التاريخ بحر كبير تيطلب الوقت اللي باغي يتعمق فيه. هذه القناة تحاول تقرب المتتبع من تاريخ المغرب الكبير بصفة عامة وتاريخ المغرب الأقصى بصفة خاصة ابتداء من وجهة نظر جديدة وتعطي قدر ماشي ساهل من المعلومات اللي سواء تم الطمس ديالها أو اللي طاحت في النسيان والكل باللغة أو اللهجة المغربية.
كذلك تعطي أدوات من أجل فهم تحتيات التاريخ ديال المنطقة المعنية اللي تتضم المغرب نفسو بالإضافة إلى الجزائر وتونس والأندلس. تاريخ اللي في غالب الأحيان يدرس أو يتم المناولة ديالو بأساليب تقليدية عفا عليها الزمن وما تتبعش مناهج عصرية علمية وموضوعية.
ربما المبتغى من هاد القناة كذلك هو تحديد بصفة أفظل وأدق الهوية المغربية من منطلق تاريخي وجعل المغاربة يفتاخروا بأخبار جدودهم.
سليم من مواليد كزبلانكا سنة 1980 كبر وعاش معظم الحياة ديالو في هاديك المدينة. قام بالدراسة ديالو في المدرسة العليا للتجارة بمدينة رانس بفرنسا ومن بعدها انتاقل لمدينة لندن بالمملكة المتحدة اللي اشتاغل فيها لمدة سنوات. هو الآن عايش ما بين المغرب وفرنسا. مولوع بالتاريخ بصفة عامة وبتاريخ المغرب بصفة خاصة.