اسمع قلبي داير اوصيك كلمات : الحاج محمد سر الختم اداء : جعفر السقيد اسمع قلبي دايـر اوصيك الليلة ما تدي العبوس امااان خاينة الدنيا ذي السوق يربح يوم ويوم خسراان يصدف زول بلا راس مال يروح السوق يصد ربحااان ويصدف زول يبيع لا حولو وتكسر جلدة الدكـااان اصلها ما بتدوم لي سيدا ذي ما قالو اهلنا زمااان لو تديك وصل مكتوب تدملك برضو مافي امااان كت فاكر ضميرا معااي صافي ابيض من الدبلان لكن شوفتو شوف بعيني اتاااري اسود من القطراان خايفك قلبي تبرا هوااك خايفك تتبع الشيطااان خايفك من تصفق ايدك بكرة تقول اريت لو كـااان الحب من طريقك شيلو سكنو عالم النسيااان وعمرك باقي لمو عليك والحياة سرهـا الكتمااان قبلك شفنا عن هابيل وقابيل دا الفرق الاخـواان قبلك ذي كم ناس راحو في الهوا كانو ليهم شااان الريد والسعادة لو اصلو يبقن من نصيب انسااان كان قبلي النعام لماهن الاتنين جري وطيراان مجنون ليلي عارفك عارفو وعارفك لي جميل سمعان لكين ما اظنو سمعت بي عطش اليموت غرقااان قطع قلبي حش حشاهو كملو عدموو الشريان حرقو مرتين سواهو ذي البن قلي وغليااان خلي حرارتو تكتم جوا جاب بدل النفس دخــان كساني من المذلة عباية لبسني الهيب قمصان بناء لي من المصايب قبة سكني القبور مجااان قلبي بقي الفروض ينساها وحالتو تحنن الشمتان وراسي بدا الزلازل جوا قرب ينفجر بركااان سيرتي بقت حديث اليسوا والما يسوي وين ما كان حكايتي بقي البكم يحكوها وحالتي يوصفة العميان مالو قليبي منك شاكي قال فاقد وداد وحنااان يزرع في الوصال طول عمرو يسقي ويجني في الحرمان وصفك لي السمع ما شافو جوا الواقعة والرحمان شبهتك علي البيضوي بالليل ما يخلي مكااان غارنتك معاهو ليقتو في ضوك غتس ما بااان شبهتك علي البيلالي في العلا لا وراء الاذان لقيتو متين يضيق ينضارا منك في المغيب خجلااان جيتك عوسي عوسك فيي بي موت بسجن قبلان بي راسي اشتريهو رضاااكي والياب الصلح ندمـان
من اجمل الاغاني البحبها رائعه المبدع عبدالمنعم الفارس تسلم ويسلم صوتك ياابداع ياسلام علي احلا طفوله عشتها في حياتي في مدينه نوري العريقه لكن الايام الحلوه عمرها قصير ومابتحس بحلاوته الا بعد مغادرتك هذه الولايه واغاني الطمبور جمالها لا يفهمهه الكثير الا من عاش في الشمال واحساس تشغل اغنيه مثل هذه وانت في مكان بعيد ويدور شريط كل لحظاتك الحلوه من ايامك العشتها في هذه الولايه الحنينه يشعرك بالعذاب من شوق والحنين والزكريات الجميله اليها
