කෝටිප්‍රකෝටි වරක් ප්‍රේත, භූත ලෝකවලද අප්‍රමාණ වරක් තිරච්චීන යෝනි වලද මහ ගෙදර මෙන් නිරයේ ද මහා දුක්ඛං ඛන්දයක් විදිමින් බ්‍රහ්ම තල දිව්‍යතල පසුකරමින් තිස් එක් තලේ නොනවතින සංසාර රිය ගමනක යෙදුනු ඔබ.....
අද පරම දුල්ලභ ගතිය වූ මනුස්සත්ව පටිලාභයේ උපත ලබා ඇත.අතිශය පරම දුල්ලභව මේ මනුශ්‍යත්ව පටිලාභයක් ලැබුණේ තිස් එක් තලෙන් මිදී තැනකින් තැනක කූඩු තනමින් යන මේ සංසාර රිය ගමනට නවතා තිත තැබීමටයි.

ඔබ ලැබූ මනුසත් බව ඉතා දුල්ලභය
ලැබූ ආයුශ ඉතා අල්පය ,ඉතා කෙටිය
නැවත මිනිසකු ලෙස කවදා උපත ලබාවිදැයි කිසිම සහතිකයක් නැමැත.


මේ ගොතම බුදු සසුන පණ පිහිටවූ කාලයයි
මේ කල්‍යාණ මිත්‍ර සම්පත්තිය ලැබෙන කාලයයි
මේ පරම පවිත්‍ර සිරි සද්ධර්මය ඇසෙන කාලයයි
මේ සමුදය නිරෝධය කරන්නට කාලයයි

සියල්ලන්ම යථාවබෝධයෙන් යුතුව ධර්මයෙහි හැසිරෙත්වා....!!!