انتهت علاقتي مع انسانه محترمه وطيبه اللهم السعاده والفرح والتوفيق الها بس ادمر كلبي وتعبت ونفسيتي تعبت 7سنوات حب وعلاقتنا بما يرضي الله سبحانه وتعالى ونيتنه زواج بس امها تعبتني وقهرتني وذلتني وبجتني وخلتني استحقر نفسي ماخليت وسيله ماسويتها مشيت عليهم وناس يقدرونهم همه وماكو فائده أكثر من 5مرات مشيت عليهم وعلى سنه الله ورسوله وكل مره رفض تمرضت لن ماضل عندي صبر البنت احبها وتالي ماتالي انطتها لمصطفى ابن خالتها كطعو مهر والبنت مختنكه وتبجي وتتصل وتكلي سوي حل انت الزلمه مو اني لسه اتذكر كلامها تكلي اني جنحاني مكسره ماكدر اسوي شي تحرك سوي شي راح انجن رحت ع بيتهم همه أقاربي طبعا الوجوه ثكيله الكل عده البنت الي احبها نظرتها الي جانت مثل الطير الي يرفرف فرحانه كعدت وي امها سولفت كتلها اشرطي وطلبي علي اي شي واذا مكدرت اوفره قسم بالله زوجيها اني احبها وحبنه صادق ترد عليه تكلي حلم عمرك تصير رجل بنتي تكلي لا ابوك ولا امك يستاهلون بنتي كتلها بيت وحدها اطلع من اهلي اسكن يمكم بنفس المنطقة شتردين اسوي اشوف بيت ايجار يمكم لمن شوي الله يرزقني وابني بيت ويمكم مابعد ولا اهلي يدخلون عل بيت اني اروح وحدي بنتج ماتروح وياي لسه اتذكر حركات وجهه الي استزغار وحقد بهلي ماتندمت ع شي بحياتي ولا صغرت نفسي بس بهل موقف نزلت ع أيدها وعلى رجلها لحد الآن اعاقب نفسي ع هاي السالفه هي البنت ابوها متوفي وماعدها اخوان بس بنات وامها جان كابوس بحياتي جنت اشتغل وخير من الله وعندي سيارتين وكلشي ماحتاج من هل دنيا بس اتزوج حبيبتي وصير اسعد انسان ع وجه الارض بعت سيارت ثنينهن ورحت اخذت الفلوس وكلت ال امها رجعو مهر مال مصطفى وهذا مهر بنتج وشنو تطلبين اني حاظر كالت اخذ فلوسك وروح كلشي ما الك يمنا تعبتني امها ضيعتني وضيعت بنتها الله لايسامحها دنيا وآخره وفعلاً تزوجت البنت واني فلوس السيارت تطشرن ودخلت بحاله نفسيه فجأة صحيت على نفسي لكيت نفسي ضايع بهل دنيا حمدت الله وشكره على كل حال وهسه من اشوف بنت لو ينجاب طاري بنت أحقد ع كل بنت بل كون واسف عل اطاله تكلمت بكلبي مو بعقلي أثرت بيه هل اغنيه
