NU DAWTNAK A ka hringsortu ka nu, hnuk ti thlum in a ka cawmtu, Ih caan za ti zong um lo, a ṭangnem cungah pom in, Ka fa dawt merem cang seh, tiin hladawh in, Zantin dah maw na ka thlim tawn, cham khawh si ti lo. Ka nu thlaza camnak thawng kei ca, Thluachuah van ni bang a tlang, Ka nu dawtnak leicung khuazakip ah, Zai hla dawh in thangṭhat usi. (Ka nu thlaza camnak thawngin kei ca, zungzal thluachuah van ni bang a tlang, himnak ṭhawnnak damnak ka hmuh, ka nu kan dawtnak cu khuazakip ah zaihla dawh in thangṭhat usi.) Khuasual huah len fah hmanh khi, zahpi loin maw ka fa dawt, Mi zoh hawi maw hngar lai tin, baang ṭualmal in a chosang ah, Ti fur ṭhal, khuasik caan zong, hual loin maw ka nu, Zaanghne thleh in lo rian na ṭuan, cham khawh si ti lo. Cerhti put bangin a luang, na dawtnak ka riam kho hin lo, Zungzal dong ti lo dawtnak, cim ni um lai lo dawtnak, Hi leicung nunchung zongah, philh ni um lai lo dawtnak Sunghno ka nu na zuunthlum cu cham khawh si ti lo.
