BPL, Pana Sonic, Philips, ഗൾഫ് കാരുടെ വീടുകളിൽ SONY സ്റ്റീരിയോകൾ അടക്കി വാഴുന്ന കാലം. ടേപ്പ് റെക്കോർഡിൽ കറങ്ങുന്ന കാസറ്റും, അതിൽ നിന്ന് ഒഴുകി വരുന്ന സംഗീതവും അതൊരു പ്രത്യേക ലഹരിയും ഹരവുമായിരുന്നു. Bass കൂട്ടാൻ മൺ കലത്തിനുള്ളിൽ സ്പീക്കർ വച്ച്, അതിന്റെ ഇടിപ്പ് കൂട്ടി മൺ കട്ട ഇട്ട വീടിനെ ഹോം തിയേറ്റർ ആക്കി ആഘോഷിച്ച കുട്ടിക്കാലം, അതിന്റെ ആ സൗണ്ടൊന്നും ഇന്നത്തെ ഒരു ബ്ലാസ്റ്റർ വൂഫറിനും സമ്മാനിക്കാൻ കഴിയില്ല. അന്നൊക്കെ ചുരുക്കം ചില വീടുകളിലെ ടീവി യും VCR യും, VCP യും ഉണ്ടായിരുന്നുള്ളൂ. പിരിവിട്ട് വാടകയ്ക്ക് കാസറ്റെടുത്ത് സിനിമകൾ കണ്ട കാലം. കഴിക്കാൻ ഒന്നും കിട്ടിയില്ലെങ്കിലും T V കണ്ടാൽ അന്ന് മനസും വയറും നിറയുമായിരുന്നു. 80-90 കളിലുള്ള സമപ്രായക്കാർക്കേ അതിന്റെ വില അറിയൂ. വെള്ളിയാഴ്ച സ്കൂൾ വിടുമ്പോൾ ലോകം വെട്ടിപ്പിടിച്ച സന്തോഷമായിരുന്നു. ശനിയും ഞായറും അവധിയാണല്ലോ. ഇഷ്ടം പോലെ ചാടി മറിയാം, അന്നൊക്കെ ഞായറാഴ്ച്ചകളിൽ ആണ് ദൂരദർശനിൽ മലയാളം സിനിമകൾ ഉള്ളത്. സിനിമയും കണ്ടു സന്തോഷിച്ചു വീട്ടിൽ വരുമ്പോൾ തിങ്കളാഴ്ച സ്കൂളിൽ പോണമല്ലോ എന്ന വേദനയും, ചെയ്യാതെ പോയ ഹോം വർക്ക്‌, കണ്ണുരുട്ടുന്ന കണക്കു സാറും, ഒരു വെണ്ടയ്ക്കയും മനസിലാത്ത ഹിന്ദിയും, ഇംഗ്ലീഷും, കേമസ്ട്രിയും സമവാക്യങ്ങളും, എല്ലാം കൂടി ആഘോഷമാക്കിയ ആ നല്ല നാളുകൾ, പലപ്പോഴും കൂട്ടുകാർ അടക്കം പറയാറുണ്ടായിരുന്നു, ഈ സ്കൂൾ ഇടിഞ്ഞു പോയിരുന്നെങ്കിൽ നാളെ തൊട്ട് പഠിക്കാൻ പോകണ്ടായിരുന്നു എന്ന്. ഇന്ന് അതെല്ലാം അന്യമായി. ഈ കാസറ്റ് ഒരു തലമുറയുടെ വികാരമാണ് 😔😔
അതെ ബ്രോ ഇതൊക്ക എങ്ങനെ മറക്കാൻ പറ്റുമോ എല്ലാം ഓർമ്മകൾ ഒരുപാട് സന്തോഷം ബ്രോ നിങ്ങടെഒക്കെ സപ്പോർട്ട് ആണ് ഇങ്ങനെ ഒക്കെ ഉള്ള വീഡിയോ ചെയ്യാനുള്ള പ്രചോദനം 🙏👍🥰
