اليوم عيد الفطر10/4/2024... وهو اول يوم القى صفحتك بصراحه تغطيتك خفيفه لطيفه بسيطه ... وعجبني شرحك وسردك . استمر وربي يوفقك ياليت تسوي تغطيه لتركيا ولروسيا غير الاماكن اللي طايحين فيها ربعنا الخليجين . .. نفس الاماكن نقس التصوير نفس الجدول نبي شي جديد وحاول تسوي بوكس الوصف مثلا الفندق مثلا الاسعار حتى لو متغيره جذي حلو ناخذ فكره اكثر
يوجد طريق واحد فقط مؤدي الى البحيره ، وعند نهاية الطريق تجد لوحه اعلانيه توجهك الى مكان الدراجات الناريه ، تتقدم قليلا على نفس الطريق وستجد مركزهم على الشمال ، وايضا بامكانك سؤال الفندق وسوف يدلونك على المكان ، وان بحثت في جوجل ماب ربما تجدهم لان مكانهم ثابت ، ارجو ان اكون وصلت المعلومه بشكل واضح 👌
اسعار الشقق والفنادق تختلف حسب المدينه وموقع الشقه وتواريخ الحجز ، بامكانك البحث في مواقع حجوزات الفنادق وايضا موقع Airbnb مفيد جدا للبحث على نطاق اوسع 🙏
نصيحه نصيحه نصيحه الي يبي يروح براغ انتبه تروح في شهر اغسطس لانها حر وتكره اليوم الي جيت فيه لبراغ ثانيا لا تجلس فيها اكثر من 3 ايام بالكثير لانك راح تمل منها 3 ايام تكفي واخر نصيحه بودابست جدا جميله لازم تمر عليها طبعا اتكلم عن تجربتي وشكرا
راح اخذ نصيتحتك في عين الاعتبار ، واوعدك اني انزل فيديو عن بودابست ، اما بالنسبه للجو في اوربا بالصيف متغير جدا ، تجد ايام حر ونفس الايام في سنه اخرى تجدها جدا بارده وممطره ، هذا الكلام بناء عن خبره ، انا اذهب لاوربا من اول الى اخر الصيف في كل عام ، الطقس يتغير كل عام
@@retiredlife42 ياغالي انا من اسبوع جيت من براغ والله العظيم اني ندمان اشد الندم اني رحت في شهر اغسطس تحديداً 14 اغسطس والجو كان حار جداً بشكل لا يطاق وذهبت بعدها الى بودابست الجو كان افضل من براغ لكن برضوا حر وايضاً فيينا كانت حر عموماً الي ابي اوصله اوروبا من ناحية الطقس ليست كالسابق بالذات في الصيف تنحاش من الحر وتنصدم بالحرارة هناك
يؤسفني حالة الطقس اللي مرت عليك وتجربتك السيئة مع الطقس.. نهاية شهر أغسطس تكونت قبة حرارية على أجزاء من اوروبا امتدت الى اول اسبوع في شهر سبتمبر .. ولاحظ عزيزي نزول الأمطار الرعدية على هولندا وشمال ألمانيا والسويد والنرويج في شهر اغسطس وايضا نزول ثلج بشكل مفاجئ على سويسرا عموما المناخ متغير ومتقلب ولايمكن توقعه في كل عام وفي كل شهر والطقس غير ثابت بالمرة .. ومرة ثانية تؤسفني تجربتك وحظ اوفر العام القادم