Sharing the good news and salvation to everyone especially the Filipino people and spreading the power of the gospel to everyone who has ears to listen.
Makikiraan lang po, Salamat po! Maliligtas ka, kahit ikaw ang pinakamasamang tao Ano ang dapat gawin upang maligtas? Halos lahat ng tao ay may kanya-kanyang relihiyon at paniniwala, dahil sa kagustuhan nilang mapaging-dapat at maligtas sa kaparusahan ng Diyos sa kanilang kasalanan sa dagat-dagatang apoy, ngunit kapag mali ang katuruan ng isang relihiyon na aaniban ng isang tao ay magiging mali din ang batayan niya ng kaligtasan na maaring ikapahamak lang niya sa impiyerno, sa halip na ikaligtas. Kaya't kapag aanib sa isang relihiyon ay alamin mo muna sa kanila ang kanilang katuruan kung paano makakatanggap ng kaligtasan. Ganito ang tanong: Ano ang dapat kong gawin upang maligtas? Ganito ang iba't-ibang kasagutan mula sa bawat relihiyon sa tanong na ito: 1. UMANIB sa relihiyon 2. SUNDIN ang kautusan ng Diyos 3. SUNDIN ang aral ng ebanghelyo at buong kautusan ni Cristo 4. SUNDIN ang 7 sakramento 5. SUNDIN ang limang haligi ng magandang ugali. 6. GUMAWA ng kabutihan at magkawang-gawa 7. MAGPABAUTISMO sa tubig 8. MAGBAGONG buhay 9. MAGLINGKOD sa Diyos 10. MAGPENITENSYA at magpapako sa krus 11. MAGING DEBOTO ng itim na poong Jesus Nazareno, papa Jesus, mama Mary at iba pang mga santo at santa 12. ISUKO sa Diyos ang binhi ng ulupong 13. TANGGAPIN ang Panginoong Jesus bilang Panginoon at Tagapagligtas 14. MAGTIIS hanggang wakas 15. KILALANIN na si Jehovah ang tunay na Diyos, sundin ang Kanyang mga utos at umanib sa dalisay na relihiyon. 16. SUMAMPALATAYA at gumawa ng kabutihan 17. SUMAMPALATAYA at magpabautismo 18. SUMAMPALATAYA at sundin ang kautusan ng Diyos 19. SUMAMPALATAYA at isuko sa Diyos ang buong buhay 20. SUMAMPALATAYA sa Panginoong Jesu-Cristo Basahin ang kabuuan ng tamang kasagutan at paliwanag: Ang deretsahang sagot nina Pablo sa tanong ng Bantay bilanggo sa kanila: "Ano ang dapat kong gawin upang ako'y maligtas?" ay ganito: "Sumampalataya ka sa Panginoong Jesus at maliligtas ka..." Gawa 16:30-31 Ito ang tamang kasagutan sa Biblia para maligtas. Ang mga naunang katuruan at kasagutan sa itaas bilang paraan ng kaligtasan ay hindi makapagliligtas sa tao sa kaparusahan ng Diyos sa kanilang kasalanan dahil hindi ito makapaglilinis ng karumihan ng puso, makapagpapatawad ng kasalanan at makapagpapaging matuwid sa tao dahil nababale-wala ng gawa ang biyaya ng Diyos Roma 11:6; Roma 9:16, 30-32 Ang katotohanang ito ay hindi matanggap ng maraming tao, dahil sila'y umaasa sa gawa ayon daw sa sinabi ni Santiago, na patay ang pananampalatayang walang kalakip na gawa, 2:17-22, ngunit sinabi ni apostol Pablo na hindi sila sa gawa naligtas kundi dahil sa biyaya ng Diyos sa pamamagitan ng pananampalataya, Efeso 2:9 kasunod naman nito ay paggawa ng kabutihan, hindi para maligtas kundi dahil ligtas na. Efeso 2:8-10 Tanong: Bakit ang sagot nina Pablo sa bantay bilanggo ay sumampalataya ka Panginoong Jesus upang maligtas? Sagot: 1.) Iyan mismo ang ipinangaral ng Panginoong Jesus, at 150 ulit na mababasa sa Biblia. Juan 3:15-18,36; 6:29, 35, 40, 47; 7:38, 39; 8:24, 46; 11:25-26 2.) Iyan din ang ipinangaral ng Kanyang mga Alagad. Gawa 16:30-31; 10:43; 1 Juan 3:23; 5:1 3.) Ang pananampalatayang ito ay galing sa Diyos. Judas 1:3; Roma 12:3; 2 Pedro 1:1 4.) Ang pananampalataya ay kalooban ng Diyos na ipinagagawa Niya sa mga tao upang sila'y magkaroon ng buhay na walang hanggan at kaligtasan, Juan 6:28, 29, 40, 47; 3:15-18; Gawa 16:30-31 5.) Ang kaligtasan ay biyaya ng Diyos, isang kaloob na walang bayad (free gift) na makakamtan, hindi sa gawa kundi sa pamamagitan ng pananampalataya sa Panginoong Jesus Galacia 3:22-24; Efeso 2:8,9; Tito 3:4-7; Roma 4:5-8 kahit siya pa ang pinakasamang taong sasampalataya sa Panginoong Jesus. 