*ತುಳು ಒರಿಪುಗ*ಅಂತರ್ಜಾಲದ ಯೂಟ್ಯೂಬ್ ತೂಪರಿಕೆದ ವಾಹಿನಿದ ಮುಕಾಂತ್ರ ಸಾದ್ಯ ಆಯಿನಾತ್ ಮಟ್ಟ್ ಗ್ ತುಳುವೆರೆ ತುಳುಧರ್ಮೊದ ಮೂಲ ನಂಬೊಳಿಗೆದ ಆಚರಣೆ,ಆರಾದನೆ,ನಂಬೊಳಿಗೆ,ತುಳುವ ಸಂಸ್ಕೃತಿದುಲಯಿದ ಬದ್ ಕ್,ತುಳುವ ಪರಪೋಕು,ದೈವಾರಾದನೆದ ಬಗೆಟ್ ನಮಕ್ ತೀರ್ನಾತ್ ಮಟ್ಟ್ ಗ್ ಪ್ರಾಮಾಣಿಕವಾದ್ ಜಗತ್ತ್ ದ ಮೂಲೆ ಮೂಲೆಗ್ ಎತ್ತವುನ ಚಾಕಿರಿ ಮಲ್ತೊಂದುಲ್ಲ.ನಿಕ್ಲೆನ ಎಡ್ಡೆಪ್ಪುದ ಮದಿಪು ನಮಕ್ ಏಪಲಾ ಬೋಡು.ಸುಮಾರ್ ಮುಪ್ಪತ್ತ ಮೂಜಿ ಸಾರ ಮುಟ್ಟ ಚಂದಾದಾರೆರುಪ್ಪುನ,ಆಜರೆ ಸಾರ ಮುಟ್ಟ ವೀಡಿಯೊಲೊಲಿಪ್ಪುನ,ಒಂಜಿ ಕೋಟಿರ್ದ್ ಮಿತ್ತ್ ಜಗತ್ತ್ ದ ಮೂಲೆ ಮೂಲೆಡ್ ತೂಪರಿಕೆಯಾಯಿನ ನಮ್ಮ ತುಳು ಒರಿಪುಗ ಯೂಟ್ಯೂಬ್ ವಾಹಿನಿ ಸುರಾದ್ ಏಳ್ ವರ್ಸ ಕರಿಂಡ್.ಆಯಿನಾತ್ ಮೂಲ ಸ್ವರೂಪದ ದೃಶ್ಯಾವಳಿನ್ ತೋಜಾವುನ ಬೇಲೆನೆ ಮಲ್ತ್ ದ.ತುಳು ಬಾಸೆಗ್ ಪೊರ್ಲ ಲಿಪಿ ಇತ್ತ್ ನೆನ್ಲ ತೂಪಾಯೆರೆ ಪ್ರಯತ್ನ ಮಲ್ದ.ತುಳು ಬಾಸೆಗ್ ತುಳು ಲಿಪಿತ ತಾರಿದೊಲಿ ಬರವುಲುಲ್ಲ.ಕಲ್ಲ ಬರವು,ತಾಮ್ರ ಬರವುಲುಲ್ಲ.ಕಾವ್ಯೊಲೆಗ್ ಸಮಾನವಾಯಿನ ಮೌಖಿಕ ಪರಂಪರೆದ ಪಾಡ್ದನೊಲುಲ್ಲ.ದಂಡ್ ದ ರಾಜ್ಯೊಡು ,ಏಳ್ ಕಡಲ್ ದಂಚಿ ಬದ್ ಕ್ ನ ತುಳುವೆರೆ ಪುರಾಪುಲುಲ್ಲ.ನಮ ಮಾತೆರ್ಲ ಅಳಿಯಂತ್ರ ಸಾದಿಡುಪ್ಪುನ ತುಳು ಬಾಷೆ ಸಂಸ್ಕೃತಿನ್ ದುಂಬುದ ಪೀಳಿಗೆಗ್ ಒರಿಪುನ ಬೇಲೆ ಮಲ್ಪೊಡು.ಯಾನ್ ಪನ್ಪುನೆನ್ ಮದತ್ ದ್ ನಮ ಪನ್ಪಿ ಭಾವನೆಡ್ ತುಳುಒರಿಪುಗ