي تقريبا 4 باكيتات باليوم ف التخدير صعب صعب جدا بسبب الرئه مالته سوده اذا ننطيه تخدير حالته تتفاقم فااا قلنا له انو على مسؤوليتك روح كول ل اهلك و تعال فااا اي سالفة السجن وهاي صعب تصير لان احنه نسوي كامل الاجرائات قبل ما نسوي التخدير من فحوصات و ناخذ اذن الاهل اخاف يصير شي أثناء العملية همه يتحملون الشي الي راح يصير واكيد احنه ما راح نقصر ب شغلنا و نسوي الي نكدر عليه ثانيا بالنسبة التخدير .. الأدوية الجرعات الدكتور المتخصص هو الي يحددها احنه التقنيين بس نحضر الادويه و نراقب و الخ باقي الشغل علينا الشغل الأهم يسوية الدكتور و ما راح تبقه لوحدك تخدر مريض راح يكون وياك دكتور او اثنين ثلاثة و كم تقني تخدير وياك و مساعدين مستحيل تبقه لوحدك رابعا بالنسبة المقارنه بين التخدير و التحليلات شوف بيا طبيعه عمل تحب تشتغل تخدير يشتغل ب صالات العمليات و العناية المركزة المحلل يشتغل سحب دم ب الطوارئ او العناية وب المختبرات التخصصين شغلهم روتيني تقريبا بس أكثر واحد روتيني هو التحليلات بالنسبة للدراسة مالتهم.. فااا التحليلات عندهم النظري أكثر من العملي اما التخدير النظري والعملي متساوين لان المخدر يشتغل شغلات كثيره سحب ادويه.. دم.. كانوله.. انتيوبيشن الخ.... بالاخير اختار التخصص الي تشوف نفسك بي و أما كلام الناس عن خطوره وهاي يبقه مجرد كلام تريد الكلام الحقيقي لازم تسأل اهل الاختصاص ومو الناس وبالتوفيق ان شاء الله
ممكن يسئلون بحالات مثلا ال spasm شنو نسوي او ب حالات ارتفاع الحرارة للمريض ب العمليات شنو نسوي بس اسئله عن الكيسات ما اعرف اذا يسئلون او لا بس اذا جان الدكتور الي يشرح لكم يجي وياكم دائما من اول يوم تدريب ف هو يسئلكم ممكن هيج اسئله
هلا بيك الصراحه يا صديقي دراسته ابد مو صعبه والي يكول هيج هو يا اما - انسان يسخت و ما يقره او - انسان ما يحب التخصص و بس يكره الناس بي تريد الكلام المضبوط هو كل الاتي دراسته وسط... بالبداية راح تتعب طبعا ويه المصطلحات الطبية بس بعد اول شهر ونص من الدراسه راح تكون عليك سهله لان راح تكون مرت عليك اغلب المصطلحات المهمه الي راح تبقه وياك لحد نهاية السنه صح راح تطلع لك مصطلحات جديده بس هاي راح تكون خاصه بالأمراض و الأدوية يعني نادر تستعملها اما بخصوص طبيعه الدراسه هي فهم + شوي حفظ تكدر تدرس و تشتغل همين اذا كدرت توازن بين الدراسه و الشغل بس ما انصحك ب هيج خطوه في المرحله الأولى اذا رحت للثانية وفوق اؤ عادي لان راح تكون بداية دراستك و اول مره تشوف مصطلحات طبية بالنسبة للغه فااا ماكو صعوبة مثل المدرسه قواعد وهاي لا كله كلام طبي و متكرر و اكيد هواي ناس طبو الاختصاص و كالو ما ندبرها بس ويه الوقت صارو احسن الطلاب ب قسمي. و منهم صديقي فااا لا تخاف ولا تسمع ل كلام الناس اختار التخصص الي تحبه و تشوف نفسك بي و توكل على الله و شد الهمه لان محد راح يقره ويتعب غيرك كلام الناس يبقه كلام لا يقدم ولا يأخر وبالتوفيق يارب 👍 ✨ ❤️🩹
كلشي تكدر كن واثق... انصحك ب فديوهات محمد إحسان كلش راح تساعدك ب التصوير اما المونتاج انصحك ب برنامج كب كات مجاني موجود بكل انواع الاجهزه و بي خصائص مدفوعه وسعره كلش جيد بالنسبه ل شرح البرنامج انصحك ب انكيدو مسوي فديو بي اهم الأشياء بي وبالتوفيق 👍
لازم كتاب تدريب حته يقبلون انو تدربين هذا الكتاب تاخذينه من إدارة القسم مالكم بالكلية وغالبا ما يصير الا بعد من تنجحين من المرحله الثانية لان التدريب يبدي من عطله المرحله الثانيه مو الأولى اكو جامعات تخلي الطالب يتدرب بس تبقى بعد يم اداره القسم هي اذا تقبل او لا اذا تريدين... تكدرين تقرين بهاي العطله انواع الأدوية و أجزاء عربه التخدير اكو قناة عل يوتيوب اسمها محترفين التخدير شارحين هاي الأمور و جنت اتمنى اعرفهم قبل ما اتدرب لان هواي فادوني وبالتوفيق 👍