1 Timoteo 1:15,16 Kapag ang inasahan mo bilang batayan ng iyong kaligtasan ay ang iyong gawa o kaya'y dinagdagan mo pa ang pananampalataya, sa halip na magtiwala ka sa Panginoong Jesus na namatay sa krus para sa iyong kasalanan, inilibing at nabuhay na muli ay mapapahiya ka't mapapahamak lamang Mateo 7:21-23 ngunit kapag sumampalataya ka sa Panginoong Jesus ay hindi ka mapapahiya, 1 Pedro 2:6 Roma 9:33; 10:11-13 na katulad ng mga taong binanggit ng Panginoong Jesus sa Mateo 7:21-23 at hindi ka rin mapapahamak, ayon din sa sinabi ng Panginoong Jesus sa Juan 3:15-18 sa halip, ay maliligtas ka sa kaparusahan ng Diyos sa iyong kasalanan. Gawa 16:30, 31; Juan 3:16; 2 Timoteo 3:15; 1 Corinto 1:21; Isaias 53:1-10 Ganito ang mababasa sa 1 Corinto 1:21 "Sapagkat... kinalugdan ng Dios na "iligtas" ang mga "nagsisisampalataya" sa pamamagitan ng kamangmangan ng pangangaral. (it pleased God by the foolishness of preaching to "save" them that "believe") Basahin din: 2 Timoteo 3:15; Juan 3:16 Kung pinaniniwalaan mo ito ay ipahayag mo sa Diyos ang iyong pananampalataya: "O Diyos, patawarin po Ninyo ako na isang makasalanan. Ipinapahayag ko po ngayon na si Jesu-Cristo ang Panginoon na namatay sa krus para sa kabayaran ng aking mga kasalanan ayon sa Roma 5:8-9 at sumasampalataya po ako ng buong puso na Siya'y binuhay ng Diyos sa mga patay, ayon sa Roma 10:9-10, Oh Diyos Ama, salamat po sa buhay na walang hanggan at kaligtasang kaloob N'yo sa akin ngayon dahil sa Inyong biyaya sa Pangalan ng Panginoong Jesu-Cristo. Amen! Ngayon, Kung ika'y sumampalataya sa Panginoong JESUS ng buong puso ay tandaan mo ang araw na ito, dahil ligtas ka na, pero lilinawin ko sa iyo na hindi ka naligtas sa kasalanan mo dahil sa panalanging ito na "sinner's prayer," kundi dahil sa biyaya (regalong walang bayad) ng Diyos sa iyo nang ika'y sumampalataya sa Panginoong Jesus, at Siya rin ang iyong naging Tagapamagitan kapag ika'y nagkakasala. 1 Juan 2:1-2; Hebreo 7:25 Kaya't ngayong ligtas ka na, ay lumayo ka sa kasamaan, mamuhay na may kabanalan at pagpipigil at iukol mo ang iyong buhay sa paggawa ng kabutihan, 'hindi' para maligtas kundi 'dahil' ligtas ka na. Efeso 2:8-10; Tito 3:4-9; Toto 2:11-12 bilang katibayan na maipapakita mo sa mga tao na tunay kang sumampalataya Santiago 2:14-23 at para din maipamahagi mo ang mga ito sa pananampalataya upang hindi ka matisod, hindi mo malimutang pinatawad ka na at hindi ka pabayaang maging tamad o walang bunga sa pagkakilala sa ating Panginoong Jesucristo. 2 Pedro 1:5-9 sa gayon ay maluwalhati ang Diyos sa iyong mabubuting gawa. Mateo 5:16 Hanapin mo rin ang relihiyon na nagtuturo na ang kaligtasan ay biyaya ng Diyos (Regalong walang bayad Efeso 2:8) sa mga sumampalataya sa Panginoong Jesus at doon ka umanib upang lumago ka't tumatag sa buhay espirituwal, magpabautismo ka at maglingkod sa Diyos na may katapatan at pag-ibig sa habang buhay upang makatanggap ka rin ng gantimpala sa Panginoon. Mateo 28:19-20; 25:21, 23; 1 Corinto 16:14; Pahayag 22:12; 1 Corinto 3:14-15 Sa Diyos lamang ang kapurihan!
Amen ang Panginoong Diyos ay nag bigay sa kanila ni Adan at Eva ng dalawang kapasyahan ngunit pinili nilang magkasala kaya nga naman Hanggang ngayon ay ang hirap akayin ng mga tao laging nagtatago kagaya nila ni Adan at Eva nagtatago nung nagkasala sila kaya bro salamat sa Panginoon sa buhay mo dahil nagpapagamit ka sa Kanyang gawaing spiritual God bless bro
Nag follow po ako sa salvation series mo Ptr. Kasi bisaya ako kailangan kong matoto mag share ng tagalog since yong kaharap ko tagalog naman siya. Nakakatolong po sa akin ito. Maraming salamat po na naisip mo ito na paraan. Tsaka may bago akong natotonan sa mga verses na na i share mo. Laking tolong ito sa akin. Praise God for this.
Kapatid the principle of the Bible is Love, the greatest commandment ng Panginoon is to Love God and Love Others (Matt 22.37). So kapag and isang bagay o gawain (hindi lang martial arts) ay lumabas sa kautausang iyon lalo na sa intention ng tao na makasakit ng kapwa, I believe ito po ay kasalanan. The motive is always key to know if we are led by the Lord.
Kapatid salamat sa pag punta mo lagi sa Ls.. gusto mo ba mag karoon ng isang libo na banana na agad at ma moni kapatid? Message mo lang ako sa fb page ko "renz business flores"
